Sábado. 21.05.2022
El tiempo

Ligas Galegas: Un empate con susto

Ligas Galegas: Un empate con susto
Edu marcou o golazo da tarde para o Dumbria-Foto-Jorge Parri Edu sufriu un forte golpe en Carballo-Foto-Jorge Parri

Tivo que pasar o xuvenil dumbriés Edu unha noite no Hospital tras un forte golpe na cabeza recibido polo meta do Bergantiños. Afortunadamente non foi a máis e Edu recupérase xa na súa casa. Así e todo o cadro dumbriés non sacou máis que un empate da súa visita a Carballo, e ve como o Vilalbés escapa a 5 puntos. Os de Leis e Lobelos manteñen aínda así unha boa 2ª praza.

Dolorosa derrota dos cadetes nun partido dos da súa Liga, e cun resultado máis abultado do visto no campo. Unha derrota que os deixa en postos de descenso, a 4 da salvación.

Liga Galega Xuvenil, xornada 12

  • Resultado: Bergantiños - Dumbría (1-1).
  • Dumbría: Jorge, Jacobo, Jose Miguel, Eloy, Roberto, Yeray, Marcos Mouro, Edu, Maikel, Mauro e Juan de Dora. Tamén xogaron: Borja, Ismael e Javi.
  • Goles: 0-1, m.25: Borja marca un golazo dende fóra da área; 1-1, m.55.
  • Lesión: Edu levou un forte golpe e acabou no Hospital. Afortunadamente despois das exploracións e quedar unha noite en exploracións, quedou nun susto.
  • Expulsión: Juan de Dora por unha suposta agresión dende o chan tras sufrir unha forte entrada.

Partido bronco, cun Bergantiños buscando continuamente cortar o xogo, beneficiado por un colexiado demasiado permisivo e que todas as decisions dudosas caian do lado local.
No minuto 4 un salto de Edu a por un balón topase ca saída do porteiro carballés que golpea cos puños na cabeza de Edu que queda inmóbil no chan. Tras atendelo, o equipo técnico dumbriés nota que está desorientado, non sabía onde estaba e non tiña sensibilidade nunha perna polo que automaticamente Óscar Leis trasladouse con el ao Hospital San Rafael da Coruña.

A pesar do mal momento vivido polos compañeiros repuxéronse e chegaron o descanso con ventaxa no marcador tas un golazo de Borja desde fora da area.

No inicio da segunda parte unha dura entrada a Juan de Dora convírtese na sua propia expulsión por entender o árbitro que no chan Juan agrediu a un contrario. Protestaron os dumbrieses esta polémica decisión, e tamén varios saques de banda pitados erroneamente polo colexiado a pesar das indicacións do asistente. Nun deses saques, o Bergantiños lograba o empate. Con dez o Bergan chegou algo máis á portería de Jorge pero nos minutos finais Javi tivo un man a man que non foi capaz de resolver e Ismael tiro o pau. Un desconto de 8 minutos e medio acabou de irritar a parroquia dumbriesa que veu moi molesta co trato recibido polo colexiado.

No hospital na Coruña Edu foi examinado e despois de descartar calquera tipo de lesión, tras varias probas entre elas un TAC quedou ingresado en observacion ata o luns a mediodía que recibiu a alta. Xa descansa na súa casa.

 

División de Honra Cadete, xornada 11

  • Resultado: Dumbría - Areosa (1-4).
  • Dumbría: Juan (Isma, m.75), Martín, Ayoze, Luís Mayán, Juan Álvarez, Josiño, Brais Fdez., Mario (Adrián, m.41), Carlos, Fabio (erre, m.52) e Brandon (Tajes,m. 59) (Esteban, m.73).
  • Goles: 0-1, m.2: Tomás nun córner; 0-2, m.14: Pablo; 0-3, m.22: Antón; 1-3, m.34: Brandon de penalti; 1-4, m.65: Antón.
  • Lesións: Tajes cunha escordadura de nocello e Juan Álvarez cunha contusión no muslo; e Brandon tocado.

Saíu o Dumbría sen demasiada intensidade e no primeiro córner, gol en contra, a pesar de que sabían do potencial do Areosa a balón parado. Neses primeiros 20 minutos, despois do primeiro gol, baixaron os brazos os locais e así caeron dous goles máis. A partir de aí comezou a tocar con criterio o cadro de Huelvis, e a entrar con Martín pola banda. Tiveron aí varias xogadas de gol, como unha falta lambendo ao pau de Carlos, e unha que tivo que sacar a defensa baixo paus, ademais do tanto de Brandon de penalti.

Se acabaron ben o primeiro tempo os dumbrieses, tamén o comezaron con forza, pois coa entrada de Erre, que voltaba despois dun mes fóra por lesión e foi convocado ademais ca Selección Coruñesa sub-15, tiñan máis profundidade por banda esquerda. Tivo un man a man Erre e Brando tamén quedou só diante do porteiro pero mandou ao lateral da rede. Estaba máis preto o 2-3 que o 1-4, pero nun balón longo chegou o cuarto tanto que acabou o partido.

Ten que tratar este Dumbría de volver á escencia de comezo de temporada, un equio moito máis sólido defensivamente e non sufrir desconexións de intensidade. Ademais, cada erro supón gol do contrario mentres o equipo segue sen aproveitar as ocasións. Agora tocan tres partidos nos que hai que sumar para non descolgarse nesta longa liga.

 

Crónicas das Ligas Autonómicas

Crónicas da semana

Novas relacionadas

Máis información

Fonte

comentarios