Novas propostas deportivas en Fisterra, organizadas ademais pola nova empresa de eventos deportivos D’Ajosto, dirixida por Diego Lobelos, adestrador fisterrán que leva moitos anos á fronte da familia base do Dumbría.

Así, teremos un Maratón de Fútbol Sala que vai ter lugar os días 11, 12 e 13 de xullo, con grandes premios.

Pero a gran aposta é o I Campus de Fútbol en Fisterra, para poder canalizar todo ese talento que hai debaixo das pedras da vila do Cristo. Durante este verán, e dende o 6 de xullo, arrinca o primeiro bloque en Ara Solis, con sesións de técnica individual, para nenos ata 18 anos. O Segundo bloque será de técnica colectiva, pensando xa no equipo.

Haberá grupos por idade, e varios turnos a partir das 10:00h con bos monitores, sendo de luns a vernres e con 10 días de adestramento cada bloque. Os prezos, entre os 40€ un bloque e os 70 os dous.

Xa poden apuntarse en www.dajosto.com.

Fonte

• Redacción de QPC ([email protected]).