Levantouse o líder dun golpe que facía peligrar o seu 'cinto de campión' e machachou con gol a un gran Corme; para entón o Sofán xa estaba a sacar en 'Mordor' un resultado máis que meritorio Un dos campos máis duros da categoría non foi obstáculo para o Sofán - Foto: SD Sofán A Clínica de Fisioterapia Vértebra e a Podóloga Alicia Novás, de Baio, patrocinan a 1ª Autonómica. Pincha e coñéceas en www.vertebrabaio.com
  Soneira 4-1 Corme

• Campo: Municipal de Vimianzo
• Soneira: Josiño; Martín (Brais Mouzo, m.58), Jota, Aarón, Maikel (Fran de Urroa, min 67); Richi, De la Sierra (Mayor, min 58), Sandelo, Javi, Alberto Vía e Basti (Alberto m.82)
• Corme: Susiño; Adolfo, Jesús, Dani, Brais, Eloy, Sergio (Joshua, min 74), Diego (Alejandro m.80), Toniño (Pandi, m.86) e Lucas.
• Árbitro: Belmonte Martell (A Coruña). Amonestou a De la Sierra, Brais Mouzo e Basti do Soneira; Dani e Adolfo do Corme
• Goles: 1-0 m.25 Jota; 1-1 m.77 Eloy; 2-1 m.79 Basti; 3-1 m.90 Alberto Vía; 4-1 m.83 Javi

A pegada dun campión O Corme deu a cara no Municipal - Foto: Óscar/Sd Soneira O Soneira pegou un importante paso ó fronte co triunfo no derbi ante un gran Corme. Os vimianceses aproveitaron o erro do Cordeiro, aínda que tiveron que agardar ata o final. Jota, tras un córner executado por Sandelo, desfixo as táboas mediado o primeiro acto, ante un rival que medraba co paso dos minutos, ata chegar a dominador nunha segunda metade en forma de 'coitus interruptus'. E o foi porque os bergantiñáns primeiro quentaron ao seu rival con varias chegadas francas, e acabarían por igualar a falta de trece minutos, tras unha saída dubitativa de Josiño e cabezazo de Eloy a gol. Pero en pleno desmelene o gatillazo levou o nome do executor do ano, un Basti que só tres minutos despois aproveitaba un balón á espalda da defensa para poñer o segundo. Vía, tras xogadón de Fran, e Javi, a pase de Richi, redondearon un marcador cruel cun Corme que marchou enfadado coa arbitraxe, tras reclamar en plena ofensiva un penalti por mans de Javi.   Sigüeiro 4-1 Malpica

• Campo: Lino Balado
• Sigüeiro: Diego; Juncal, (Chema m.73), Iván Forján, (Jorge Paz m.50), David, Fer, Gago, Juanito, Jess, (Maroño m.81), Lucas, Sergio, Álvaro, (Jacobo, 55)
• Malpica: Ángel; Dímaga, Carlos Mallo, Víctor, Moscoso, Eme, Petís, Jaco, Mara, Cololo, Sergio
• Árbitro: Losas Otero (Santiago).
• Goles: 1-0 m.35 Sergio; 2-0 m.52 Lucas; 2-1 m.70 Jaco; 3-1 m.80 Chema; 4-1 m.85 Chema

Demostración de orgullo Con só once futbolistas na convocatoria, os representantes do Malpica que saltaron ao céspede en Sigüeiro deixaron a pel polo seu equipo, ante un rival que loitará ata o final polo ascenso de categoría. Un tiro cruzado de Sergio no primeiro acto desequilibrou unha balanza que ben pudo ter caído do lado costeiro aos poucos segundos de comezar, tras unha combinación entre Jaco e Cololo. O paso dos minutos foi unha losa para os malpicáns, que encaixarían o segundo tras un bo desmarque de Lucas. Jaco acurtou distancias, pero á hora de tentar unha ofensiva foi un imposible para os de Ambrosio.   Agolada 1-3 Sofán Este era o aspecto do Hospitalillo na chegada dos futbolistas - Foto: SD Sofán Non, non era o Rally de Finlandia, era Hospitalillo de Agolada - Foto: SD Sofán

