Acabou o que é estrictamente a competición na Segunda Galega, pero non as variables que marcarán os destinos de San Lorenzo ou Coristanco, vasos comunicantes para subir ou seguir. O Castriz teno complicadísimo, mentres que o Buño senteciou a súa permanencia. Lembren que a Liga da Costa do ano que vén será de 16 equipos. A familia do Monte Louro quixo agradecer o seu traballo a Óscar Leis - Foto: UD Monte Louro Bazarra, a estación de servizo máis eficiente, patrocina a Liga da Costa. Coñécenos en www.bazarra.com   Ponteceso 2-0 San Lorenzo

• Campo: As Pedreiras
• Ponteceso: Brais, Adrián Pose (Mendieta m.75), Dani Cotelo (Ismail m.65), Matias, Baba, Alberto Recarey (Charro m.60), Martín Puente, Nando, Baba, Mara (Eloy m.50) e Yago
• San Lorenzo: Javi Souto, Rubén Varela, Pablo, Juanjo (Rudi m.70), Adrián Varela, Álex Taibo, Mario, Parafita (Diego Varela m.46), Juni, Fuentefría e Kevin (Dani Pena m.52)
• Árbitro: Sabio Sánchez (A Coruña). Expulsou a Adrián Varela, do San Lorenzo (m.80). Amonestou a Mara, Eloy, Nando e Baba do Ponteceso; Álex Taibo, Rudi, Fuentefría, Mario e Rubén Varela do San Lorenzo
• Goles: 1-0 m.16 Dani Cotelo; 2-0 m.34 Yago

O San Lorenzo minimizou o efecto da súa derrota en Ponteceso - Foto: SD Ponteceso Xogar con lume e non queimarse A piques estivo o San Lorenzo de empañar unha segunda volta case perfecta cun epílogo deficiente na súa visita a Ponteceso. Bastáballe só cun empate, e ata estivo lonxe de acadalo, ante un rival correcto que nin alardes necesitou. Parecían os locais os que estaban a xogar algo nun inicio de encontro marcado polo gol de Dani Cotelo, ao remachar no área pequena un balón cruzado de Matías (viña dunha acción a bola parada). Non había sinais dos carballeses, que ata capeaban o temporal, coma na opción errada por Baba tras pase de Dieguito. Unha mala cesión de Rubén para Javi Souto, pasada a media hora, foi aproveitada por Yago para, de tiro cruzado, poñer terra de por medio. As novas de Castriz matizaban o desastre, pero aínda así o San Lorenzo despertou tralo paso por vestiarios e asumíu a iniciativa. Foi unha carreira contra o relexo na que tivo tempo de polo menos recurtar distancias. A sorte era tan esquiva como a puntería. Fuentefría, habitual chegador atinado, marrou tres francas, mentres que Brais sacaría dous balóns con marchamo de gol. Finalmente, a afrenta non foi tal e o San Lorenzo mantivo o subcampionato e as opcións de ascenso na promoción.   Malpica 2-2 Baíñas Fin de Liga, non de tempada, para o Malpica - Foto: SCD Malpica

• Campo: A Pedra Queimada
• Malpica: Brais, Pensado, Rubén (Alberto m.65), Mario, Leilán, Laye, Isma, Iván, Eloy Cabeza, Cololo e Brais Lado
• Baíñas: Maikel, Tantán, Samuel (Cristian m.46), Álex Canedo (Eloy García m.75), Héctor (Damián m.51), Jaime, Chento (Víctor m.51), Esteban, Oreiro (Roly m.64), David Blanco e Pablo Muíño
• Árbitro: Del Río Amor (A Coruña). Amonestou a Esteban e Tantán, do Baíñas
• Goles: 0-1 m.22 Jaime; 1-1 m.28 Cololo; 2-1 m.39 Eloy Cabeza; 2-2 m.47 Pablo Muíño

