Quenxe acollerá o VIII Torneo de Fútbol Praia
09:57 23/08/11
A praia corcubionesa de Quenxe acollerá o vindeiro venres, 26 de agosto, a séptima edición do Torneo de Fútbol Praia, que organiza o Concello de Corcubión en colaboración coa Escola de Fútbol Base Corcubión.
O torneo contará con tres categorías: Sub 12, sub 16 e absoluta. No que se refire ás dúas primeiras, os encontros desputaranse pola mañá. No caso da absoluta celebraranse os partidos durante toda a tarde.
As persoas interesadas en participar deben dirixirse ás oficinas do Concello de Corcubión ou ao Pavillón Polideportivo. Tamén están habilitados dous teléfonos, que son o 981 745 400 e 981 746 753. O prazo para apuntarse remata o xoves, 25 de agosto.
Novas relacionadas
- Carnota fai balance do verán e prepara a Carreira das Areas.
- Pechou o Torneo de Tenis de Carnota.
- Esteiro acollerá un campionato de volei.
- Unha ollada á Liga de Verán do Concello de Muxía.
Fonte
- Nota de prensa do Concello de Corcubión.