Fin de semana para demostrar que o Fútbol Sala Feminino costeiro está ao máximo nivel

Fin de semana para demostrar que o Fútbol Sala Feminino costeiro está ao máximo nivel

08:45 03/06/16

Fin de semana de Fútbol Sala Feminino ao máximo nivel. Tremendo o reto que afronta a famiia do FSF Vila de Cee de asumir a organización da Fase Final da Coa Provincial. Unha cita que supón un colofón perfecto a unha temporada incrible, co debut e 2º posto dos mozos, e sobre todo, co título e o ascenso das rapazas de Juan Jesús. Un evento que demostra a importancia que a nosa comarca está a poñer neste deporte do fútbol sala, xa con 5 clubs competindo oficialmente en ligas federadas: FSF Vila de Cee, FISOBER, FSF Concello de Ponteceso-Vila de Pondal, As Roxiñas de Lira e o Atletes de Esteiro

Ademais, o Fisober, despois de anunciar a súa marcha ao Concello de Dumbría, e tras colocarse entre o póker galego, prepara xa a Final da Copa Autonómica, unha final a 4 que se celebrará en Moaña esta fin de semana ante Bembrive, Poio e Moaña.

Fase Final da Copa Provincial en Cee

Cee acolle esta fin de semana a Fase Final da Copa Provincial masculina e Feminina de FS. Este sábado o pavillòn ceense terá un ambientazo fantástico paara ver, pola mañá as semifinais e pola tarde as finalísimas, nas que esperemos estean os equipos locais. Arrincarán as chicas ás 11:00h ante o 5Coruña, equipo que derrotaba esta pasada semana ao Ponteceso FSF nun partido intenso. Un choque no que, a pesar de levar iniciativa, o cadro pontecesán non puido remachar. As de Curro pelexaron ata o final, pero os goles de Sandra e Carla, e o empate a 2 colleitado na Coruña non chegou polo resultado da ida. Así, as ceenses terán que eliminar ás herculinas e esperar rival na final (ás 18:00h) entre o Santiago Futsal A Gaiola e o Grupo Work. Os mozos terán a semifinal ás 13:30h ante O Parrulo. A final será ás 19:30h.

Copa Autonómica do Fisober

Partido do Fisober ante o Moaña

Como dicimos, o Fisober arrinca para Moaña para celebrar esta fin de semana a final a 4 da Copa Autonómica. Un Fisober que decidía a semana pasada trasladar o seu centro de operacións a Dumbría, pero que ten centrarse nesta bonita competición. A primeira das semifinais disputarase a partires das 10:30 horas enfrontando ó Bembrive F.S. e o Poio Pescamar “B” F.S. . Unha semifinal na que se enfrontan dous conxuntos cheos de xuventude e calidade.
O rival do Fisober na segunda semifinal será o equipo anfitrión e actual campión de liga Opirata F.S. Moaña nun partido que comezará a partires das 12:30 horas.
Os gañadores de cada semifinal enfrontaranse a partires das 18:30 horas na final.

O Fisober chega a esta Final a Catro como a gran “cincenta” dos catro, despois de realizar unha gran tempada e acadar en liga un insospeitado cuarto posto o comezo da mesma. Unha tempada na que ademais o equipo chegou a final da I Copa Deputación que perdeu pola mínima fronte o Viaxes Amarelle e tamén de proclamarse campión da I Copa da Costa. Polo tanto disputar esta Final a Catro xa é un éxito.

O seu rival será Opirata Moaña que dende o 5 de Marzo solo sabe gañar, este impresionante sprint final foi algo que lle axudou a acadar o título de liga.

Experiencia internacional

E non será ese aínda o final de tempada. Como epílogo só quedará a primeira experiencia internacional do Fisober nun torneo que se celebra no Algarve en Portugal a mediados de Xuño baixo o nome de Taça das Naçons ( Women´s Futsal Nations Cup) con equipos portugueses, ingleses, ucranianos ou xaponeses entre outros e onde destaca o Atlético de Madrid , e do que informaremos máis detidamente conforme se acerque.