Xuvenís: Cabana e San Lorenzo amosan as súas credenciais

15:09 31/10/17

Bo ambiente en Verdillo para o derbi xuvenil Varios partidos interesantes tivo esta xornada, pero o máis destacado puido ser o Esteirana - Corme, un duelo entre perseguidores que deixa aos cormeláns na 2ª praza na que foi a segunda derrota (e consecutiva) do cadro blaugrana. Por arriba, o Fisterra non fallou en Muros, mentres que Cabana e San Lorenzo xa seguen amosando as súas credenciais. De feito, Cabana e San Lorenzo son os equipos máis en forma, ademais, comoo non, do intratable líder, o Fisterra. 4 vitorias seguidas manteñen ao Fisterra líder en solitario, con 25 puntos, 4 máis que Corme e San Lorenzo (tamén 4 vitorias seguidas) e a 5 do Cabana (4 vitorais e 1 empate nos últimos 5 partidos). A Esteirana completa o póker de perseguidores a pesar da derrota. Un chanzo máis abaixo, o Outes para a progresión dun Ponteceso tremendamente irregular, capaz de vencer a toda unha Esteirana ou ao Corme, e caer co Corcubión ou o propio cadro da Serra, ambos na zona media-baixa. E pola zona baixa, xa só queda o Xallas sen estrear o taboleiro de vitorias, tras caer ante o Camariñas, na que foi a primeira vitoria dos de Saviola. Ollo que mañá mércores 2 de novembro, nova xornada…

Outes - Ponteceso (2-0)

Outes: Antón, Fabián, Joel, Alberto, Cartucho (Fabio, m.52), Ryan, Nico, Alberto (Ángel, m.59), Boris, Canoa e Fran.
Ponteceso: Isaac, Brais, Raúl, Aarón, Jorge, Luca, David Velo, Josiño, Loureiro, Iván Rodríguez e Anido. Tamén: Pop: Damián, Mussi, Manu Cancela e Adrián.
Goles: 1-0, m.29: Ryan; 2-0, m.89: Ryan.

Tivo a sorte de cara desta volta o equipo de Lodeiro e Claudino, e puido batir a un Ponteceso tremendamente irregular. Mesmo dentro do partido tivo varias caras, pois comezaban moi ben os de Gurita, tendo moitas ocasións e con ata tres balóns ao longueiro e dous remates dentro da área pequena que non foron capaces de certificar. Si que tivo acerto, e aí estivo a chave do partido, Ryan. Nunha das primeiras chegadas dos locais, metería por diante aos da Serra. Na segunda, o guión foi semellante, cun Ponteceso mandón, incisivo pero sen acerto ningún. Estivo metido do partido practicamente ata o pitido final, cun claro protagonista: o meta outiense Antón. Nunha contra, xa co tempo cumplido, Ryan facía a sentenza.

Coristanco - Soneira (6-3)

Coristanco: Cancela, Varela, Sebas, Cambón, Iago, Dani, Adrián RR, Braian, Black, Castro e Fran. Tamén: Borja, Álvaro, Esteban, Cristián e Raúl.
Soneira: Christian, Damián, Esteban, Ángel, Raúl, Castro, Sergio, Fran Moreira, Lucas, Nico, e Brais Pereira. Tamén: Alex, Sebas, Edgar, Brais Blanco e Cristian Canosa.
Goles: 1-0, m.4: Cambón; 1-1, m.20: Brais Pereira de penalti; 2-1, m.31: Braian; 2-2, m.44: Fran Moreira; 3-2, m.53: Fran; 4-2, m.60: Fran; 5-2, m.65: Fran de penalti; 6-2, m.68: Castro de penalti; 6-3, m.73: Fran Moreira.

Partido disputado na rocheira donde se enfrontaban 2 equipos por colocarse na 6ª posición. Empezou o choque sen dominador claro pero rapidamente se adiantaba o cadro de Eloy, cun tiro de Cambón que dá no longueiro, rebota na cabeza do meta soneirán e entra. A primeira metade foi unha fermosa batalla, cun Coristanco algo máis arriba e un Soneira que saía moi ben á contra. Así chegaba o empate para os de Roland e Pichón, tras un penalti, protestado polos locais, sobre Fran moreira que non perdoa Brais. Braian respondía para os locais aproveitando un rexeite do meta local pero xusto antes do descanso Fran Moreira empata coa axuda do meta coristanqués. Saíu moito mellor o Coristanco na segunda metade, e tivo en Fran o seu protagonista completasndo un triplete en apenas 15 minutos, que pecharon o partido.

