Imaxe do choque de Vázquez y Reino Mala xornada para o baloncesto costeiro, con derrotas por todas partes e a única fiestra do Vázquez y Reino, que segue dirección o ascenso.

1ª División Autonómica, Fase de Ascenso á Liga EBA, xornada 3

• Resultado: INTREMAR VIGO - CALVO BASKET XIRIA (77-71)
• Calvo Xiria: Javi Argüelles (8), Jorge Guillamet (8), Peli Esmorís (20), Manu Rey (5), Luis Gómez (12), Pablo Moreira (5), Rubén Cristóbal (3), Roi (2), Fran Cristóbal (3).

Gran partido en Vigo, no que o Xiria se mantivo ata o final. Empezaban algo durmidos os carballeses e permitían transicións rápidas dos locais, permitindo que marchase 9 arriba no primeiro cuarto. Métense no choque no segundo tempo chegando mesmo a poñerse por diante no terceiro cuarto. Pero no cuarto período as malas decisións e os erros en tiros cómodos permitiron que os vigueses levasen a vitoria poñendo o ascenso moito máis complicado, pois está 5º a 4 puntos do líder, o Construcciones Castro a falta de 6 xornadas.   Pola súa parte, as mozas do Vázquez y Reino sumaban a súa 13ª vitoria (por só 2 derrotas) ante o Prone Lugo, demostrando que este ano a 2ª División Sénior feminina lle queda pequena.  

Familia ACB

3ª División Sénior Masculino

• Resultado: CB TERRA CHÁ - ACB COSTA DA MORTE (80-44)

Mal partido dos ceeses despois de dous partidos nos que mostraban unha melloría e encarrilar a situación. Desta vez e tendo en conta as numerosas baixas, tras un parcial de 12-0 xa se vía que a cousa sería problemática. Despois dese parcial e ata rematar a primeira metade, a diferencia non era ampla, mais o xogo, estaba a ter moitos erros, tiros no primeiro pase, penetracións a ningures, e numerosas perdas de balón. En defensa a cousa non ía mellor, e os locais conseguían anotar tiros abertos, penetracións e algunhas canastras debaixo do aro. Mais non se lle perdía de todo a cara ao encontro. Á volta do descanso, os problemas acentúaronse e o equipo de Vilalba non fixo máis que aumentar paulatinamente a súa renda ata o final do partido. Quedan 3 partidos da primeira fase para que os costeiros cambien a súa situación. Na base, bos partidos os dous xogados polos Junior da Carnicería Muíño, que non tiveron sorte e acabaron perdendo ante dous equipos do Basquet Coruña. Os infantís caían en casa ante o Arteixo e Dominicos, mentres as súas compañeiras de idade caían con rotundidade ante un Calansacias, o líder, moi superior.  

Crónicas da tempada

• O Xiria volve meterse na loita pola EBA.
• O Basket Xiria métese na Fase de Ascenso á Liga EBA.
• Pechando o ano con alegrías e decepcións.
• Pensando no Nadal.
• Derbi costeiro con acento carballés.
• Xornada de derbis de base.
• A canteira toma o protagonismo.
• Da boa saúde do baloncesto carballés.
• Mans de manteiga.
• O debut histórico do Artai Sénior centra a atención da xornada do basket costeiro.

Novas relacionadas

• Setembro 17: Ferroatlántica retira o seu apoio ás entidades deportivas.
• Xuño 2017: Iván Villaverde estrease a vindeira tempada como entrenador do primeiro equipo do Calvo Basket Xiria.
• Maio 17: O Vázquez y Reino métese na Fase de Ascenso no ano da súa estrea.

Fonte

• Redacción de QPC (info@quepasanacosta.com).