Liga Intermunicipios: Baldaio e Cances seguen ca súa loita

15:32 23/01/14

O Cances da Liga Intermunicipios- Foto-David Castro

O Baldaio e o Cances siguen ao se una súa loita polo título da liga de intermunicipios de Bergantiños, co Sporting Brea, que descansou esta xornada, á espera de erros para abordar o liderato. O Cances vencía por 3 a 4 na súa visita ao Valenza nun partido cunha parte para cada conxunto. A primeira metade estivo dominada polos coristanqueses e pronto se poñerían cunha vantaxe de dous goles no instantáneo pero Iván cun gol antes do tempo de lecer metería ao seu equipo de novo no encontro. Na segunda metade cambiaron as tornas e o conxunto dirixido por Manolo Rama foi superior e daríalle a volta ao encontro con tres goles moi seguidos que poñerían o 2-4 no marcador, pero a quince minutos para o final o Valenza daríalle emoción ao partido cun gol, pero o instantáneo xa non se movería ata o remate. O Baldaio deixou escapar o liderato tras empatar (3-3) co ADC A Piña. Pronto se lle poñería de cara o partido aos baldaieses, xa que cando transcorría o minuto 25 o marcador reflexaba un 3-0, ademáis os xogadores de José Luis Morgade estaban contando con claras ocasións, pero non foron quen de materializalas. E, antes do tempo de lecer os visitantes meteríanse de novo no partido cun gol, tras aproveitar un mal rexeite do gardameta local.
Na segunda metade, voltaría a recortar distanzas no marcador o equipo da parroquia de San Hadrián, logo dun balón en largo que non é quen de despexar a defensa local e transforma o dianteiro visitante en gol. E a falta de cinco minutos para o final, tras un pase atrás do mediocentro do Baldaio, aprovéitao o dianteiroda Piña para roubar e na continuación da xogada é obxector do penalti que supuxo o definitivo empate a tres.
Tres erros do Baldaio que lle poden saír moi caros ao final de tempada.

O Peña Galicia e o Clube Deportivo Rus empatarían a dous goles nun encontro que puido decantarse para calquera dos dous conxuntos. Comezaría adiantándose o equipo local antes do cuarto de hora da primeira metade cunha bonita vaselina de Javi Martínez, pero antes do tempo de lecer o equipo, que dirixe José Manuel Mancebo, daríalle a volta ao encontro con dous goles de Toky, para chegar aos vestiarios co 1 a 2 no instantáneo. Na segunda metade, Javi Martínez faría o gol do empate, que fixo xustiza ao visto sobre o céspede artificial do campo municipal das Eiroas.

O Xornes venciu a domicilio (0-2) ao Laxe nun partido moi igualado, con contadas ocasións para ambos equipos ata o minuto 80, cando os visitantes abriron a lata tras resolver unha melé formada na área laxense. E, cando estaba a piques de finalizar o encontro, o dianteiro do conxunto pontecesán cabecea ao fondo das mallas un balón colgado á área.

E vitoria sufrida do Cereo na súa visita ao Sp. Seaia. Tras dominar a primeira parte, os coristanqueses foron ao vestiario cun marcador favorable de 0 a 2. Os malpicáns reaccionaron tralo descanso e foron superiores ao equipo de José Manuel Rama. Recortarían distanzas no instantáneo mediada a segunda metade e a falta de quince minutos para o final poñerían o empate a dous. Xa co tempo cumprido, Iván faría o definitivo 2 a 3 dende o punto de penalti.