O choque da fin de semana era o derbi da 1ª Galicia entre Ponteceso FSF e Amarelle Santa Comba, no que o cadro pontecesán podería terse metido na loita pola segunda praza. Pero as xalleiras continúan intratables e sumaron unha vitoria moi apretada ante unhas pondalianas que venderon moi caras a derrota. As xalleias ten 42 puntos (6 menos que o lider, un Culleredo que non tivo piedade do Atletes) polos 33 do Ponteceso, e os 12 do Fisober B, que caía 4-1 ante o Troula.

Na 2ª División Nacional, Fisober acadou un punto facendo un bo encontro co que deixa de ser o pechacancelas da categoría e acadando sumar dúas xornadas seguidas, mantendo vivo o soño da permanencia.

Ademais o Hotel O Semáforo Villa de Cee facía sufrir ás líderes e se mantén con 3 puntos de vantaxe sobre a zona perigosa. Os mozos venceron no Carballiño e suman 3 importantísimos puntos para manter a categoría.

2ª División Nacional, xornada 19

• Resultado: FISOBER F.S.F. – C.D.E. MORA F.S. (1-1).
• FISOBER: Andrea M., Ana, Taibo, Paula Fandiño, Ainho; tamén xogaron: Mai, Carla, Nuriña.
• Goles: 0-1 min. 22 Cuervo, 1-1 min. 27 Carla.
Ainho co Fisober Emocionante partido non exento de polémica xa que as locais reclamaron un penalti a corenta segundos do final que de transformalo podía deixar a vitoria en Dumbría. O partido tivo un guión claro: dominio local e as visitantes xuntiñas no seu campo saíndo veloces con perigosas contras e así foi durante todo o partido. As costeiras intentaban combinar e grazas a iso tiñan algunha que outra ocasión ante Virginia, pero as perdas tamén provocaban as contras das toledanas con boas ocasións ante Andrea M. como a que tivo Davila mediada a primeira metade. Nos segundos dez minutos desta primeira metade as locais impuxeron máis o seu xogo e pararon as contras visitantes. Así no minuto doce Paula Fandiño, vendo a porteira visitante adiantada probaba sorte dende campo propio mandando o balón ao longueiro cando a grada xa cantaba gol. Nese mesmo minuto a propia Paula Fandiño volvía atoparse co pau no que podía ser o primeiro gol local. Pero a ocasión máis clara desta primeira metade foi a cinco para o fin cando Carla e Ainho dispararon ata cinco veces seguidas na mesma xogada e atopándose ca porteira e xogadoras locais para desbaratar tan clara ocasión, parecía incrible que non chegara a ser gol. O dominio local e as contras visitantes non se transformaban en goles, chegándose co resultado lentes o tempo de lecer. A volta dos vestiarios nada trocou no guión do partido. Desta vez a primeira ocasión foi local por medio de Paula Fandiño. O que si trocou foi o electrónico xa que despois dun saque de esquina aos dous minutos da segunda metade Cuervo adiantaba as toledanas no electrónico. Desta vez non se viñeron abaixo as costeiras que respostaron con dúas boas ocasións, unha delas un lanzamento de Ana ao pau, aínda que xa comezaban a desesperarse pola falla de puntería e sorte. Aos cinco minutos a primeira das xogadas polémicas, unha posible man na área visitante que os colexiados non consideraron coma voluntaria. As toledanas seguían sendo perigosas a contra e Andrea M. volvía a aparecer para manter o resultado. Aos sete minutos da segunda metade aparecía Carla para igualar despois dun saque de banda. O gol deu máis tranquilidade as costeiras que buscaban daquela xa o triunfo. Aparecían ocasións para Taibo, Mai e Paula Fandiño pero o gol da vitoria non quería chegar. Así que as locais pediron tempo morto a dous minutos para o fin, para arriscar co xogo de cinco. E tiveron a opción para o triunfo cun pase filtrado de Ana a Carla que se atopou ca porteira visitante Virginia por dúas veces e no rexeite recollido por Ainho era derribada dentro do área a corenta segundos do final, na segunda das xogadas polémicas. As costeiras reclamaron penalti e os colexiados non o consideraron, chegándose con igualada ao final deste emocionante encontro.  

1ª Autonómica, xornada 19

• Resultado: Hotel Semáforo - FSF Villa de Cee - Leis Pontevedra (2-4)
 

3ª Nacional, xornada 19

• Resultado: GRI. Carballiño FS. - FS. Villa de Cee (6-8).
 

1ª Galicia, xornada 18

• Resultado: Concello de Ponteceso FSF - Amarelle Concello de Santa Comba (3-4).
• AD VILA DE PONDAL - CONCELLO DE PONTECESO FSF: Uxía, Ana, Martina, Saray e María - tamén xogaron - Vero.
• AMARELLE CONCELLO DE SANTA COMBA: Nerea, Tania, Ge, Nuria, Carla (cinco inicial), Lucía, Paula, Violeta, Vanesa, Leticia.
• Goles: 0-1 Leticia (min. 13); 1-1 María (min. 14); 2-1 Martina (min. 19); 2-2 Leticia (min. 25); 2-3 Nuria (min. 30); 3-3 María (min. 32); 3-4 Nuria (min. 34).