• Campo: Hospitalillo
• Agolada: Rafa, Charly, Joselu, Alexandre (Jorge m.40), Miguel, Ruben Arean (Gabucho m.76), Marcos Arean (Garea m.69), Peyret, David (Víctor m.78), Pablo e Aitor Hurtado
• Sofán: Brais Vázquez, Iván Rey (Álex Varela m.82), Adrián, Rubén, Sito, Pablo Martínez, Seo, Luis (Ceide m.89), Brais Barreiro, Raul e Insua (Doldán m.46)
• Árbitro: Amonestou a Alexandre, Rubén, Peyret do Agolada; Brais do Sofán
• Goles: 0-1 m.52 Raúl; 1-1 m.54 Aitor Hurtado; 1-2 m.60 Doldán; 1-3 m.89 Luis

Case quedan no Hospitalillo… a curar a pulmonía Unha mestura entre a Divina Comedia de Dante e a Odisea foi a viaxe do Sofán a Agolada, no corazón da Galicia máis radical climatolóxicamente falando, e onde só unha directiva convertida nunha versión do 'Señor Quitanieves' nos Simpson permitiu que se xogase ao fútbol. E niso o cadro carballés foi superior, a pesares de xogar nun dos campos máis temidos da liga. Despois dunha primeira metade de sustos reiterados en forma de ocasións locais, un gran disparo de Raúl á volta dos vestiarios puxo ó primeiro. Foi efímera a alegría, pois só dous minutos despois igualarían os pontevedreses. Un cabezazo de Doldán, e xa nas postrimerías un tanto de Luis desde o medio do campo, certificaron o éxito sofanista nos Andes versión galaica.   Val do Ulla 4-0 Baio Val do Ulla e Baio-Foto-Santi Soneira

• Campo: O Coto
• Val do Ulla: Álvaro, Carlos, Martín, Picón, Jaco, Espiño (Alberto m.53), Luis Bragaña (Jordan m.65), Neira, Óscar, Álex López (Javi m.47) e Cristian
• Baio: Pollo, Fachal, Porto, Mario, Luis, Norberto, Yago, Santi (Pazos m.46), Christian, Martín MC e Luisito
• Árbitro: Fernández Lodeiro (Santiago).
• Goles: 1-0 m.13 Óscar; 2-0 m.46 Jaco; 3-0 m.77 Jordan; 4-0 m.81 Jordan

Capis do Val do Ulla e do Baio-Foto-Santi Soneira Golpes psicolóxicos Un tanto ao inicio e outro contra o descanso, e dous mazazos máis cando tentaba estirar liñas deixaron KO a un Baio que a pesares das baixas competiu dignamente en Val do Ulla. De tódolos xeitos, é evidente a mellora nas últimas semanas, que ten afastado os postos de descenso directo.   Tordoia 3-1 Outes

• Campo: Gorgullos
• Tordoia: Juanjo, Dubra, Alberto, Rubén, Otero, Antonio, Lamas (Adrián m.72), Liste, Iván Noya, Óscar (Manuel m.67) e Denis
• Outes: Jorge, Pose, Maroñas, Dani Corniños, Quim (Veleiro m.75), Jorge, Eli, Piqui, Jura (Davi m.60), Chía (Pablo m.83) e Babu (Yago m.60)
• Árbitro: Villamor Rial (Santiago).
• Goles: 0-1 m.28 Quim; 1-1 m.33 Lamas; 2-1 m.56 Denis; 3-1 m.66 Iván

Fallou a puntería Un Outes dominador e superior durante toda a primeira metade non foi quen de sacar algo positivo da súa visita a Tordoia. Quim, nun cabezazo, abría o marcador para os de Manu de Roque, que seguían con vantaxe monopolizando a posesión. Sen embargo, unha contra letal executada por Lamas daría nunha igualada que sería un golpe moral de cara á reanudación. Un erro defensivo, ao pouco da volta dos vestiarios, obrou a remontada dun Tordoia que ademais vivíu da mala sorte en ataque dos costeiros.  

Máis información

• O cadro da Copa da Costa 2016.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga (guillermoparga@quepasanacosta.com).