Martes. 21.05.2024
El tiempo

Crónica da xornada e resultados do #futboldacosta

Crónica da xornada e resultados do #futboldacosta
Muros-Montelouro - Foto- Edu Olveira

Segunda xornada completa (a falta dos cadetes e infantis) no #futboldacosta. Estes 8 e 9 de setembros, en plenas Festas da Barca, sorprende que non houbese máis encontros suspendidos sabendo que toda a bisbarra acode a Muxía.

En todo caso, as xornadas transcorreron con normalidade e resultados para todos os gustos. Como na 3ª xornada da Preferente, onde os nosos colleitaron 2 vitorias e unha derrota. Derrota a do Soneira, que aínda lle falta ir encaixando as novas fichas trala curta pretempada, ante o Laracha. Aínda así os de Felipe Candamo mantéñense con 4 puntos na metade da táboa. O Xallas de Santa Comba de Corredoira segue amosando que este ano vai forte e supero por 1-2 ao O Val. Con 6 puntos, a 1 dos xalleiros, sitúase o Dumbría, que corrobora o seu bo inicio cunha vitoria por 0-2 ante o Carral, recuperando ademais o bo sabor do gol, da man de Pablo Muíño.

Na 1ª Autonómica houbo o primeiro derbi, no que o novo Camariñas puido con todo un experimentado Ponteceso. Os de Pepucho foron superiores aos de Nacho, que se colocan como pechacancelas con 0 puntos. Tampouco o Fisterra foi quen de sumar os seus primeiros puntos e caeu no seu debut en Ara Solis ante o Estudiantil. E o Malpica queda cos 3 puntos da primeira xornada tras caer 3-1 en Piloño.

Segue líder o Corcubión na 2ª Autonómica tras vencer, sufrindo, ante o Outes. Os de Manolín comparten a doble vitoria con outros equipos, como o sorprendente Volantes que demostrou que tamén sabe sufrir e defender forte fóra de casa e venceu ao seu coñecido do ano pasado, o Cabana, que aínda non sumou. O Cee parece moi forte, e hoxe, malia sufrir ante o Carnota, puido quedar cos 3 puntos e seguir arriba. O Sofán tamén anda forte e así o demostrou no derbi carballés ante o San Lorenzo de Gueli. Completa o quinteto de 6 puntos a Esteirana que vencía 2-1 ao Zas.

Na 3ª Autonómica, sorprende este Soneira B con 2 de 2 e sen recibir tanto. Os vimianceses superaron a un Ameixenda que aínda lle queda por mellorar. Boa xornada, iso si para os outros dous novos conxuntos, pois Baíñas e Castrelo sumaron o seu primeiro punto da historia ante Coristanco e Laxe respectivamente, dous equipos que se manteñen na zona alta con 4 puntos e que volven ser candidatos logo da gran temparada pasada.
Por arriba, o Independiente Carballo amosou a súa intención de estar arriba e superou a un dos favoritos, a UD Cerqueda. Tamén gañou, e amosou credenciais, o Porteño ante un Nantón algo baixo. O Lira non puido sumar a segunda vitoria tras un choque de ida e volta ante o Xaviña que remataron gañando os camariñáns aos puntos.
E volveu o fútbol ao mítico campo do Rodeiro, e o fixo cunha agardada vitoria local por 2-0 ante o Alcaián. Onde non se xogou, foi en Fisterra o choque ante o Muxía, polas festas da Barca.

Ademais, repasamos as Ligas Xuvenís, que a partir de esta semana, e coa axuda de todos os que queirades achegarnos aos campos, intentaremos facer unhas completas crónicas coma as do ano pasado. Por sur, no Gr.3, Xallas de Santa Comba, Fisterra e Muros son os únicos que suman 2 de dous. E o fixeron tras sendos bos choques, pois os xalleiros tiveron que superar ao Dumbría, o Fisterra ao potente Cee e o Muros no derbi coa Esteirana.
Polo norte, o Ponteceso, tras gañar ao Malpica nun gran choque, é o único que suma 2 de 2 á espera do choque do Baio ante o Muxía, aprazado. O Cabana sitúase por detrás con 4 puntos trala súa goleada ao Camariñas, un dos que queda sen sumar co Zas.

Preferente, xornada 3

O Val1-2Xallas de Santa Comba
Laracha2-1Soneira
Carral 0-2Dumbría

1ª Autonómica, xornada 2

Camariñas4-1Ponteceso
Fisterra0-1Estudiantil
Piloño3-1Malpica

2ª Autonómica, xornada 2

Cabana0-1Volantes
Dumbría0-4Corme
San Lorenzo0-1Sofán
Cee2-1Carnota
Corcubión1-0Outes
Buño0-0Castriz
Muros1-0Montelouro
Baio3-1Mazaricos
Esteirana2-1Zas

3ª Autonómica, xornada 2 (Descansa Muxía)

Castrelo2-2Laxe
Indep. Carballo2-1Cerqueda
Camelle2-0Alcaián
Baiñas1-1Coristanco
Ameixenda0-4Soneira B
Lira4-5Xaviña
Nantón1-2Porteño
Fisterra B2-2Corcoesto

Liga Xuvenil, Gr.3, xornada 2

Xallas de Santa Comba2-0Dumbría
Mazaricos4-2Corcubión
Fisterra3-2Cee
Muros2-1Esteirana
Outes4-0Soneira

Liga Xuvenil, Gr.4, xornada 2 (O Baio - Muxía aprázase polas Festas da Barca)

Ponteceso3-1Malpica
Cabana5-0Camariñas
Laxe5-0Zas
Corme2-1Coristanco
BaioApraz.Muxía

Máis información

Fonte

Comentarios