Os Miúdos - Fisterra (2-4)

Os Miúdos: Alberto, Xian, Gesto, Isma (Flavio), Dani (Xakín), Abel, Josiño (Rubén), Gael, Riomao (Ismiña), Ángel (Xabi) e Javi Sieira (Ángel).
Fisterra: Jose Carlos, Diego (Rui, m.46), Sergio (Manu, m.30), Ángel, Gabi, Ezequiel, Pochino, Miguel, Iván (Isaac, m.46), Dani (Benlloch, m.70) e Aarón (Puyol, m.80).
Goles: 1-0, m1: Gael; 2-0, m.50: Rubén; 2-1, m.71: Pichino; 2-2, m.75: Aarón; 2-3, m.82: Isaac, 2-4, m.88: Isaac.

Clave foi a saída de Isaac na segunda metade, un xogador fundamental para os de Pablo Lestón que reaparecía tras unha lesión. E con 2-0 abaixo, o equipo fisterrán foi quen de remontar e levar os puntos do Eleuterio Balayo. En fronte tivo un equipo moi intenso. O equipo de Fernando Silva e Manu Camello gañaba cada balñon dividido, cada segunda xogada. Ademais tivo a fortuna de cara e na primeira xogada marcaba Gael. Mellor pintaban as cousas ao comezo da segunda cando Rubén facía o segundo para os locais. Pero ese tanto serviu para espertar aos fisterráns, que seguían durmidos ao sáir dos vestarios. Sacou o “nervio” o cadro verde, e fixo unha última media hora tremenda. 4 goles, dous de Isaac, demostrando a calidade do líder. Como apuntamento, técnicos dos clubs entenden que o colexiado puido ter algo máis de consideración e non obrigar aos xogadores do banquiño a poñer unha sudadera por riba da camiseta de xogar, tendo case que 30º no Eleuterio Balayo.

Laxe - Muxía (10-2)

Laxe: Pablo, Valentín, Bruno, Borja, Edu, Juan, Bieito, Miguel, Íñigo, Álvaro, e Santi Casas. Tamén Iván, Ramos, Samu, Kike e Iago.
Muxía: Liñeiro (Pablo, m.46), Roi (Martín, m.40), Marce, Cheo, Vilela, Damián, Xan, Evaristo, Raúl, Mario e Lolo (Fidalgo, m.70).
Goles: Santi Casas (5), Bieito, Enrique, Ramos (2), Fabián e un en propia meta para o Laxe. Evaristo para o Muxía.

Resultado moi abultado que non reflexa a diferencia entre un equipo e outro. Empezouse adiantando o Muxía pero os numerosos erros defensivos condenárono a chegar o descanso con un marcador de 7-1 (5 de Santi Casas…) con 5 goles nos ultimos 10 minutos do primeiro tempo.

Sofán - San Lorenzo (0-3)

Sofán: Christian, Alberto, Diego Pallas, Juan Bello, Nacho Eirís, Dani Padín, Eloy Cabeza, Simón, Sergio García, Aarón e David López. Tamén: Artom, Sergio Pombo, Alex Fidalgo, Docampo e Adrián.
San Lorenzo: Benjamín, Fidi (Esteban, m.70), Eloy, Álex Fernández, Fidalgo, Pablo, Ivito (Martín, m.55), Jose, Alberto (Álex Rodríguez, m.60), Aarón (Brais, m.55) e Iván Cancela.
Goles: 1-0, m.14: Jose; 2-0, m.20: Iván Cancela; 3-0, m.86: Álex Rodríguez.

Derbi no que os dous saíron con moita intensidade e intentando unha presión adiantada que provocou unha primeira parte (sobretodo) moi vistosa, dun choque máis igualado do que indica o marcador final. Estaba o choque igualado cando Jose lanza unha falta directa dende 45 m que se cola coa axuda do porteiro local. Pouco despois Iván Cancela anticípase a un saque do porteiro ós centráis e define para poñer o segundo. Dous regalos e clara vantaxe para o equipo de Juni cando só ían 20 minutos de partido. O cadro de Verdillo controlou ata o descanso a posesión, ante unha SD que intentaba saír máis vertical pero que non tiña claridade na definición. A segunda metade foi igual de tensa pero máis aburrida, con continuos cortes no xogo, e unha SD que o intentou ata o final, e que deixa satisfeito ao seu míster, Javier Cabeza. Pola súa banda, o San Lorenzo vai asomando a cabeza pola zona alta trala súa 4ª vitoria consecutiva.

