O Cee venceu a un Coristanco con moitas baixas e aproveitou o empate das Pedreiras-Foto-Sergio Cambeiro A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook Segue ben fermosa esta Liguilla Previa á Fase de Ascenso á Liga Galega Xuvenil. Parece que 4 equipos pelexarán a tope polas dúas prazas que dan acceso á fase de ascenso, se ben é certo que Coristanco e Outes van pelexar cada partido como se fose a final da Copa. O Cee volve mandar na táboa tras vencer aos coristanqueses, aproveitando o empate das Pedreiras en Ponteceso. Un empate que sabe ben aos de Verdillo, e non tanto aos pontecesáns, porque foi acadado no min.92, e que evita que o Ponteceso se meta máis arribca, qeudando aínda a 4 puntos da 2ª praza. Ademais, o Xallas segue perfectamente metido na pelexa tras vencer, non sen apuros, ao Outes no Cunchido. Había parón na Liguilla copeira, polo que só se xogou un partido, o atrasado a semana pasada pola desfeita do temporal nas Redondas.  

Liguilla Previa á Fase de Ascenso á Liga Galega, xornada 4

  Outes - Xallas (4-5)

• Campo: Cunchido
• Outes: Álex (Siro), Alberto, Joel, Álvaro, Adrián, Fabio, Simón, Saúl, Adán, Sergio e Fran (Sergio Nieto).
• Xallas: Coke, Raúl, Chiki, Alberto, Pablo, Carlos (Martín), Fran (Manu), Juanjo, Rachón, Grille (Brais), Rieiro (Mosti).
• Goles: 0-1, m.10: Alberto; 0-2, m.18: Chiki; 0-3, m.26: Rachón: 1-3, m.40: Simón de cabeza ao saque dunha falta; 1-4, m.60: Fran; 2-4, m.65: Adán de penalti; 2-5, m.70: Rieiro; 3-5, m.75: Adán de penalti; 4-5, m.85: Adán desde fóra da área.
• Expulsión: Coke (m.65).

Estrano partido, cheo de goles o vivido no Cunchido. Parecía que ía ser do máis tranquilo cando aos 35 minutos o cadro verde mandaba por 0-3. Pero antes do descanso recurtaba o Outes, qye se metía no partido. Comezaba a segunda metade, máis igualada e o Xallas volvía ampliar a renda, pero un penalti e a expulsión do porteiro Coke cambiaría o rumbo do partido. Era o capi Rachón o que se metía baixo paus. Intercambio de golpes, e se Manu tivo un par para sentenciar o Outes fixo sufrir ao cadro xalleiro ata o pitido final acosando e meténdoo na súa área. Chegaron o 3º e o 4º, pero non deu chegado o empate.   Cee - Coristanco (3-1)

• Campo: San Paio de Refoxos.
• Cee: Carlos, Borja, Rubén Selle, Hugo, Chema, Rubén Castillo, Alex Agulleiro, Jon, Isma, Samu e Pablo Tamén: Adrián, Brais Lagoa e Xabi.
• Coristanco: Alberto, Cristián, Álvaro, Iago, Sergio, Dani, RR, Carlos, Jose, Álex e Iván. Tamén xogaron: Pombo, Esteban, Eloy e Alexandre.
• Goles: 1-0, m.51: Jon; 2-0, m.61: Pablo; 3-0, m.88: Brais Lagoa; 3-1, m.89: Sergio.

Foto-Sergio Cambeiro Con moitas baixas significativas chegaba o Coristanco de Eloy a Cee. Varios cadetes e varios porteiros na convocatoria puñan a cousa moi complicada para os visitantes. Así e todo, os visitantes aguantaron a primeira metade, nuns primeiros 45 minutos bastantes bruscos nos que a veteranía ceense intentaba sobrepoñer a boa defensa verde. O Cee tiña boas ocasións pero non acertaba e o Coristanco sacaba poucas contras pero avisaba a balón parado, como un tiro preto da escuadra de Dani. Na segunda metade foron baixando as defensas dos visitantes (aínda tiveron novas lesións), e aproveitou o Cee o seu baixón. Marcaron pronto Jon e Pablo, pechando aos coristanqueses no seu campo, e marcando o terceiro por insistencia. Sergio faría o gol de honra xa co tempo cumplido, nun choque que deixa ao Cee coas opcións intactas e ao Coristanco tocado e impotente, pero demostrando que ten garra abonda. Jon marcou un tanto-Foto-Sergio Cambeiro   Ponteceso - As Pedreiras (2-2)

• Campo: Pinguel.
• Ponteceso: Damián, Luca, Iván Cousillas, Samu, Jorge, Ismail, Brais, Aarón, Eloy, Aday e Iván Rod. Tamén: Lucas, Loureiro, Pop, David Velo e Arturo.
• As Pedreiras: Benjamín, Fidalgo, Alex, Andrade, Aarón, Eloy, Iván, Jose, Yago, David e Brais. Tamén: Dani Cotelo, Ángel, Alberto e Diego.
• Goles: 0-1, m.16: David; 1-1, m.66: Aarón de falta; 2-1, m.74: Aarón nun córner; 2-2, m.90: David.

