David Calzas no Duatlón de Maside David Calzas A segunda proba do Circuito Galego de Duatlón deixounos un campión costeiro. O vimiancés David Calzas (Tríatlon Costa da Morte) vencía o VIII Dúatlon Cross Concello de Maside, segunda proba do circuíto galego 2018, que reuniu a case 80 participantes. Elpidio Gómez (licenza dun día) comezou liderando a proba no primeiro segmento de carreira a pe, pero na bicicleta David Calzas estivo a un gran nivel poñéndose en cabeza e marcando o mellor tempo neste sector, mentres que por detrás había unha dura pugna entre Rubén Deaño (licenza dun día) e Gabriel Castiñeira (Tríatlon Costa da Morte). Elpidio quedou descolgado na bicicleta. No último segmento Calzas so tivo que manter a cómoda distancia que tiña cos seus perseguidores para vencer cun tempo final de 1:57:36. A segunda posición foi para Rubén Deaño, que foi o máis rápido neste segmento, e chegou a meta cun tempo de 2:00:37. A terceira posición foi para Gabriel Castiñeira (2:01:06). O equipo Tríatlon Costa da Morte quedou, de novo, campión por equipos. O Triatlon Costa da Morte xa leva dous triunfos por equipos

Novas relacionadas

• O club Triatlón Costa da Morte abre o Circuito Galego de Duatlón Cross cunha vitoria por equipos.

Fonte

• Fegatri.