O novo pavillón deu sorte aos equipos do Volei Dumbría no debut nas Ligas Galegas

09:20 16/10/13

O Volei Dumbria estreou con 3 vitorias o novo pavillon

Este pasado sábado día 12 dábase o pistoletazo de saída ás diferentes Ligas Galegas, no renovado Pavillón Municipal de Dumbría, cun total de 4 encontros. Os resultado non foron nada malos para os nosos, cun balance de 3 vitorias e unha soa derrota.

Infantil feminino

As xogadoras do Manuela Rial enfrontábanse ás 10:30 ante o equipo coruñés do Liceo, un dos equipos máis fortes da categoría, e pese a facer un bo partido acabaron perdendo por 0-3 (15-25, 18-25, 12-25).

Infantil Masculino

Os infantís do Manuela Rial debutaban na liga ante Santa Mª del Mar nun encontro de inicio de tempada con moitos erros polos dous bandos que o acierto dos nosos nos momentos decisivos de cada set permitiu sumar a primeira vitoria da tempada por 3-1 (25-15, 25-23, 25-27, 25-20).

Cadete Masculino

Bo debut tamén do equipo cadete do Voleibol Dumbría ante Santa Mª del Mar cunha vitoria clara por 3-0 (25-12, 25-16, 25-15) onde o equipo local foi superior ainda que non xogou o nivel desexado.

Xuvenil Masculino

Vitoria tamén clara dos xuvenís do Voleibol Dumbría ante Ames por 3-0 (25-18, 25-18, 25-17) nun partido que os nosos foron moi superiores na rede ainda que foi un partido disputado e entretido.