Partido aburrido o xogado no Pinguel, con demasiado balón arriba, e pouco balón xogado. O Ponteceso facía dano a balón parado, pero non era quen de combinar como acostuma ante un cadro das Pedreiras que mantivo ben as liñas, pero que tampouco era quen de propoñer nada de fútbol. Comezaba gañando o cadro visitante nunha primeira metade tan sosa como igualada. Á volta do descanso os visitantes pediron dúas expulsións cando Jorge e Ismail facían dáus faltas xa co tarxeta, que o colexiado non viu suficientes para levar a segunda. Estaba mellor e íase metendo máis arriba o cadro de Gurita nesa segunda metade, e consegue darlle a volta ao marcador con dous tantos de Aarón a balón parado. Quedaba pouco e Rudi adianta liñas, deixa 3 atrás e consegue chegar á liña de fondo, algo que non conseguira na segunda metade. Xa co tempo cumplido, os visitantes conseguen un empate ante un Ponteceso que contaba cos 3 puntos e que quedaba con mal sabor de boca, a pesar de que os de Verdillo aínda pediron un penalti no desconto.  

Liguilla copeira, grupo 3, xornada 2

  Cabana - Os Miúdos (6-0)

• Campo: As Redondas.
• Cabana: Darío, Fernando (Yago), Rubén, Gende (Kevin), Alex López (David), Breo, Diego Castro (Simón), Julián, Ferreiro, Alberto, Álex Lema (Roberto).
• Os Miúdos: Gabri, Chema, Isma, Xian, Jose, Xavi, Miguel, Flavio, Tajes, Gael e Gesto. Tamén: Verán, Bruno, Raúl e Fran.
• Goles: 1-0, m.2: Diego Castro en xogada persoal; 2-0, m.14: Alberto de falta coa axuda dun defensa; 3-0, m.38: Fernando tras varios rexeites; 4-0, m.73: Simón nunha xogada de auténtico dianteiro tras un gran centro de Kevin; 5-0, m.80: Alberto de xogada persoal; 6-0, m.86: Kevin entrando por banda.

Foto-SD Cabana Partido aprazado a pasada semana polos desperfectos do temporal nas Redondas. E esta semana foi o frío o que conxelou, sobre todo, aos muradáns, ante un Cabana que fixo un partido case perfecto. Dende o porteiro ata o dianteiro estiveron serios en defensa, impedindo que os de Manu Camello fixesen dano, e relaxados co balón e acertados arriba para concretar o festival de goles.  

Novas relacionadas

• O coristanqués Castro, pichichis das Liga Xuvenís.
• O Fútbol da Costa encheu o Eleuterio Balayo para disfrutar da Selección Xuvenil.

Crónicas das Ligas Xuvenís

• X.3 (2ª fase): As Pedreiras frea ao Cee.
• X.2 (2ª fase): O Cee segue sorprendendo.
• X.1 (2ª fase): Un gol de diferencia.
• X.18: O Outes meteuse na Liguilla dos campións.
• X.17: Cee e Ponteceso celebran os primeiros títulos do curso.
• X.15: Só dúas loitas pendentes.
• X.14: Esteirana, Outes e Corme perderon o barco dos 5 de arriba.
• X.13: O repóker de ases.
• X.12: Contra vento e marea.
• X.11: Non fallou ningún.
• X.10: Ferve o Norte.
• X.9: O Coristanco tamén quere gloria.
• X.8: Cee e San Lorenzo quedan sós.
• X.7: O Coristanco mantén o pulso de San Lorenzo, Xallas e Cee.
• X.6: 5 equipos invictos.
• X.5: O San Lorenzo vai en serio.
• X.4: Collendo posicións.
• X.3: O heroe inesperado.
• X.2: O primeiro derbi da historia carballesa.
• X.1: O San Lorenzo estrea As Pedreiras con goleada.

 

Máis información

• www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.