Xuvenís: 10 de 10

Xuvenís: 10 de 10

Redacción

17:21 17/11/15

Ponteceso e Xallas están impresionantes

A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook Non fallan Xallas polo Sur e Ponteceso polo Norte. 10 vitorias en 10 partidos para os equipos de Dani Calvete e de Fernando. As loitas centraranse por acadar os outros dous postos que dan acceso á Liguilla dos mellores. Polo Norte, Cabana parece un claro favorito, pero Corme, Baio, Coristanco, Coristanco e mesmo Camariñas loitarán ata o final. Polo Sur, máis do mesmo. O Cee parec favorito pola súa traxectoria, pero o sábado non podía no derbi co Corcubión. Un punto menos que os ceenses ten o Montelouro, que suma 4 vitorias seguidas, despois de vender nun duelo directo a outro dos que van estar aí, o Outes. Fisterra, Esteirana e Miúdos aínda teñen opcións de meterse na loita.

Liga Xuvenil Sur, xornada 11

Os Miúdos - Xallas (0-3)

O Xallas Xuvenil segue impresionante

Os Miúdos: Xandre, Gael (Jose), Alberto, Álex, Lize, Airán, Jose, Pesky (Bruno), Yeray, Manuel (Óscar) e Xavi (Sergio).
Xallas: Alex (Koke), Cristian, Pablo, Xoel (Parri), Raúl (Jony), Alberto, Juanjo (Thiago), Carlos, Santi, Anxo e Sergio.
Goles: 0-1, m.4: Santi Díaz falla un penalti pero non desaproveita o rexeite do porteiro muradán; 0-2, m.55: Anxo; 0-3, m.70: Anxo de cabeza.

Bravo Xallas ante un meritorio cadro muradán Partido disputado na tarde de onte en Muros, entre uns motivadisimos Miúdos e un Xallas ao que lles custou case toda a primeira parte adaptarse ás pequenas dimensions do campo muradán. De feito, durante os primeiros 45 minutos os locais foron superiores, tapando moi ben as chegadas xalleiras, ata o rigoroso penalti. Foi aí, ao fío do descanso, cando se adiantaba o Xallas por medio de Santi Diaz dun rechace do penalty lanzado por el mesmo. Na segunda parte mellorou o Xallas, e Anxo materializou o 0-2 nun error da defensa local, o mesmo Anxo fixo o 0-3 rematando de cabeza un gran centro de Carlos. Foi ingrato o fútbol co equipo de Tata, mentres que o de Dani Calvete segue a demostrar que é un "Bravo Xallas". Con esta sufrida pero traballada vitoria, o líder ten cada vez mais cerca o obxectivo.

O Xallas en Muros

Corcubión - Cee (3-3)

Corcubión: Maikel, David, Isma, Oca, Porto, Senra, Rama, Samuel, Germán, Moure e Gabi Golpes. Tamén xogaron: Dani, Carlos, Breixo e Dani.
Cee: Paulo, Iván (Xavi Pérez, m.73), Senlle, Alex Agulleiro (Chiqui, m.56), Tivi (Lagoa, m.73), Castillo, Xabi Castro, Hugo (Samu Trillo, m.67), Isma, Samu Filgueiras e Alex Castro (Pablo Trillo, m.77).
Goles: 0-1, m.33: Xabi Castro de penalti; 1-1, m.40: Samu; 1-2, m.42: Isma; 2-2, m.58: Moure; 2-3, m.71: Xabi Castro; 3-3, m.71: Moure.

Derbi disputadísimo Típico derbi no que non importaron as diferencias na táboa. O Cee non deu controlado o partido por das moitas imprecisións dos seus xogadores. O partido comezaba cun penalti marrado por Germán para os locais: O que non fallaba era Xabier dende os 11 metros da área contraria para meter por diante aos de Rafa. Pero non se viñeron abaixo os de Serna, como noutras ocasións, e se mantiveron no partido rexeitando os golpes en forma de goles dos ceenses ata en 3 ocasións. Marcaba o Cee, respondía o Corcubión, así ata os últimos 15 minutos nos que o Cee, máis necesitado de puntos na loita pola Liguilla, se foi arriba pero sen acerto ante a boa defensa corcubionesa.