Punto e seguido Coa Copa da Costa como continuación a un bo final de tempada, Malpica e Baíñas asinaron táboas nun encontro divertido e intrascendente. A gran evidencia foi a cantidade de opcións nas áreas, nunha boa tarde dos porteiros. Un tiro de Oreiro que bateu nun defensa deixoulle o balón franco a Jaime para abrir o marcador, aínda que só sete minutos despois Cololo igualaría tras unha espectacular bicicleta antes Álex Canedo e remate coa zurda á escuadra. David Blanco bateu no pau antes de que Eloy Cabeza, ex do Baíñas, volteara o marcador cun bo remate. Un dos cracks que faltaba por facerse notar, Pablo Muíño, igualou nada máis reanudarse o partido. Un pau de Roly a falta dun cuarto de hora foi a opcións máis clara de aí ao final.   Baio 6-2 Laxe

• Campo: Platas Reinoso
• Baio: Recarey (Julián m.63), Ramón, Yago (Norber m.63), Costa (Martín m.63), Eloy, Fachal, Rubio (Christian m.63), Moreno, Bieito (Santi Díaz m.63), Javi Suárez e MC
• Laxe: Jaco, Pedro (Enrique m.83), Bras, Saleta, Jacinto, Aarón (Martín m.52), Borja, Aless (Iñigo m.83), Felipe, Bieito (Álvaro m.82) e Carrabete
• Árbitro: Pardo Pose (A Coruña). Amonestou a Aarón, Aless, Saleta e Borja do Laxe
• Goles: 1-0 m.24 MC; 2-0 m.69 MC; 3-0 m.72 MC, de penalti; 4-0 m.76 Santi Díaz; 4-1 m.78 Carrabete; 4-2 m.80 Felipe, de penalti; 5-2 m.86 Javi Suárez; 6-2 m.90 Javi Suárez

Final de récord Era o de menos o resultado entre o campión Club Deportivo Baio e o colista Laxe, nun encontro que serviu ademais para establecer unha nova cifra no récord de puntuación, 84, igualando os acadados a pasada tempada pola SD Fisterra. Ademais, MC, con 44 dianas, asinou a cuarta maior marca da competición. Antes do encontro, o vicepresidente da Federación, Juan Villamisar, e o Subdelegado, Manolo Corredoira, fixeron entrega do trofeo de vencedor da competición, recollido evidentemente por Martín. No estrictamente deportivo os laxenses aguantaron moi ben durante unha hora. Abriría a lata MC a servizo de Javi Suárez. O festival goleador chegaría nos vinte últimos minutos.   Esteirana 4-4 Cerqueda Imaxe do grupo humano actual da Esteirana

• Campo: José Luis Vara
• Esteirana: Ponte, Dani Rama, Damián Suizo, Brais, Josiño Barreiro, Eloy Campos, Josiño Alves, Jaime, Simón, Carlos e Róber Pladur
• Cerqueda: DIego Dourado, Bastón (Lorenzo m.60), Fernando, Athu, Dani, Fran, Eloy (Juanjo m.77), Cholo, Iván Mato, Jonás (Méndez m.55) e Miguel
• Árbitro: Juncal García (A Coruña). Expulsou a Josiño Alves da Esteirana; Cholo e Athu do Cerqueda, todos unha vez concluído o encontro. Amonestou a Carlos, Damián Suizo da Esteirana; Méndez, Dani e Miguel do Cerqueda
• Goles: 1-0 m.9 Róber Pladur; 1-1 m.25 Cholo; 2-1 m.43 Carlos; 3-1 m.47 Iker; 3-2 m.55 Athu; 4-2 m.60 Eloy Campos; 4-3 m.63 Cholo; 4-4 m.77 Athu

A pasalo ben Non había nada en xogo entre Esteirana e Cerqueda, ambos cos obxectivos cumpridos, e a relaxación das marcas foi evidente. Os locais aproveitron para celebrar cos seus unha permanencia que hai dous meses parecía prácticamente un imposible, e que coa chegada de Róber Pladur tomou un novo matíz. O ex do Xallas, que abriría o marcador, asinou sete goles nos seis choques xogadsos, pero a súa influencia no xogo foi moito máis alá da capacidade goleadora. Dous pouco habituais nesa faceta no Cerqueda, Cholo e Athu, bigolearon nun encontro afeado no epílogo polas tres expulsións.   Camariñas 4-4 Porteño

