Fernando Couto: “Non somos uns negreros nin uns chantaxistas… como outros”

Fernando Couto: “Non somos uns negreros nin uns chantaxistas… como outros”

11:21 27/10/17

Fernando Couto, directivo da SCD Malpica A raíz das polémicas declaracións de Brais Vázquez en QPC, a SCD Malpica quere expresar a súa versión dos feitos, que deixan ao porteiro a piques de abandonar o fútbol. Vemos nesta longa conversación co Secretario do club malpicán, Fernando Couto, que as rivalidades históricas entre clubs quedan cravadas durante demasiado tempo.

QPC: Comezando polo principio. A fichaxe de Brais comeza o pasado ano, cando a comezo de temporda falades co Sofán para que vos deixe ao porteiro. Pero nese momento a SD non vos puxo como condición que tiña que quedar libre este verán? Sabía Brais que asinaba por 2 anos?

É verdade que o Sofán nos axudou para que ficháramos ao rapaz, pero a verdade non sei as conversas que tivo co presidente sobre os anos de contrato. Eu non podo demostrar que sabía ou non o sabía, pero o que si sei é que si asunou unha ficha por dúas temporadas. É como quen vai o banco, e logo di que non leu a letra pequena.

QPC: A metade de temporada pasada Brais marcha ante a fichaxe doutro porteiro, pero volve trala marcha do devandito porteiro e tras acordar unha prima económica coa Directiva. É certo?

Fichouse a outro porteiro, e non sei exactamente que pasou. Cando hai competencia, ás veces non é tan boa. Pero despois si que volveu por uns dineritos importantes.

QPC: É certo que a comezo desta temporada Repi explícalle a Brais que non contaba con el, polo que se tiña que buscar equipo?

Iso non é o que nos di a nós Repi, e é unha persoa de máxima confianza nosa. Ti imaxínate que nun partido de pretemporada se lesiona co Ponteceso tendo ficha con nós? Aí a verdade é que estabamos fatal, desfíxose o equipo a final da temporada pasada e estabamos intentando rearmar o equipo. Aí é cando lle pedimos que nos axude, que veña xogar uns partidos ata que atopemos outro porteiro. Pero non quixo… e aí foi cando nos enteiramos de que estaba adestrando co Ponteceso, e a verdade non nos gustou enteirarnos por outro lado. Por que non nos xogou un par de partidos con nós?

QPC: Sen embargo, conta Brais que para cobrar esa débeda puxécheslle a condición de fichar de novo, pero o que fixo foi “enganarvos”: presentarse, cobrar as débedas e marchar, deixando claro que non quere fichar no Malpica. Sen embargo o último día de renovacións o Malpica presenta a renovación da ficha de Brais na Federacion, a pesar de que o rapaz levaba toda a pretemporada no Pinguel, e xa case coa ficha tramitada. Por que?

É verdade, dixo que viña entrenar, cobrou e marchou. Coller o bolso e marchar é algo que dignifica á persoa…. De todas maneiras nós nunca lle dixemos que non lle iamos pagar. Aínda lle debemos a outros dous xogadores sen cobrar unha pequena parte, pero saben que van cobrar cando haia, pero van cobrar. Nunca se lle negou a ninguén que se lle debía cartos. Ademais, o rapaz levou dineritos uns dineritos importantes. E que conste que non teño nada en contra do rapaz. Nós a Brais dábasmolle a carta de liberdade para ir ao Zas. Chameille 15 veces pero non me colleu. Non me devolveu a primeira. Entón, a partir de aí nós queríamos defender ao club e aos socios de Malpica, intentando que cumplira as súa ficha. E aí foi cando apareceu o Ponteceso polo medio, pedindo o último día a carta de liberdade.

QPC: Xa mencionas ti ao Ponteceso antes de que che pregunte. De onde vén entón a mala relación co Ponteceso?

Parece que uns somos negreros, e outros que parecen equipos modélicos. Nós non somos perfectos, temos moitas cousas que corrixir, e non quero meterme con ninguén e que quere claro que non quero faltar ao respecto ninguén. É verdade que non lle dimos a carta de liberdade ao rapaz pra xogar co Ponteceso, e si que o faríamos para xogar co Zas. Pero o que non se conta, é que cando nós fumos buscar a baixa de Óscar Moscoso ao Ponteceso. Funas buscar eu persoalmente con el. Era na temporada 14/15, era en inverno e tivéronme alí ata as 0:00h da noite. O rapaz tivo que humillarse diante de todos os xogadores pedindo perdón. O rapaz tiña unha pequena retribución por adestrar os infantís, e o presidente fíxolle fichar unha carta dicíndolle que renunciaba a eses cartos se quería a carta de liberdade. E por último, déronlle un sobre en branco, sen a carta de liberdade. Iso pódecho confirmar Moscoso perfectamente. Iso chámase chantaxe. Nós podemos ser impresentables, pero non chantaxistas. En todo caso, que quede claro que para nada é a miña intención faltarlle ao respecto a ninguén e menos ao presidente do Ponteceso Mato, e se así se entendeu, pídolle desculpas, porque se teño que dicir algo de Mato sería sempre para ben, tanto con persoa como presidente. O único que quería era deixar claro que en moitos equipos, non todos pasan cousas destas, e puxen ese exemplo porque o vivín persoal mente.

QPC: Hai saída para este bloqueo?

Se alguén insulta, o primeiro ten que pedir desculpas. Se o rapaz quere volver a xogar, se pida desculpas á directiva, ao club e aos afeccionados, non teremos problema en darlle a carta de liberdade.