Montelouro - Outes (2-1)

Montelouro: Xaquín, Bouzas, Sergio, Bolo, Juan; Juanma, Cristian, Adrián, Anxo; Juan de Celia e Junjo.
Outes: David, Serxio, Cutu, David Hortas, Brión, Saúl, Adrián (Jairo), Adán (Aarón), Fran (Fabio), Carlos e Santi.
Goles: 1-0, m.23: Juan de Celia aproveita un rexeite; 2-0, m.50: Juan de Celia marca un golazo en xogada persoal; 2-1, m.62: Santi.

Sufrida vitoria loureá Sufrida vitoria muradá ante un gran Outes que viña coas baixas de César (que quedou en terra) e Simón, clave no ataque dos de Eli, que se lesionaba no quecemento. Comezou o choque con moito respecto por parte dos dous equipos sen un dominador claro. O Louro, máis forte fisicamente, gañaba os balóns divididos e as segundas xogadas, e buscaban ás costas da defensa rival con balóns diagonais. Por Juan de Celia, na media punta, pasaban todos os balóns, e deixou patente a súa calidade, marcando os dous tantos dos locais. O primeiro, de pícaro no ecuador do primeiro tempo, e o segundo ao comezo da segunda metade tras un roubo e unha condución de máis de 30 metros, regateando a boa parte da defensa visitante e finalizando cun tiro exterior axustado ao pau. Non se viñeron abaixo os visistantes, que se meteron no partido pronto co gol de Santi dende fóra, e mesmo puideron ter empatado, se Santi estivese máis acertado nas dúas claras ocasións das que dispuxo. Nos a pesar do 2-0 sobrepuxemonos, marcamos o 2-1 no min 26 por medio dun tiro exterior de Santi e podemos ganar o partido Pois fallamos duas ocasions claras por medio de Santi

Castriz- Esteirana (3-3)

Castriz: Víctor; Rubén (Brais), Richard, Javier, Elías, Adrián, Miguel, Luis, Martín, Alejandro e Ismael.
Esteirana: Álex de Yi (Tiki); David (Manu), Anxo, Chaki, Álex (Eloy); Áxel (Antonio), Xian, Rubén, Pachín; Manu de Yi e Íker (Carajillo).
Goles: 0-1, m.40: Íker; 0-2, m.51: Manu de Yi; 1-2, m.61: Martín; 1-3, m.70: Manu de Yi; 2-3, m.71: Adrián; 3-3, m.78: Adrián.

Unha parte para cada un e unha remontada a medias Enfrontábanse no San Pedro de Castriz dous equipos da zona baixa da táboa, nunha tarde soleada e agradable para a práctica do fútbol. Comezaba o partido ca Esteirana mellor prantada, facéndose dominadora do esférico aínda que sen chegadas de perigo. Pola súa banda, o Castriz tentaba poñer en apuros a meta de Álex a balón parado, dada a súa maior envergadura. A primeira opción clara de abrir o marcador corría a cargo da Esteirana, nun disparo de Manu de Yi que rexeita o meta xalleiro, quedándolle o balón a Íker que non consigue acertar coa portería, marchándose o seu remate alto. Pouco despois, nunha xogada por banda dereita, o tiro cruzado de Pachín sería rexeitado por Víctor, pero esta vez Íker non perdoaría, cazando o rexeite e poñendo o 0-1 no marcador. Tivo o Castriz a oportunidade de anotalo empate, pero Álex salía airoso dun man a man co atacante "rossonero". Na segunda metade, saía forte a Esteirana, coa firme intención de aumentala vantaxa, e cedo chegaría o 0-2 obra de Manu de Yi de tiro cruzado. Acto seguido chegaba a xogada polémica do encontro, Áxel internábase na área e era derrubado, protestando os visitantes como claro penalti, pero o colexiado non decretou a pena máxima. A partir de aí, o Castriz comezaba a facerse co dominio do balón e a acercarse a área esteirán con perigo. Recurtaba distancias o Castriz por medio de Martín, que anotaba de forte tiro cruzado. Puido empatar o Castriz, pero novamente Álex de Yi salvaba ós seus nunha magnífica parada nun novo man a man. A Esteirana non quería deixar escapar o partido, e nunha xogada por banda esquerda, un centro ó segundo pau era interceptado por Víctor, pero o balón escapoulle das mans e Manu de Yi, moi atento, aumentaba a diferencia no taboleiro. Pero pouco tardou en reaccionar o Castriz, e Adrián volvía deixar a diferencia nun gol, ó aproveitar un balón morto na área tras un saque de esquina. Minutos máis tarde volvía a producirse un novo man a man, pero esta vez era Tiki, que entrara en sustitución de Álex de Yi, o que salvaba o empate. Eran minutos de agobio para unha Esteirana moi cansa, que vía como o Castriz poñía cerco a súa meta. A insistencia do Castriz tiña recompensa a falla de dez minutos, logo de aproveitar Adrián unha indecisión da zaga visitante, batindo por riba a Tiki que se quedou a media saída. Os xalleiros querían acadar os tres puntos e continuaban o seu asedio, pero a pouco do final foi a Esteirana quen tivo a máis clara para levarse o partido, nunha xogada pola dereita, un centro raso de Manu de Yi, era rematado por Carajillo, que con Victor xa batido, estrela o balón na espalda do defensa, salvando o gol baixo paus. Partido con dúas partes moi diferenciadas, cunha metade para cada un, donde o Castriz estivo a piques de culminala remontada.

