O pasado sábado 6 finalizaba en Valladolid o Campionato de España de Seleccións Autonómicas coa participación de 5 xogadores do Voleibol Dumbría formando parte da Selección Galega infantil e cadete masculina.

E analizando o papel dos nosos, non puido ser máis positiva a experiencia.

Gran papel dos cadetes costeiros

Compre destacar a labor do equipo cadete, no que militaban Javier Domínguez, Manuel Marcote e Gabriel Trillo, finalizou nunha brillante 5ª posición.
E un veterano ademais nas filas galegas, o oposto corcubionés Javier Domínguez que acudía ao seu terceiro Campionato de España e facíao nunha nova posición para el, xa que ata o momento sempre o fixo xogando de central. Aínda que empezou un pouco flojo o torneo, finalizou cuns bos números e sendo unha peza crave no combinado galego. Deste xeito despedíase da Selección Galega, xa que para o ano que vén pasa a categoría xuvenil, na que xa non hai Campionatos de España de Seleccións.
O colocador Manuel Marcote repetía nun Campionato de España pero esta vez co obxectivo de adapatarse a unha nova categoría e acumular minutos e experiencia para o do ano que vén, no que sen dúbida será unha peza fundamental no combinado galego. Aínda que empezou xogando pouco finalizou o torneo disputando a maioría dos sets nos últimos partidos que disputou o equipo galego.
Para rematar, o central Gabriel Trillo debutaba coa Selección Galega nun Campionato de España no seu primeiro ano como xogador de voleibol. Pese á súa mocidade Gabi é un dos xogadores máis altos de Galicia e nel están depositadas moitas esperanzas de face ao futuro. Do mesmo xeito que Manuel a súa participación no torneo foi de menos a máis e acabou xogando como titular os dous últimos partidos do torneo co obxectivo de coller experiencia para a próxima tempada na que sen dúbida repetirá no combinado galego.

Os infantís, 8º

Pola sua banda, a Selección Galega infantil na que militaban os xogadores do Manuela Rial, Unai Larrañaga e Marco Lado finalizaba o torneo en 8ª posición. A clave estivo no partido ante Cataluña, xa que unha vitoria por 3-1 clasificábaos para semifinais, e tras ir gañando 2-1 perdían 2-3.

Unai Larrañaga empezou xogando de oposto pero acabaría o torneo xogando como receptor titular do combinado galego. Era a súa primeira participación nun Campionato de España aínda que non coa Selección Galega infantil, xa que o ano pasado aínda sendo alevín, participou no prestixioso torneo Arturo Cortés en Lloret do Mar.

O central Marco Lado pechou a tempada da súa debut no voleibol nin máis nin menos que sendo o central titular da Selección Galega nun Campionato de España, e realizando uns magníficos números tanto en ataque como en bloqueo.

Novas relacionadas

• 5 xogadores do volei costeiro xa están ca Selección Galega en Valladolid.
• Os cadetes do Volei Dumbría, entre os 15 mellores equipos de España.
• Os cadetes do Volei Dumbría loitarán por quedar entre os 13 primeiros.
• Os cadetes do Volei Dumbría viaxan a Badajoz ao Campionato de España.
• 3 infantís do Manuela Rial á Selección Galega de Volei.
• O Volei Dumbría non puido facerse co título galego pero disputará o Campionato de España.
• O Manuela Rial Mouzo, subcampión galego infantil de voleibol.
• O Manuel Rial de Volei triple campión interzonal.
• 13 xogadores do Volei Dumbría nas Seleccións Galegas.
• Os Cadetes do Volei Dumbría tamén son Campións da Liga Galega.
• Os infantís do Manuela Rial xa son Campións da Liga Galega de Volei.

Máis novas

• Dumbría prepara un verán deportivo de vertixe.
• Dumbría é Deporte.
• 2012: O Volei costeiro entre os 9 mellores de España.

Fonte

• Nota de prensa do Volei Dumbría da man de Gurutz Larrañaga.