Debutou o Sporting Zas na liguilla de ascenso a Primeira Autonómica nun sufrido partido co Bastavales, no que chegou ser dominado e con dous goles abaixo. Plantel do Sporting Zas 2015-2016

• Campo: San Andrés
• Sporting Zas: Bugy, Rubén Forján, Josito, Braulio, Dieguiño, Cilindro (Sande m.83), Isma, Dani Mato, Rubio, Manu e Chapela
• Bastavales: Julián, Óscar (Pablo Castro m.61), Jacobo, David, Alejandro, Daniel (Víctor m.76), Rubén, Julián Nieto (Villaverde m.80), Adrián (Grossi m.58), Jesús e Miguel
• Árbitro: Oreiro Hermida (A Coruña). Expulsou a Isma do Sporting Zas (m.88) e a Julián Nieto (m.81) e Rubén (m.63) do Bastavales
• Goles: 0-1 m.15 Rubén; 0-2 m.57 Julián Nieto; 1-2 m.63 Rubio, de penalti; 2-2 m.78 Chapela

Non resultou en absoluto sinxelo o segundo paso do Sporting Zas pola liga de ascenso a Primeira Autonómica. O Bastavales santiagués, dunha zona de equipos tradicionalmente duros e expertos, entrou moi entonado ao partido e ata cobrou unha vantaxe de dous tantos. Pese a estar sobre aviso da campaña anterior, o Zas saltou algo brando e despistado, e así chegou o primeiro, cun saque rápido de falta e remate de Rubén. Non crearía perigo o equipo de Pazos nese primeiro tempo de control total por parte visitante. Replegaron os santiagueses no segundo acto e asumiu máis riscos o Zas. Aínda así, chegaría o segundo, obra de Julián Nieto tras prolongar un balón colgado. Era a antesala da acción que cambiaría o partido, despois de que Rubén sacase coa man un remate que ía a gol, fose expulsado e Rubio firmase de penalti o primeiro. Un lanzamento de Chapela desde 30 metros que se colou pola escuadra salvaría un punto que puderon ser tres ao final, pero que o visto o visto durante unha hora non é malo.  

A Gala do Fútbol da Costa

• Mazaricos acollerá a III Gala do Fútbol da Costa-QPC.

O Congreso de Adestradores

• Marcos Molk: “Deporte, formación e Carballo. DIMOLK tiña que apoiar o Congreso de Fútbol”:
• Presentación oficial: Carballo, capital do fútbol branquiazul e nacional.
• QPC e Fútbol Táctico traen primeiras espadas ao I Congreso de Fútbol Concello de Carballo.

Novas relacionadas

• Crónica do ascenso á Preferente do Sofán: 1ª Autonómica: Pelotas de aceiro e de Preferente.
• Crónica da Permanencia do Xallas: Preferente: Querido Santa Claus….
• Adrián Makaay, segundo máximo goleador da historia do Fútbol da Costa.
• O Fútbol Base foi protagonista en Cabana, Outes, Cee e Santa Comba.
• Basti e Makaay, Insua e Bugy, pichichis e Zamoras das Ligas da Costa.
• 4 equipos seguen pendentes dos arrastres.
• 3ª Autonómica: Os penaltis devolven ao Corcubión á Liga da Costa.
• Copa da Costa Xuvenil: O Xallas, gran campión.
• Artigo de Guillermo Parga do título do Fisterra: Vanse poñer de punta ata os pelos dos Rapacollóns.
• Artigo de Guillermo Parga do ascenso do Soneira: Nunca agardei menos de ti.
• Noé e Geiko, os premios Zamora e Pichichi da 3ª da Costa.
• Rikísimo ascenso do Montelouro.
• O Laxe é novo equipo da 2ª Autonómica!.

Máis información

• Os cadros da Copa da Costa 2016 e das Fases de Ascenso en www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.

Fonte

• Guillermo Parga ([email protected])