• Campo: Hermanas Patiño
• Camariñas: Álvaro, Sergi, Maikol, Rodri (Javi Antelo m.46), David (Moriño m.65), Yuyo, Brais, Gabri, Pablo Mouzo, Maikel e Naazo
• Porteño: Jimmy do Cairo, Pejo, Adrián, Rodri, Cachi (Manuel m.75), Roi, Isma, Chavín, Marcos (Manu m.87), Mario Toja (Jorge m.46) e Wii
• Árbitro: Guerra Domínguez (A Coruña). Expulsou a Roi, do Porteño (m.85). Amonestou a Maikel do Camariñas; Pejo, Marcos, Chavín, Jorge do Porteño
• Goles: 1-0 m.12 Nazo; 1-1 m.14 Wii; 2-1 m.25 Nazo; 3-1 m.35 Nazo; 3-2 m.46 Wii; 3-3 m.75 Jorge; 3-4 m.83 Rodri; 4-4 m.86 Yuyo

Sufrir ata a última gota O gol de Yuyo nos compases finais sacou dun problema grande ao Camariñas, que podería ter sufrido polos posibles arrastres. No derbi de peche contra o descendido Porteño houbo alternativas, espectáculo e tamén algunha carencia defensiva. O xigante do encontro foi curiosamente o de maior déficit de centímetros. Nazo, autor de tres goles, liderou un día máis ofensivamente aos azuis. Abriu o marcador tras unha combinación con David. Tres minutos despois, nun balón ao segundo pau prolongado por Roi e remachado por Wii igualarían os porteñistas. Así que aparecería Nazo de novo, que chegaría ao hat trick antes do intermedio. Esta vez, a 'formiguiña' mataría en dúas contras, en asociación letal con David novamente. Resultaría moi protestada a acción do 3-2, nada máis reanudarse o choque, nun penalti por derribo sobre Wii que o propio atacante convertiría. Pareceu irse do choque un Camariñas que vería como lle remontaban Jorge e Rodri en sendos balóns colgados, o que non debería supoñer ningunha sorpresa para ninguén, e menos para os locais. Un rexeite permitiulle a Yuyo salvar un punto que vale máis do que semellaba, dentro dun curso bipolar na vila palilleira.   Buño 2-1 Corcubión

• Campo: Xaviña
• Buño: Toni, Miguel Dourado, Dimitri, Manuel, Canedo (Juan Antelo m.61), Jorge Calvete (Fran m.90), Dani Calvete, Eloy, Adrián (Alexander m.80), Emilio e Martín (Mario m.83)
• Corcubión: Bruno, Mario, Samuel (Mario Atán m.76), Lojo, Nes (Tito m.63), Gabri, Roi, Lema, Rama (David m.80), Pablo Castro e Toja
• Árbitro: Pérez Álvarez (A Coruña). Amonestou a Miguel Dourado do Buño Goles: 1-0 m.29 Dani Calvete; 1-1 m.39 Roi; 2-1 m.70 Emilio

Nunca os dean por mortos O Buño é coma un clasicómano na alta montaña do ciclismo: fai a goma, pero se quere acaba por aguantar. O conxunto oleiro, outro ano preto do descenso, salvou os mobles cun sufridísimo triunfo ante o Corcubión, un rival que sempre compite ben, pero ao que parece faltarlle un puntiño máis nos cómputos globais. En todo caso, gracias a esta vitoria e ao empate do Fisterra, o Buño seguirá un ano máis en 2ª. Precipitado pola responsabilidade, o Buño pareceu querer meter o segundo antes que o primeiro, e iso que Dani Calvete parecía tranquilizar a cousa co seu gol (o centrocampista dispuxo de varias claras para aumentar a conta). Pero un erro de entendemento entre Toni e os centrais deixou o balón franco para Roi, que igualou. A UD, xogando alegre e ao seu, a piques estivo de ir incluso en vantaxe ao vestiario. Resultaría unha carreira contra o tempo a reanudación, na que os locais non atopaban a profundidade, e o Corcubión ata resistía cómodo. Pero aparecería Juan Antelo, para inventarse unha acción persoal e ceder ao punto de penalti, onde Emilio debuxou un gol salvador, poético case, coa sinatura do eterno capitán.   Castriz 1-0 Corme