Baio - Cabana (1-2)

Baio: Julián, Jose (Damián, m.63), Queiro, Pablo Queiro, Iago; Sergio, Dylan, Santi (Raúl, m.67); Mohedano, Anxo e Regueira (Manuel María, m.83).
Cabana: Roberto, Samuel (Breo), Pipa, Dani, Rubén (Nando), Alberto, Yago (López), Castro (David), Simón, Manuel (Pablo Villar) e Cristian.
Goles: 1-0, m.28: Anxo; 1-1, m.52: Christian a centro de Manuel; 1-2, m.73: Simón.

Igualadísimo partido que lle custou sacar adiante a un Cabana que pasa por ser o equipo máis en forma da categoría. Comezou o Baio moito máis metido no partido, ben armado atrás e buscando a velocidade de Anxo que era un pesadelo para a defensa cabanesa. O Cabana, moi precipitado, non conseguía chegar máis que en dúas ocasións de Rubén e Yago. Comezaba o Baio tamén ben intenso na segunda e a piques estivo de chegar o segundo (Damián fallou practicamente baixo paus e José non atinou nun cóner), pero pronto empataría o Cabana, que xa facía algo máis de perigo polas bandas. O propio autor do gol, Christian, era expulsado pouco despois tras empurrar ao contrario despois de recibir unha dura falta, mentres os cabaneses pedían unn penalti a Castro. Quedaba pouco menos de media hora e o partido estaba moi aberto. Con máis respecto por ambos bandos, chegaría a ocasión para o cadro visitante, cun balón longo que Simón aproveita cunha fermosa vaselina chea de calidade. Intentou o Baio empatar, pero non tivo ocasións claras ante a fantástica defensa cabanesa, a pesar de ter un home menos.

Esteirana - Corme (3-4)

Esteirana: Dani Lago, Kevin, David Neira, David Pais, Fari, Carajillo, Solís, Rodri, Xián, Juanili e Adri. Tamén: Sergio, Íker, Rubén, Alex de Yi e Joaquín.
Corme: Lucas, Pandi, Brais, Eloy Villar, Javi Bermúdez, Mauro, Manu Garrido, Manu Tasende, Manu Bermúdez, Samu e Aitor. Tamén: Alex Mato, Miguel, Martín e Teray.
Goles: 1-0, m..6: Carajillo; 2-0, m.22: Solís; 2-1, m.24: Manu Bermúdez; 2-2, m.25: Samu; 3-2, m.32: Juanili; 3-3, m.40: Manu Bermúdez; 3-4, m.80: Manu Tasende.

Partidazo, o partido da semana. Foi un choque limpo, pero moi intenso, o que o cadro local meteuse ata 3 veces por diante, e o cadro cormelán conseguiu remontar unha e outra vez. Comezaba o choque moi igualado, co cadro de Josiño Alves entonado e anotando pronto dous tantos. Pero nad máis marcar Solís o segundo, un rexeite e un tiro lonxano empataban o partido para o Corme en apenas 1 minuto. Volvía percutir o equipo local cun bo tiro de Juan, pero un corner permitía que Manu Bermúdez empatase de novo o choque. Cambiou o panorama na segunda. A Esteirana desapareceu, non daba 3 pases seguidos, mentres o Corme dominaba completamente o xogo. Aínda máis cando un xogador esteirán era expulsado por parar dúas contras, e xa no treito final, un balón colgado non foi ben medido polo meta Dani e Manu Tasende facía o gol da vitoria para os cormeláns.

Camariñas - Xallas (2-0)

Camariñas: Mohamed; Facundo, Manuel, Gabriel, Anxo; Eric, Fran, Joseba, Cibrán (Luís, m.55), Mario (Hugo, m.75) e Adrián Bardanca.
Xallas: Fabián, Nando, Pablo, Dani (Pablo), Héitor (Brais), Peke, Brais (Calo), Adrián, Guillín, Kevin e Fabián.
Goles: 1-0, m.42: Adrián Bardanca; 2-0, m.80: Luís.

Os Xuvenis do Camariñas adicaron a súa vitoria a dous compañeiros Primeira vitoria do Camariñas de Saviola. Unha vitoria dedicada a dous xogadores: Juanito e Cristian. O primeiro marchou para Canarias, mentres que o segundo rompeu os ligamentos o pasado mércores nun adestramento. Pola súa banda, o Xallas de Juan Prado segue en proceso de formación pero vai recuperando efectivos, e buscará estrear o taboleiro de puntos o máis pronto posible. O choque estivo igualado ata o minuto 20. A partir de aí, e coas cabalgadas de Adrián Bardanca como protagonista, o cadro local comezou a apretar, facendo moito dano con balóns ás costas da defensa. O propio Adrián abría o marcador antes do descanso a un pase longo de Facundo. Na segunda o Xallas apretou a base de centros, pero non estivo para nada acertado, e á contra, Luís marcou o segundo a 10 para o final.