Lista de espera para o IV Duatlón de Reis de Vimianzo
Cen prazas cubertas en apenas dous días e arredor de vinte persoas en listaxe de espera para aparticipar no IV Duatlón de Reis deixan ver o interese pola práctica de actividades deportivas no concello de Vimianzo. Esta proba deportiva que combina a carreira a pé e en bicicleta naceu por iniciativa dun grupo de persoas afeccionadas a estes deportes que se xuntaban o día de Reis a modo de entrenamento conxunto. O interese que espertou esta actividade fixo que os organizadores solicitasen que o concello asumise a proba e así o vén facendo desde a anterior edición. As expectativas cumpríronse e en menos de dous días cubríronse as 100 prazas que se marcaban como límite e xa hai participantes en lista de espera.
A cita deportiva será o domingo día 13 de xaneiro e desenvolverase nas parroquias de Salto e Tines. A saída e a meta será na praza Dona Carmen Neira Marcos de Castromil, na parroquia de Salto. A proba consiste nun percorrido de 5,4 Km a pé, 21 Km. en bicicleta e 3,6 Km a pé para rematar a proba. Un total de 30 Km. combinado as dúas modalidades deportivas. Trátase dunha proba non competitiva na que os tres primeiros clasificados da categoría masculina e as tres primeiras da feminina.