• Campo: San Pedro
• Castriz: Herrera, Rubén, Chinda, Álex, Steven, Matías, Raúl (Kevin m.76), Iván, Roberto (Carlos m.70), Alberto Mata e Adrián
• Corme: Susiño, Alejandro, Dani, Pandi, Toniño, Eloy, Diego (Samuel m.67), Brais Torrado (Martín m.60), Alejo, Lucas e Brais Corral
• Árbitro: Iglesias Bazarra (A Coruña). Expulsou a Mata (m.64), Herrera (m.76) e Matías (m.80), todos eles do Castriz. Amonestou a Rubén do Castriz e Susiño do Corme
• Gol: 1-0 m.39 Alberto Mata

Un 'francotirador' con cartóns en vez de balas Unha arbitraxe das de vídeo viral afeou o encontro entre Castriz e Corme, no que o resultado finalmente non lle valeu a ningún. Os xalleiros perden a categoría polo descenso do Sporting Zas, xa que non fallaron nin Coristanco nin Buño. Pola súa banda, os percebeiros non aproveitaron a derrota do San Lorenzo en Ponteceso. Un triunfo tería levado o subcampionato ao Cairo. A necesidade fixo que durante a primeira metade os xalleiros apretaran e colgaran moitos balóns perigosos. Un deles deixou en situación franca a Alberto Mata, que pouco antes do descanso facía o 1-0. No que foi unha actuación calificada de excesiva e moi protestada desde Castriz, o colexiado foi deixando pouco a pouco en inferioridade aos locais, e ademais engadiu un cuarto de hora. Co Corme volcado, Alejo acabaría tendo a igualada nas súas botas, pero o postreiro penalti foi detido pola meta do Castriz.   Monte Louro 3-3 Unión Club Cee

• Campo: Agra de Filgueira
• Monte Louro: Fernando, Abel (Manolo Chouza m.60), David, Pablo, Jose Angel, Adrián, Gelo (Miguel m.54), Yeray (Dani de Sahorta m.54), Riki, Juan de Selia (Gabriel m.73) e Geiko
• Unión Club Cee: Paulo, Nico, Esteban, Aitor, Jon (Chema m.46), Álex (Carlos Leis m.66), Uri, Javi (Jorgito m.66), Leo, Juan Bello e Isma (Martín m.72)
• Árbitro: Juncal García (A Coruña).
• Goles: 1-0 m.1 Riki; 1-1 m.28 Javi; 1-2 m.33 Isma; 2-2 m.62 Juan de Selia; 2-3 m.65 Javi; 3-3 m.70 Manolo Chouza

Unha despedida digna A gran tempada do Monte Louro e o positivo esforzo final do Cee converxeron nun atractivo e intrascendente encontro en San Paio de Refoxos. Durante a primeira metade, e pese ao gol inicial de Riki, o Unión controlou algo máis. Medraron os loureáns na reanudación e Manolo Chouza, que onte descansara, acadou a igualada á saída dun saque de curruncho.   Mazaricos 0-1 Coristanco

• Campo: Peña do Ouro
• Mazaricos: Ángel, Raúl (Tuco m.65), Esteban Gemelo, Martín, Matías, Pereiro, David, Ricardo, Chenel, Molinos (Brais m.67) e Xabi
• Coristanco: Fedeyo, Samuel, Iván, Rubio, Mato, Javi, Andrés (Álex m.61), Damián, Magovi (Pazos m.76), Samu (Brian m.90) e Marcos Corral (Toni m.88)
• Árbitro: García Vázquez (A Coruña).
• Gol: 0-1 m.30 Rubio

Depende do San Lorenzo Necesitaba imperiosamente o triunfo o Coristanco, para non verse superado polo Castriz e manter algunha opción de permanencia. Os pataqueiros xogaron o seu encontro e adiantáronse á media hora, ao aproveitar Rubio un balón morto tras un mal rexeite. Os locais, xa sen opcións de ascenso, medraron na segunda metade e axigantaron a figura de Fedeyo, chegado do Sofán nas últimas xornadas, e que demostrou que se lle queda moi pequena a Liga da Costa. Salvou o arqueiro carballés ata tres situacións clamorosas de gol, para desesperación local e tamén dun Castriz pendente do teléfono. Para meterlle aínda máis suspense o meta Ángel detería un penalti nos compases finais.