FSF: As Centolas do Semárofo rematan unha gran liga con vitoria

FSF: As Centolas do Semárofo rematan unha gran liga con vitoria

07:58 02/05/18

Non se deixa levar o Fisober, a pesar de ter practicamente sentenciado o seu descenso, e mesmo estivo a piques de lograr a primeira vitoria coma local esta tempada ante o Guadalajara. Pero a sorte e a falla de puntería ante o gol na primeira metade e un gol nos últimos minutos de partido impedíronllo.

Así, o ano que vén teremos derbi na 1ª Autonómica, unha liga que precisamente pechaba, e con vitoria, o Hotel O Semáforo Villa de Cee esta pasada semana. As Centolas alcanzaron un meritorio 8º posto, despois de superar un difícil comezo de liga, con 6 derrotas seguidas, e tardando ata a 9ª xornada para estrear o taboleiro de votiras. A partir de aí conseguiron competir e salvar a categoría.

Aínda lles queda o tramo final da 3ª Galega aos seus compañeiros, que sumaron unha nova vitoria a fin de ir escapando dos postos de descenso.

2ª División Nacional, xornada 26

FISOBER F.S.F. – C.D. ESCUELA CIUDAD DE GUADALAJARA (1-1).
FISOBER : Lía, Ana, Paula Fandiño, María Dumbría, Nuriña ; tamén xogaron : Andrea M. , Mai, Ainho, Carre, Taibo, Carla.
Goles: 1-0 min. 1 Paula Fandiño, (descanso), 1-1 min. 37 Elisa.

Lía, Porteira do Fisober Non puideron comezar mellor as cousas para as locais xa que aos oito segundos de partido un potente lanzamento lonxano de Paula Fandiño poñía o primeiro gol no electrónico. O gol deulles tranquilidade as costeiras que dominaron con solvencia e claridade a primeira metade. Acumulando ocasións unha tras outra pero sen lograr materializalas. A falla de puntería leva penalizando as costeiras toda a tempada. Carla, Paula Fandiño, Ana ou Taibo entre outras gozaron das mellores ocasións. Pero do que puido ser un resultado cómodo o tempo de lecer, foi finalmente un pírrico un a cero co que se foron a vestiarios.

Na segunda metade as alcarreñas apretaron o acelerador na busca da igualada. E o guión do partido cambiou e as de Adri Martiño aproveitaron que chegaran vivas ao descanso e melloraron nesta segunda metade. O dominio pasou a ser visitante despois do paso por vestiarios. Aínda así as costeiras aguantaban o marcador. Co cal as visitantes decidiron arriscar co xogo de cinco nos últimos minutos. E a pouco máis de dous minutos lograron a igualada cun gol de Elisa. Un resultado co que se chegou o fin do partido. A vindeira semana toca visitar o domingo ao Colmenarejo da ex do Fisober, Eva Lema, segundo clasificado.

1ª Autonómica, xornada 26

Resultado: ACADEMIA RED BLUE 5 CORUÑA - HOTEL SEMAFORO FSF VILLA DE CEE (1-4)

Ultima xornada da liga a que foron a disputar as Centoliñas, á Coruña nun partido de trámite, pois xa tiñan a salvación asegurada. Saíron motivadas as ceesas ca intención de cerrar a tempada cunha vitoria, e dende o primeiro minuto foron a polo partido, dominaban totalmente o encontro en enseguida empezaron a chegar as ocasión de gol, pero a boa labor da porteira rival, a falta de puntería en outras ocasións e os paus, as ceesas non eran capaces de marcar, e de tanto perdoar acabárono pagando e nos últimos minutos da primeira parte o rival conseguía poñer o 1-0 nunha das súas escasas ocasións.

Na segunda parte cambiaron as tornas, foron de novo a polo partido e xa nos primeiros minutos conseguía Goreti marcar nun tiro cruzado raso o primeiro gol, e de novo os poucos minutos outra vez Goreti poñía por diante as osteiras 1-2. Ariscaron as herculinas saíndo de 5, e nun roubo Alba pon dende o centro do campo o 1-3, partido xa sentenciado a favor das Centolas, que xa cara o final marca de novo Goreti o definitivo 1-4.

3ª Divisón Nacional, grupo 1, xornada 27

Resultado: FSF VILLA DE CEE CLINICA A XUNQUIERA - Talleres ABC I.E. S Coruxo FS (4-2).
FSF Villa de Cee Clínica A Xunqueira: Pose, Marroco, Santi, Juanjo e Hidalgo (cinco inicial). Tamén xogaron: Ángel, Dudo, Miguelón e Aitor.
Goles: 1-0 m.3: Miguelón; 1-1 m.14: Martín; 1-2 m.18: Samuel; 2-2 m.19: Dudo; 3-2 m.21: Miguelón; 4-2 m.25: Ángel.

Villa de Cee-Foto-David Castro

Gran partido o que fixo o Villa de Cee a mañá do domingo ante o Coruxo. Comezaron enchufadisimos os ceeses creando ocasions e Miguelón abría o marcador. Houbo un penalti clamoroso que non pitaron os arbitros, e na contra empataron os visitantes. Minuto de desconcerto dos costeiros que aproveitou o Coruxo para poñerse 1-2. Xa nos minutos finais da primeira parte Dudo consegue marcar o gol para ir o descanso e facer xusticia os Ceenses que non merecian ir perdendo.

A segunda parte foi totalmente do noso dominio e primeiro e despois Angel poñerían o marcador nun 4:2, que marcaba terra de por medio, e mesmo fallaron moitos goles, pero o resultado xa seria o definitivo.

Copa Primeira Galicia, xornada 2

Resultado: AD Atletes - Concello de Ponteceso FSF (2-7).
AD ATLETES: Mariña, Bárbara, Antía, Ainoa e Laura - tamén xogaron - Cristina, Martina, Marta, Ana e Sara.
AD VILA DE PONDAL - CONCELLO DE PONTECESO FSF: Aroa, Ana, Alba, María e Nuria - tamén xogaron - Vero, Saray e Uxía.
Goles: Ainoa (2) / Nuria, María, Verónica, Saray (2), Uxía e Alba.

Comezaba a Copa Primeira para os equipos costeiros cun derbi no que o Concello de Ponteceso venceu e dominou ao Atletes. Prontor chegaban as ocasións e os goles para as locais, poñendose moi pronto con 3-0. Aí reaccionaron as esteiranas que recurtaban antes do descanso.

O segundo período sería do mesmo xeito que o anterior, con dominio das xogadoras dirixidas por Curro durante case os 20min.

2ª División Nacional, xornada 27

Resultado: Viaxes Amarelle FSF - CDE Moura FS (0-5)
Viaxes Amarelle FSF: Sandra, Martita, Dolo, Patri, María Gómez (cinco inicial), Inés, María Romeu, Marta Hermo, Carmen.
Goles: 0-1 María Gómez (min. 2); 0-2 Dolo (min. 18); 0-3 Martita (min. 30); 0-4 María Gómez (min. 38); 0-5 María Romeu (min. 39).

Nova vitoria contundente das de Patri e Inés para manterse unha semana máis na parte alta do Grupo IV da Segunda División Autonómica Feminina.