FSF: Xornada de avións e partidos apretados
Nova xornada completa do Fútbol Sala Feminino, se ben o Concello de Ponteceso FSF descansaba na Liga Provincial. Unha Liga na que Vila de Cee e as roxiñas do Lira FSF colleitaban a súa segunda vitoria, quedando ambas na zona alta. Non así o Fisober B que sumaba a súa segunda derrota.
Novedosa foi a fin de semana para as maiores do Fisober, que fixeorn a primeira viaxe oficial en avión do club vimiancés. Foi a Madrid, para despois desprazarse ata Guadalaxara para enfrontarse ao Chiloeches. A derrota foi o de menos.
2ª División Nacional, xornada 2
- Resultado: CHILOECHES – FISOBER F.S.F. (8-4).
- FISOBER: Leti, Ana, Mai, Inés e Noelia; tamén xogaron: Myrella e Raquel.
- Goles: 0-1 Noelia, 1-1 Cris, 2-1 Ana, 3-1 Cristina, 4-1 Ana, 5-1 Cris ; (descanso), 6-1 Cris, 6-2 Inés, 6-3 Inés, 7-3 Ana, 7-4 Raquel, 8-4 Laura.
As visitantes non se atopaban cómodas e os sete minutos Ana facía o segundo gol local. Eran os peores minutos para as da Costa. Un minuto despois Cristina facía o terceiro local. Todo empeorou cando no minuto doce e no trece, Ana e Cris poñían con dous goles o catro e o cinco un no electrónico. Moi duro se lle estaba a facer o partido o Fisober, que capeou o mal momento e chegou con ese resultado o tempo de lecer.
A saída de vestiarios foi distinta, as da Costa non estaban dispostas a vender a súa pel aínda. A pesares de que pronto chegou o sexto gol local obra de novo de Cris. Que non era o día viuse cando despois dunha gran xogada visitante o remate de Noelia foise o trabe e o pau e non quixo entrar. Aínda así chegaron os goles e foi Inés quen no minuto catro e seis desta segunda metade puxo o seis a tres no electrónico.
Eran os mellores minutos visitantes que se vían con opcións de entrar no partido e así o tentaron, tiveron as ocasións pero mediada esta segunda metade a nove para o fin Ana poñía o sete a tres que foi a lousa definitiva.
Aínda así seguiron loitando ata o fin as xogadoras costeiras. A menos de dous para o fin Raquel aproveitaba un rexeite e facía o sete a catro. Nos últimos segundos Laura facía o definitivo oito a catro para as locales.
Liga Provincial, xornada 3
- Resultado: Concello Carnota Lira FSF - Grupo Work (3-2)
- Goles: 1-0: Ali; 2-0: Bárbara; 1-2; 3-1: Bárbara; 3-2.
Esta fin de semana visitaba Lamas o Work, un equipo chamado a loitar por todo esta tempada. Disfrutaron e moito os afeccionados que se deron cita en Carnota.
Arrancaba o encontro con posesión visitante e as locais agardando en media pista, tratando de roubar e salir a contra. Un erro nun control de balón na defensa das Coruñesas propiciou que Ali se plantase soa diante de Bea (porteira do Work), a xogadora do Lira, enchufadísima durante todo o partido non desaproveitou a ocasión e puxo por diante as da Costa. Este tanto descolocou as Coruñesas que pouco despois vían como Bárbara nunha xogada individual facía o 2-0 e poñía terra de por medio. A falta de case 5 minutos para o descanso o entrenador visitante tomou a decisión de xogar con porteira-xogadora, algo que colleu por sorpresa as locais pero foron quén de manter a renta de dous goles ata o descanso.
Na segunda metade, víronse uns minutos iniciais igualados, cando nas visitantes estaba a porteira-xogadora en pista as locais defendían cerca da área e trataban de sorprender con salidas rápidas. Foi despois dunha destas contras, cando nun saque en largo de portería o equipo de Suso facía o 1-2. Este gol non puxo nerviosas as costeiras, que seguiron defendendo concentradas ata que Bárbara volveu a cazar outro balón e dende o seu campo vendo que as da Coruña estaban sen porteira fixo o 3-1. O partido cambiaba o marcador pero non o guión, seguían volcadas as rapazas do Work, froito de eso e a falta de medio minuto para o final conseguían acurtar distancias cun gol en propia meta. Non se volveu a mover o marcador, 3-2.