Liga Xuvenil Norte, xornada 10

Baio - Coristanco (0-2)

Xuvenis do Baio no Platas Reinoso

Baio: Julián, Queiro (Ayoub, m.55), Álex F., Michi, Fran G., Sergio, Javier Muíño (Alberto, m.60), Cristian, Luís Eiroa, Regueira (S. Moreira, m.55) e Anxo.
Coristanco: Alberto, Varela, Jorge (Carlos, m.75), Álvaro; Adrián (Dani, m.60), Corral, Chiki (Suso, m.80), Iván Villar (Bértoa, m.46), Sergio (Iván Vázquez, m.70); Gabriel e Anido.
Goles: 0-1, m.65: Bértoa de penalti; 0-2 m.80: Anido de cabeza.

Superioridade verde no Platas Reinoso Sorprendeu o Coristanco no Pratas Reinoso ante un Baio que estaba facendo moim bos partidos. Pero os de Chipi sacaron unha xusta vitoria ante o equipo de Julio Vila. Era un dos partidos máis atractivos e igualados da xornada, pero non cumpriu as espectactivas dos afeccionados. Saíron os dous equipos con pouco ritmo na primeira parte e con un xogo aburrido, cheo de imprecisións e malas prestacións. Ningún dos dous equipos acertaba a aproximarse con vantaxe a zonas de finalizacion. Na segunda parte, máis do mesmo: mal xogo, erros continuos… Aínda así, conseguiu poñerse por diante o equipo visitante cun gol de penalti. A partir de aí, se xa os locais non tiñan a súa tarde, empeorou máis a súa situación, xa que ao mal xogo sumaron as presas. A SD Coristanco con vantaxe e a confianza que o gol lle dou, asentouse mellor no campo e só era cuestión de tempo que sentenciasen o marcador con outro gol xa nos minutos finais. Ca vitoria destes e ca derrota do Corme estreitase a loita pola terceira praza que da acceso a fase de ascenso e que se presenta emocionante, de cara a seu final.

Camariñas - Muxía (6-2)

Camariñas: Brais B., Barreiro, Miguel, Brais, Facundo, Chicote, Pablo Suarez, Joseba, Gabriel (Espi, m.50), Álvaro (Pifo, m.65 ) e Adrián (Juanito min.89)
Muxía: Gusa, Iván, Rodri, Santi, Rubén (Jesús, m.72), Juan, Cristian, Álex (Xan, m.55), Mario, Jose e Ánder (Andrés, m.46).
Goles: 0-1, m.30: Mario; 1-1, m.42: Álvaro; 2-1, m.68: Espi; 3-1, m.70: Adrián; 3-2, m.81: Jose; 4-2, m.82: Adrián; 5-2, m.87: Adrián; 6-2, m.89: Miguel.

