Míchel Antelo, Rocío Alvite e os atletas do Olimpia, protagonistas dos premios do Circuito provincial

Facía entrega onte a Deputación dos premios do IV Circuíto Provincial de Carreiras Populares. Un Circuito no que participaron 15.000 corredores nas 30 probas que o conformaban, pasando por concellos de Culleredo, Ponteceso, Cerceda, Carballo, Cee, Curtis, Muxía, Santiago, Ares, Ortigueira, Cambre, Cariño, Carnota, Betanzos, Ferrol, A Pobra, Ordes, Corcubión, Valdoviño, Cabana de Bergantiños, Ribeira, Brión, Sada, Fisterra, Ames, Rianxo, Carral, Negreira, Boiro e Porto do Son.

E entre os gañadores atopamos varios nomes da Costa da Morte. Destacados son a mazaricá Rocío Alvite, campioa en categoría Absoluta e Veteranas, por diante de Eusebia Maldonado.

En homes, o vimiancés Míchel Antelo subiu ao podio cun gran 3º posto, por detrás de Amador Pena e Manuel Pérez López.

Ademais, en categorías de menores, o Club Atletismo Olimpia de Cee estivo entre os 3 clubs máis galardoados, levando 4 premios individuais e varios premios como equipo. Así, Carlos Valiña e Brais Lago Trillo arrasaron en categoría Xuvenil, acadando o 1º e 2º posto. A irmá do primeiro, Carla Valiña, foi 3ª en Infantís; mentres que Javier Rodríguez Castro, quedou campión en Cadetes.

Todo un éxito para a nosa bisbarra.

Os Atletas do Olimpia puideron asistir á entrega de Premios da Deputación

Carreira de Fisterra

A Carreira do Circuito Correndo pola Costa da Morte ten que cambiar de data, e pasa do 15 de outubro ao 12 de novembro, por mor da falta de permisos da Xunta.

Novas relacionadas

• Míchel Antelo rompe as súas marcas na media maratón de Behobia.
• Míchel e Manu Dosil, hai vida no deporde despois do Fútbol da Costa.
• Duatlón e maratón con acento muradán e irmandiño.
• Unha Campiona de Europa para Mazaricos.

Máis novas

• Santa Comba prepara o Trail Ruta do Wolfram.
• Damián e Paula manteñen postos e podio na liga nacional da Gladiator Race.

Fonte

• Redacción de QPC ([email protected]).