Partido esperado o celebrado na Coruña entre o Viaxes Amarelle de Inés e Patri e seu ex equipo, o Fisober. Non deu opción o cadro herculino, dando conta da situación na táboa, e endosou unha goleada ás costeiras despois dun bo inicio de partido, pero unha serie de goles seguida entre o final da primeira metade e inicio da segunda foi suficiente para levar o partido.

Polo demais, na 1ª División Autonómica (antiga Liga Galega), as Centolas do Villa de Cee visitaban ao 2º clasificado, o Envialia Ourense. Fixeron un partidazo as Centolas, continuando a serie de decembro, no que gañaron 4 dos 5 partidos, e se metían cun 2-3 a favor ao descanso. Pero o choque se rompía deixando un 7-3 inxusto no marcador.
Os do Villa de Cee de 3ª, caían con rotundidade en casa por 1-5 ante o Academia Red Blue 5 Coruña FS, a pesar de facer unha gran primeira metade. Pero un gol no último minuto da primeira, e outro nos primeiros da segunda, fixeron que os costeiros baixasen os brazos.

En 1ª Galicia, o Concello de Ponteceso FSF vencía ao AD Atletes no derbi costeiro con resultado final de 3-0, cos goles de Ana (2) e Alba. Un resutlado que devolve ás pondalianas á 5ª posición.
Pola súa banda, o Amarelle Santa Comba seguen intratables tras sumar unha nova goleada ante oUlla Oil Vedra FSF (10-0), mantendo unha privilexiada segunda praza.

2ª División Nacional, xornada 16

• Resultado: VIAXES AMARELLE F.S.F. – FISOBER F.S.F. : 7-1.
• AMARELLE: Carmen, Patri, Inés, Martita, María Gómez ; tamén xogaron : Mónica, Dolo, Laura, Pau, Sheila, Sandra.
• FISOBER: Lía, Ana, Mai, Nuriña, Noe ; tamén xogaron : Andrea M., Ainho, Bárbara, Carla, Paula Fandiño, Taibo, Laura.
• Goles: 0-1 min 3 Noe, 1-1 min 15 Dolo, 2-1 min 18 Sheila, 3-1 min 19 Patri, (descanso), 4-1 min 21 Sheila, 5-1 min 22 Patri, 6-1 min 25 María Gómez, 7-1 min 28 Inés.

As costeiras afrontaban o derbi esperando as herculinas a media pista e buscando a contra, e así chegou aos tres minutos o gol de Noe que poñía por diante ao Fisober. Tocaba traballar para aguantar o resultado e seguir atopando ocos a contra. O bo traballo defensivo permitiu que foran pasando os minutos no electrónico e o resultado non cambiara. Pero cando quedaban cinco minutos para chegar ao tempo de lecer unha xogada individual de Dolo devolvía as táboas ao marcador. A pouco máis de dous minutos para o fin da primeira metade Sheila finalizaba unha xogada de saque de curruncho para poñer en vantaxe as herculinas e daba un forte golpe a moral das costeiras. Tan só un minuto despois a ex xogadora do Fisober, Patri, facía o terceiro e poñía moi costa arriba o partido para o Fisober. Con ese tres a un chegouse o tempo de lecer. Un gol de Sheila na primeira xogada da segunda metade matou definitivamente o partido e ao Fisober.
As costeiras xa non puideron con esa lousa. De novo Patri no minuto 22, María Gómez no minuto 25 deixaban imposible o partido. No 28 outra ex costeira coma Inés pechaba o electrónico.

Máis información

• Resultados e clasificacións en www.futgal.es.

Crónicas da tempada

• FSF: Solidariedade, premios e moitos goles na última xornada do 2017.
• Volvendo a casa para levar o premi.
• As Centolas do Semáforo collen o bo ritmo.
• O derbi provincial quedou en Santa Comba.
• Variedade de resultados.
• Ponteceso e Atletes afían a puntería.
• Confusión arbitral.
• O Fisober suma 3 cantos.
• Comezou a 1ª Galicia con derbi e debut.
• Cara e cruz na 2ª Nacional:
• Estirando un mal inicio de curso.
• Mal comezo.
• Só os homes do Villa de Cee comezan a temporada con sabor doce.

Novas relacionadas

• Tati, unha peza imprescindible na Selección Galega sub-18.
• As Miúd@s xa saben gañar.
• As Miúd@s e o Bergan comezaron a súa campaña na 2ª División Feminina.
• O Eleuterio Balayo acolleu a estra das Miúdas na Festa dao Fútbol Feminino da Costa da Morte;
• Comezou a tempada para o Fisober e para as Centolas:
• O Fisober volve sacar equipo B para dar máis cancha á canteira.
• FSF: Unha sabrosa Copa da Costa para pechar a temporada.

Fonte

• Redacción de QPC (info@quepasanacosta.com).