Basket: Sol polo Norte e frío polo Sur

Basket: Sol polo Norte e frío polo Sur

Redacción

08:34 13/12/16

Se por Carballo a xornada foi máis que positiva, por Cee contaron partidos por derrotas.

Familia ACB

3ª Autonómica Masculina

Resultado: C.E. Cume Costa da Morte – Bristol Tigers (45-66).
Anotadores: Manu (7, 1T); Deril (12); Cristian M.; Iván (3, 1T); José – cinco inicial – Luci (5); Christian V.; Tinín; Sergio (2) e Adrián (16, 2T)

O banco do ACB nun partido anterior Novamente dúas caras moi distintas as ofrecidas polo equipo no mañá do domingo. A pesares de saír dubitativos en ataque sen ter moi claras as ideas, atopan boas opcións, a meirande parte de Deril, moi activo neste primeiro cuarto, cargándose o equipo as espaldas en ataque, se ben, o poderío do seu xogador nº 46 “Gorri” facía que os balóns interiores fosen moi difíciles de atopar, e cando se pasaban, este sempre estaba para cortar o balón, provocando perdas de balón. Moi boa defensa, que se ben encaixou 17 puntos, consegue cerrar ben a zona, facendo un gran traballo e vendo os resultados do adestrado na semana, conseguían parar o potente xogo interior. 08-17 neste período. O segundo cuarto, mantense a forte defensa, onde se segue sen conceder nin un centímetro na zona para que os seus interiores non recibisen cómodos. Sumamos que agora as opcións en ataque se ven con máis claridade, atopando tiros liberados de tres puntos, e un par de contraataques fan que nos vaiamos mandando no luminoso por 31-30 ao descanso, grazas, en gran medida ao acerto e velocidade de Adrián. Despois do descanso a imaxe cambio de maneira radical. Despois de que Bristol Tigers anote una canastra e dúas triplas, e vernos novamente por debaixo, os xogadores comezan a tomar accións precipitadas, tirando ou penetrando ao primeiro ou segundo pase, ademais, a defensa, se ben segue a ser agresiva, comeza a notar o esforzo, concedendo moitos tiros abertos sen oposición. Neste cuarto o parcial é de 02-19, dous puntos que son dous tiros libres a falta de 18.6 segundos para o final, polo que o equipo costeiro pasou nove minutos sen anotar. Cos ánimos baixos, vendo como se estaba a estragar o traballo feito, Bristol Tigers segue a anotar no derradeiro período con facilidade, se ben, o C.E.Cume consegue anotar algo máis, pero as sensacións eran que 16 puntos era moito para remontar contra un equipo tan enchufado en defensa como o visitante. O club ceense quere dar as grazas á numerosa afección que se desprazou a alentar ao equipo e que anima sexa cal sexa o resultado. A Base ACB Pleno de derrotas para os equipos de base. Os cadetes caíaron con rotundidade ante o Basquet Coruña por (34-82), no que a terceira falta do seu único home alto, Fran, fixo moi dano. As Cadetes prantaron máis oposición ás do Culleredo O Burgo, pero acabaron sucumbindo por (25-36). Estiveron mellor no segundo tempo, e gracias ao acerto de Lara, con 17 puntos, estiveron no partido ata o final, deixando sensacións contraditorias nas xogadoras. Xa en Infantís, os rapaces do Ferroatlántica ACB Verde sufrían a súa primeira derrota do curso ante o Cambre, nun partido decidido dende o primeiro cuarto e no que os 21 puntos de Ramiro non impediron a derrota. Pola súa banda os mozos do Ferroatlántica infantil caían por unha canasta en Arteixo (44-42). Alex tivo o empate pero non acertou, deixando igualmente grandes sensacións no equipo. Ademais, as pequenas infantís tamén caían en Culleredo, ante un rival dos de arrriba.

Familia Artai

Carlos, cadete do Artai Liga Galega Cadete, masculino, x.6

Resultado: C.B. ARTAI - PORIÑO BB (57-60)
Parciais: 9-11; 23-25; 38-37; 57-60.
C.B. ARTAI (9 14 15 19): Marco, Javi Santiago (17), Samu, Xullo (15), Pablo, Nión (11), Manu , Carlos (7), Iago (2) e Diego.

Boa entrada de seguidores na pista carballesa. Vitoria dos visitantes nun final agónico que se resolveu cun triplo co tempo case cumprido e que daba aos visitantes a súa primeira vitoria da liga e que supoñía un auténtico xerro de auga fría para os xogadores de Iván Villaverde e Fran Cristóbal. Partido durísimo, intenso e coas dúas formacións pelexando e loitando cada balón coma se fóselle a vida niso. Ambos equipos sabían a importancia da vitoria e por iso as concesións ao rival eran mínimas e as vantaxes outro tanto. Acusaron os locais as numerosas baixas para este partido á que se tivo que engadir Manu nos primeiros minutos do primeiro cuarto. Pese a iso, bo traballo de todo o equipo e toca agora recuperar efectivos para a próxima semana en Ferrol. Na Liga Provincial, os Cadetes vencían a Los Rosales por (54-47) nun gran partido, igualado ata que aparecía os infantís Borja (con 6 puntos de forma consecutiva) e Damián (cun triplo) no momento máis importante do partido, onde vos rapaces de Carballo se poñían por primeira vez diante non marcador, conseguindo así unha nova vitoria moi loitada. Ademais, as Cadetes da Liga Provincial arrasaban ás herculinas do Santa María do Mar por (74-24) nun choque claro.

Familia Xiria

1ª División Autonómica Masculino, x.7

Resultado: Basket Xiria - Obradoiro (70-66)
Calvo Xiria (70, 22 + 14 + 13 + 21): Javi Argüelles (4), Guillamet (2), Manu Rey (26, 7t), Luis Gómez, Peli (16) -inicial- Héctor (9, 1t), Roi, Anxo Estanis (9), Fran Cristóbal (3, 1t), Pablo Moreira (2).

Partidazo dos de Arturo Ferraces na casa ante máis de 200 espectadores para derrotar a todo un Obradoiro. Se o primeiro cuarto foi para os locais, os santiagueses daban a volta ao marcador antes do descanso. As aportacións de Peli, xa peza fundamental no equipo dende a súa chegada, Manu Rey e Anxo Estanis, foron calves para acabar acadando a vitoria. Os carbaleses mantéñense na 5ª praza tras 7 xornadas, pero a só unha vitoria dos líderes. Aquí quedan dúas boas mostras do baloncesto carballés: [fbvideo link="https://www.facebook.com/carballobasket.xiria/videos/1495520993798900/" width="660" height="400" onlyvideo="1"] [fbvideo link="https://www.facebook.com/carballobasket.xiria/videos/1495521090465557/" width="660" height="400" onlyvideo="1"] 2ª División Autonómica Feminina, x.8

Resultado: ADFRO - Vázquez y Reino (24-88).
Vázquez y Reino : Laura 12, Iria 12, Ana 9, Silvia 14, Sara 7, Limeres 7, Cris 2, Estela 8, Irene 6, Mato 4, Pombo 5 e Lucía 2.

Non tivo cor o choque. Quedan as carballesas a unha soa vitoria do liderato, que poderá alcanzar a vindeixa xornada, antes do parón de Nadal, se vence ao Otero Caritón Inmaculada de Santiago por máis de 16 puntos. A cita será o sábado 17 ás 16:000h no Vila de Noia.