Gran encontro o visto a tarde do sábado en Corme, un derbi tremendamente igualado, na que tardaría en chegar o primeiro tanto. Dispoñerían de varias ocasións ambos equipos para estrear o marcador da tarde, pero sería o conxunto visitante quen o conseguiría por medio de Leticia. Non se virían abaixo as pondalianas despois deste gol en contra e, apenas un minuto máis tarde, volvería igualar o resultado cun gol de María de tiro cruzado desde a frontal. Co tanto viríanse máis arriba as xogadoras locais que gozarían de varias ocasións boas, pero todas serían despexadas pola porteira visitante. A boa actuación das xogadoras de Curro en defensa faría que o Amarelle non conseguise achegarse á portería de Uxía, polo que probaría con tiros lonxanos sen perigo para a gardameta. A falta de 40 segundos para o descanso, Martina conseguía o balón nunha disputa na frontal da área e faría o tanto que poñería por diante ó Ponteceso, resultado co cal irían cara os vestiarios.

Na reanudación do encontro volverían saír con ganas ambos equipos, pero serían as pondalianas as primeiras en achegarse á portería rival. Saray e Vero probaban con tiros desde a frontal, pero serían despexados pola porteira. Si aproveitarían as súas oportunidades as xalleiras, que conseguían transformar a súa chegada máis clara, por medio de Leticia, volvendo a empatar o partido. Ana, Matina e Vero non podían superar á meta xalleira, mentres que Nuria si que colocaba por diante ás xalleiras por primeira vez no partido. Pero volvían reaccionar rápido as pontecesanas e María poñía o 3-3 cun bo gol de “cuchara”.

Quedaban aínda 7 minutos por diante e moito xogo e ocasións por parte de ambos conxuntos, pero sería o Amarelle quen se volvería adiantar cun gol de Nuria, que recollía o rexeite de Uxía ó seu propio tiro de castigo, facendo así o 4º tanto. Todavía quedaban minutos por diante, pero a pesar de que os dous equipos terían oportunidade de cambiar o marcador, non se movería o resultado, rematando o encontro co 3-4 a favor das visitantes nun bo partido de fútbol sala.

 

1ª Galicia, xornada 18

• Resultado: A.D. Atletes - Sport Sala Culleredo FS (1-17)
• A.D. Atletes FSF: Julia (P); Cris; Leti; Bárbara (1); Alba; Antía; Ana; Ainoa; Mariña PS).

Fría tarde no pavillón de Esteiro, que viviu un partido para esquecer das do Atletes. Menos mal que apenas había unha escasa presencia de espectadoras nas bancadas, algo realmente inusual nos choques das de Paco. Situación premonitoria do que lle aconteceu o Atletes no partido.

O resultado reflicte a diferencia entre s dous equipo. O Culleredo, líder destacado, con 135 goles a favor e 16 en contra, arrasou en Esteiro. Ao Atletes chovíalle por todas as partes e parecía talmente una marioneta o son do que lle entonaba o Culleredo. Os goles iban chegando o ritmo que marcaban as foráneas, sin darlle tregua as esteiranas en ningún momento. O Culleredo en ningún momento do partido baixou o ritmo, xogando con intensidade e dando un espectáculo satisfactorio para os pucos observadores que acudiron o partido.

A verdade é que as de Esteiro, faltas de entrenamento, de ganas, e absolutamente sumisas, ultimamente están perdendo a ilusión por competir.

2ª División Nacional, Gr.4, xornada 19

• Resultado: Colmenarejo FSF - Viaxes Amarelle FSF (3-0)
• Viaxes Amarelle FSF: Carmen, Martita, Patri, Dolo, María Gómez (cinco inicial), Mónica, Inés, Sheila, Paula.
• Goles: 1-0 Diana (min. 12); 2-0 Susana (min. 36); 3-0 Sandra (min. 38).

O Viaxes Amarelle FSF, dirixido por Pili Costa, enfrontábase a un dos partidos máis complicados da tempada contra un rival directo e non se amedrentou, pero o Colmenarejo FSF aproveitou todas as súas ocasións mentres que as herculinas con moita ocasión sobre a portería das locais, non conseguiu meter ningún gol e acabou cedendo a primeira derrota do 2018 ao caer por un marcador de 3-0.

Tras esta derrota, as herculinas caen á 3ª praza con 41 puntos, aínda que cun partido menos que líder e segundo clasificado, a 5 e 3 puntos de diferenza respectivamente; e o próximo fin de semana toca visitar ao líder do grupo, AD Alcorcón FSF B.

 

Máis información

• Resultados e clasificacións en www.futgal.es.
 

Crónicas da tempada

• Ponteceso FSF e Amarelle Santa Comba quentan para o derbi de 1ª Galicia.
• Soñando ca permanencia>.
• O Viaxes non ten piedade do Fisober.
• FSF: Solidariedade, premios e moitos goles na última xornada do 2017.
• Volvendo a casa para levar o premi.
• As Centolas do Semáforo collen o bo ritmo.
• O derbi provincial quedou en Santa Comba.
• Variedade de resultados.
• Ponteceso e Atletes afían a puntería.
• Confusión arbitral.
• O Fisober suma 3 cantos.
• Comezou a 1ª Galicia con derbi e debut.
• Cara e cruz na 2ª Nacional:
• Estirando un mal inicio de curso.
• Mal comezo.
• Só os homes do Villa de Cee comezan a temporada con sabor doce.

Novas relacionadas

• As Seleccións Coruñesas e Galegas, cheas de xogadoras costeiras.
• Tati, unha peza imprescindible na Selección Galega sub-18.
• As Miúd@s xa saben gañar.
• As Miúd@s e o Bergan comezaron a súa campaña na 2ª División Feminina.
• O Eleuterio Balayo acolleu a estra das Miúdas na Festa dao Fútbol Feminino da Costa da Morte;
• Comezou a tempada para o Fisober e para as Centolas:
• O Fisober volve sacar equipo B para dar máis cancha á canteira.
• FSF: Unha sabrosa Copa da Costa para pechar a temporada.
 

Fonte

• Redacción de QPC (info@quepasanacosta.com).