Imaxe do derbi comarcal de cadetes en Calvo Xiria e ACB Costa da Morte

Xornada completa para a familia do baloncesto costeiro, cos focos de atención postos en Cee e Carballo, coma sempre.

Familia ACB

Sénior Masculino

• Resultado: C.E. CUME COSTA DA MORTE - BASQUET CORUÑA SENIOR (59-66)
• CUME: MANU (6); Deril (18); Luci (5); Alfredo (1); Tinín (10) -cinco inicial- Fabián (12) Anxo (3); Sergio (4).

Nova derrota dos ceeses, aínda que con mellores sensacións que nos derradeiros partidos. Non comezaron ben os costeiros, incómodos en ataque sen atopar a solucións idóneas, pero mantendo unha boa defensa que impetía aos herculinos marcharse no marcador.

Na segunda metade viuse a cara que deben ofrecer o C.E. Cume Costa da Morte para acadar unha pronta vitoria. Boa toma de decisións, e sobretodo, 4-5 pases antes de buscar unha opción de tiro ou de penetración. A defensa non foi tan rocosa, xa que o desgaste en ataque tamén foi maior pero se conseguiu ganar o parcial da segunda metade por 41-37. Este é o camiño a seguir.

Junior Masculino

• Resultado: ACB COSTA DA MORTE - CB CAMBRE (56-40)
• ACB: Fran (7); Luci (19); Jorge (9); Anxo (7); Dani (10); Lois (2); Jesús (2)

Bo partido dos costeiros que acadaron a segunda vitoria da tempada. Comezaron a un nivel moi alto, chegando dende o saque de fondo ata conseguir canastra sen botar o balón, con rápidas transicións, mais despois dun tempo morto do adestrador cambrés acercáronse no marcador. O segundo cuarto continuou cunha tónica similar, mais agora os locais comezaron a abusar do bote e do 1x1, cousa que non os beneficiaba, ainda que sempre por diante no marcador. A segunda parte, foi un calco da primeira, cun terceiro periodo moi igualado, e o derradeiro, cunha defensa aínda máis intensa, roubando balóns e chagando a fáciles contraataques ampliaron máis aínda a vantaxe.

 

Familia Xiria

Sénior Masculino

• Resultado: Calvo Xiria - BBCA San Felipe (61-74)
• Calvo: Javi, Guillamet (5), Peli (26), Manu (10), Roi, Fran (4), Sergio Cebral, Luis (2), Moreira (14), Rubén Cristóbal.

O Sénior masculino do Calvo celebrou o 25N

Partido do 25N marcado pola actuación arbitral. Clave foi o segundo cuarto, cando s ferroláns marcharon con 10 de vantaxe ante uns carballeses que non atopaban a canasta, ante unha defensa moi dura.
Recurtaron na segunda os verdes e conseguían empatar, e cando mellor estaba, unha expulsión, e varias triplas visitantes sentenciardon o choque, sen tempo para reaccionar no último cuarto.

Familia Artai

• Sénior Masculini
  • Resultado: CALVO ARTAI - CERVECERÍA M3 LARACHA (77-61).
  • CALVO ARTAI (17+17+20+23): Jaime (8), Samu, Marcos, Alessandro (6), Abrahan (6), Sergio (8), Fernando (17), Adrián, Bruno (20), Diego (4), Iván e Andrés (8).

  Derbi, o primeiro da tempada para ambos equipos. Facía máis de dúas décadas que non se xogaba un partido oficial senior masculino entre dous equipos de ambas localidades. Partidazo o que se puido ver sobre o parquet carballés. Impensable o desenlace do partido tralo visto nos tres primeiros cuartos, onde os xogadores de Javier Cotelo eran dominadores do xogo, do marcador e do “tempo” do partido. Pero no último cuarto momento os locais foron unha auténtica apisoadora e non deron opcións aos laracheses. O parcial de 23 a 4 é elocuente coa forza e intensidade coa que xogaron os locais para lograr o seu quinto triunfo en seis xornadas e de paso endosar a primeira derrota aos laracheses.

   

  Duelo de canteiras

  Infantis do ACB Costa da Morte

  As infantís do ACB enfrontábanse ao Basket Xiria e conseguían vencer por (61-45) tras un partido moi igualado, no que os erros das carballesas foi clave.

  Tamén os Cadetes tiveron choque directo, vencendo desta volta os carballeses por 70-35. Dende o primeiro cuarto foron superiores os carballeses, que gracias a un inspirado Damián xa marchaban con 13 de vantaxe no primeiro cuarto.

     

  Crónicas da tempada

  • A canteira toma o protagonismo.
  • Da boa saúde do baloncesto carballés.
  • Mans de manteiga.
  • O debut histórico do Artai Sénior centra a atención da xornada do basket costeiro.

  Novas relacionadas

  • Setembro 17: Ferroatlántica retira o seu apoio ás entidades deportivas.
  • Xuño 2017: Iván Villaverde estrease a vindeira tempada como entrenador do primeiro equipo do Calvo Basket Xiria.
  • Maio 17: O Vázquez y Reino métese na Fase de Ascenso no ano da súa estrea.

  Fonte

  • Redacción de QPC (info@quepasanacosta.com).