Aguantou o Muxía… pero apareceu Adrián

Adrian marca goles comarea para o Camarinas xuvenil

Adrián marca goles "comarea" para o Camariñas xuvenil Non reflexa o resultado o visto no campo. O Muxía, dirixido esta semana por Conguito, aguantou 80 minutos metido no partido, con opcións, despois mesmo de adiantarse no marcador. Pero tivo problemas coas lesións e mesmo o porteiro Gusa tivo que colocarse no centro da zaga cando o central Rubén se lesionaba. Aí aínda marcaba Jose o 3-2 a falta de 10 minutos metendo ao Muxía de cheo no partido, dspois de que o reaparecido Espi nas filas dos de Javi Baña ampliase a renda. Pero apareceu a nova "besta" camariñá, que colle o relevo dun Javi que agora marca e marca na Liga galega. Nada menos que 11 goles en 10 partidos leva Adrián…

Corme - Ponteceso (0-6)

O Ponteceso gañou o derbi no Cairo

Corme: Fran, Ángel, Aitor, Cris, Bruno, Eloy, Isaac, Manu Bermúdez, Kike, Javi e Trully. Tamén xogaron: Pandi, Isma, Ian, Rubén e Martín.
Ponteceso: Damian, Adrián (Lucas), Chema, Jorge, Villar, Alberto, Luca, Cacha, (Gabry), Eloy (Busto), Aday (Feliciano) e Jose Ángel (Loureiro).
Goles: 0-1, m.44: Eloi marca un golazo de falta; 0-2, m.46: José Ángel tras unha boa xogada de Eloy; 0-3, m.57: Aday de rexeite; 0-4, m.65: Jorge de cabeza e a empalma Loureiro; 0-5, m.71: Aday culmina unha xogada de todo o equipo; 0-6, m.75: Alberto de falta.
Lesión: o central pontecesán Villar sufriu unha escordadura de nocello e xa ten o xeso posto.

Vitoria para Samuel e Yago Adícalle esta vitoria o cadro pontecesán aos seus compañeiros Samuel, operado de ligamentos, e a Yago que o operaron esta semana de apendicitis. Un Ponteceso que vai como unha moto, e que tivo que sufrir para solventar o partido. Aguantou o Corme a primeira metade, e só ao fío do descanso, e cunha fermosa falta que demostra a calidade dos de Fernando, o equipo visitante conseguía adiantarse. Un Ponteceso moi firme, con Luca, Cacha e Alberto combinando ben no medio, e unha defensa que só permitiu un par de boas contras dun serio Corme, que se desplomou tralo terceiro tanto aos 12 da segunda.

Cabana - Porteño (4-0)

Cabana: Diego, Kevin (Reigía), Pipa, Ferreiro, Bieito (Martín), Mateo, Julián, Carlos, Alberto, Nando (Álex López) e Álex Lema (Darío).
Porteño: Álex (Pablo, m.82), Raúl (Fabio, m.58), Oli, Toxo, Manuel, Álvaro, Josiño, Matías (Rubén, m.80), Antonio, Porto e Martín (Conde, m.65).
Goles: 1-0, m.17: Alberto de forte disparo tras xogada individual súa; 2-0, m.32: Ferreiro tras un saque de banda posto moi ben por Reigía; 3-0, m.35: Álex López rematando moi ben un córner botado por Julián; 4-0, m.82: Dani Reigía de forte disparo de 35 metros.

Serio e eficaz Cabana Sen demasiados "aspaventos" mantivo o Cabana os puntos nas Redondas, nun partido moi serio do lado local. Aguantou o Porteño a primeira metade, pero o Cabana metíase cun inxusto 0-2, a pesar do bo traballo defensivo visitante. Os cabaneses non puideron resolver definitivamente ata o último cuarto de hora de partido, xa co Porteño arriscando algo máis e vendendo cara a súa pel. [fbvideo link="https://www.facebook.com/cabana.soc.dep/videos/508695589305774/" width="650" height="400" onlyvideo="1"]