Doro do Xallas e Castro do Coristanco pichichis costeiros da Preferente e Xuvenís respectivamente Xa levamos 3 meses de competición e as Ligas van tomando o pulso. Os equipos van tomando posicións e as táboas de goleadores xa van collendo algún sentido. Os pichichis van facendo o seu traballo, e facendo un repaso ás 4 ligas dos maiores emais os xuvenís, xa imos atopando grandes nomes.

Preferente

Na Preferente, destaca Taibo (Laracha) con 10 goles. Pero a nivel costeiro. Coma se dun deja vu se trayase, o primeiro goleador costeiro é un tal Doro (Xallas), con 5 tantos (1 de penalti), os mesmos que os sofanistas Adrián Quintela e outro eterno pichichi, Raúl (3 de penalti). Sorprende que o primeiro soneirán na táboa sexa Pichi, con 4 tantos.

1ª Galega

Alex Flores co Zas ante o Esclavitud-Foto-Esclavitud Na 1ª Autonómica, con 8 tantos aparecen o fisterrán Adrián Makaay, como non, e o zasense Álex Flores a pesar de xogar tan só 9 partidos xogados por mor das lesións. Máis abaixo, con 5, aparece o fisterrán Bruno (2 de penalti), o zasense Marcos Corzón e o dumbriés Aarón López. A táboa de goleadores deixa ver ás claras os problemas do Outes cara gol (pechacancelas e o segundo menos goleador da categoría), pois é David Sampedro o máximo goleador do equipo con 3 tantos (1 de penalti).

2ª Galega

Alejo do Corme - Foto: Fin Lema Na Liga da Costa, o cormelán Alejo escapa no alto da táboa de goleadores con 18 goles (3 de penalti) en 13 partidos. Por detrás chega o baiés MC con 13 goles (2 de penalti). Dani Fuentefría, do San Lorenzo e Yuyo do Camariñas suman 9 goles cada un, mentres con 8 están xa o tamén baiés Javi Suárez e Juni, tamén do San Lorenzo. Geiko do Montelouro demostra por que o ano pasado foi pichichi da 3ª e xa leva 7 goles, os mesmos que Martín, do Buño. Con 6 aparece xa unha importante lista de nomes: Santi Díaz (Baio), Jorge Lorenzo (Coristanco), Brandon (Camariñas), Toniño (Corme), Pablo Landeira (Castriz), Andrés (Corcubión) e Parafita (San Lorenzo). Con 5 temos ao pichichi David Blanco, que aínda non acaba de arrincar como o seu Baíñas; Juan de Celia (o loureán despois de protagonizar o susto hai dúas semanas segue marcando tanto en 2ª como en xuvenís, e suma 12 goles entre as dúas categorías), Baba (Ponteceso), Adri (Castriz), Velo (Porteño) e Lucas (Corme).

3ª Galega

Cristian sempre protagonista no Ameixenda-Foto de arquivo de decembro 2014 É o implacable Cristian, do Ameixenda, o pichichi da 3ª a estas alturas. O goleador ceense leva xa 14 goles en 11 partidos. Por detrás está o muxián Víctor Alcaina, un tesouro feito na casa, con 10 goles en 10 partidos. E xa moi lonxe de ambos, con 6 tantos, atopamos a Sergio Cancela do Seaia, Enmanuel do Nantón e Oli do Lira. Con 5 tamén temos ao liracho Edu, ao seu tocaio do Volantes, a Iván Lagoa do Muxía, a Borja do Ameixenda e Felisiano do Camelle.

Pichichis Xuvenís

Castro, o pichichi das ligas xuvenís, é de primeiro ano Queda pouco para rematar a primeira fase das Ligas Xuvenís. E xa temos bos goleadores nos que fixarnos. O máximo goleador da categoría é Castro, punta deste sorprendente Coristanco de Eloy que se mantén nos postos de acceso á Liguilla de campións. O coristanqués leva nada menos que 18 goles (3 de penalti) e iso que é xuvenil de primeiro ano. Os xalleiros Carlos (16) e Rachón (15) comandan a táboa de goleadores. Tamén con 16 está o camariñán Brandón (outro dos que marca con xuvenís e con maiores); e Brais Cancela, o pichichi do líder, As Pedreiras. José Ángel é outro dos destacados da Liga, marcando xa 13 goles para o seu Cabana, mentres Eloy (Ponteceso) leva 12. Samu e Isma do Cee suman 11 e 10 goles respectivamente. Anido, do Coristanco, tamén chegou á decena. Sieira dos Miúdos suma 9 goles, polos 8 de Lestón da Esteirana, Simón do Outes e Luís Lojo do Corcubión. 7 para o loureán Juan de Celia, o xalleiro Thiago e o fisterrán Marcote. Polo Norte temos a Andrés do Zas con 9 tantos; Ferreiro (Cabana) e Manu Bermúdez (Corme) con 8; e Aarón (San Lorenzo) con 7 tantos.

Máis información

• Cadro da Copa da Costa 2017.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.