O acto estivo presidido polo coordinador das Escolas Municipais e do Deporcampus en Zas, Manolo Corredoira; o director dos Deporcampus, Pablo Barros; o alcalde de Zas, Manuel Muiño; e o concelleiro de deportes do Concello de Zas, Oscar Lema. O Auditorio do Concello de Zas, acollía a presentación do II Deporcampus de Verán que se desenvolverá en Zas, nas instalacións do Pratas Reionoso de Baio. Uha cita que se combina co Deporcampus do Conco. Pablo Barros destacou o celebrado o pasado ano, que dixo "foi o mellor de todos os que se levaron a cabo tanto en Galicia como o de Suiza, polo número de asistentes e a gran acolleita”. Como novidade, ao final do campus, tres pícaros, a elixir polo coordinador e os técnicos que asistan ao curso, poderán asistir e traballar un día nas instalacións do Deportivo cun dos equipos de base da entidade blanquiazul, ademais de recibir diferentes detalles do Deportivo e poder asistir en Riazor a un encontro do equipo deportivista. Manuel Muíño, ao que Pablo Barros fixo entrega dunha bufanda e un banderìn do RC Deportivo, destacou "que o ano pasado fomos pioneros en facer un campus destas características co Deportivo na Costa, e este ano esperamos repetir o éxito da pasada edición, pero sobre todo que os nenos gocen dunha semana de fútbol nas instalacións do noso Concello”.

Buses

Hai que destacar que, como o ano pasado, haberá dúas liñas de autobuses, unha que sairá de Muros, parando en Mazaricos, Santa Comba e Zas; e outra desde Fisterra, parando en Cee, Dumbria, Vimianzo e chegada a Baio.

Inscricións

O Campus desenvolverase do 25 ao 29 de xuño, en horario de 10.00 a 14.00 horas, e mantén os prezos da pasada tempada 120€, con compensación para os xogadores do CD Concello de Zas e socios do Deportivo, que pagarán 100€.   https://quepasanacosta.gal/este-veran-dumbria-e-zas-acollen-sendas-edicions-do-deporcampus/   https://quepasanacosta.gal/aprendendo-e-disfrutando-do-futbol-branquiazul-no-deporcampus-de-zas/