Liga Provincial, xornada 3
- Resultado: Cafetería Meca - FSF Vila de Cee (2-3).
- VILA DE CEE: Carla, Adriana, Alba, Andrea e María de Dumbría. Tamén xogaron: Sandra, Marta, Serena e Raquel.
- Goles: 0-1: Andrea; 1-1; 1-2: Andrea; 2-2; 2-3: Andrea.
As ceenses saíron á pista totalmente decididas a levarse os tres puntos, controlando o xogo e apenas sen sufrir en defensa, mostra do mesmo e que nos 5 primeiros minutos adiántanse no marcador por obra de Andrea. O equipo de Cafetería Meca sen chegar a dominar o xogo facían algunha contra perigosa o cal nunha xogada afortunada para elas lograron o empate. Así mesmo as rapazas do FSF Vila de Cee, continuaron ca súa estratexia e conseguiron adiantarse outra vez no marcador, outra vez obra de Andrea. As coruñesas de cara o final da primeira parte nunha xogada onde rebota o balón na defensa Alba, descoloca a porteira e conseguen o 2-2 definitivo ata o descanso.
Na 2ª parte o FSF Vila de Cee saíu disposto a querer levarse para casa os tres puntos, e aínda que sufriron algunha contra perigosa por parte das coruñesas, tivo en todo momento o dominio do partido, con moitas ocasións de gol, pero estábaselle negando o mesmo, cunhas grandes intervencións da porteira do Cafetería Meca, a base de insistencia Andrea de novo consegue marcar o 2-3 definitivo faltando 2 minutos para o final.
Continua con este partido o bo comezo de temporada que está a mostrar o FSF Vila de Cee, con dúas vitorias e un empate nestas tres xornadas, resultados que poñen o equipo no alto da táboa clasificatoria da liga.
As Estrelas desta vez son, 3 para Andrea, polo seus tres goles, dúas a María de Dumbría polo seu xogo en apoio o equipo e 1 estreliña para Sandra, cada vez con máis confianza aportando moito traballo.
Liga Provincial, xornada 3
- Resultado: FISOBER B – ÁRTABRAS FENE (1-2).
- FISOBER B: Paula Lema, Nuriña, Laura, Paula Fandiño e Tamara; tamén xogaron: Andrea Piroja, Alejandra, Andrea Muiño, Natalia e Antía.
- Goles: 1-0 Paula Fandiño, (descanso), 1-1 Cintia, 1-2 Cintia.
Partido disputado este sábado no Municipal de Baiñas onde o filial do Fisober realizou un gran partido en defensa e tivo opcións de deixar algún punto na casa ante un dos equipos chamados a estar na parte alta da clasificación. O filial deixoulle a posesión as de Ferrolterra , e con boa actitude defensiva e saíndo a contra tentaron compricarlle as cousas as visitantes. E así foi xa que a local Paula Fandiño puxo en vantaxe as súas. Un resultado co que se chegou o tempo de lecer.
Na segunda metade as visitantes intensificaron aínda máis o seu dominio. As da Costa seguiron co seu bo traballo defensivo, con Paula Lema na portería e cuns paus que parecían xogar do seu lado. Pero dous goles de Cintia daban a volta o electrónico e poñían en vantaxe as visitantes. Nun último minuto tolo a piques estiveron de igualar as do filial. Tiveron moi boas ocasións para deixar un punto na casa. Paula Fandiño, Tamara e Nuriña puideron empatar pero non foron quen de facelo.
Patri co Viaxes
Volveu ser titular Patri co Viaxes Amarelle na máxima categoría do fútbol sala feminino estatal. Foi no derbi galego ante o Burela FSF, no que se impuxeron as da Mariña por un apretado 2-1.
Máis información
- Clasificación da 2ª División Estatal.
- Clasificación Liga Provincial Feminina.
- Resultados da Liga Provincial Feminina.
Novas relacionadas
- O Fisober estreou campaña cunha festa.
- O Lira FSF estrea a Liga Provincial con vitoria.
- O Lira FSF estreouse por todo o alto.
- Un comezo deportivo para o Vila de Cee FSF.
- Patri Romaní e Eva Lema comezan unha nova etapa na máxima categoría do Fútbol Sala Feminino.
- Crónica dunha primeira gran tempada do FSF Vila de Cee.
Fonte
- Redacción de QPC ([email protected]).
