Primeira derrota da tempada da Esteirana no Pinguel ante un Ponteceso que parece que vaise metendo en competición, pero aínda lonxe dos postos de cabeza. Unha cabeza que comanda agora o Fisterra, que segue ao seu tras vencer ao Camariñas. Por detrás, Corme e San Lorenzo tamén veñen moi fortes, destacando tamén o papel dun Cabana moi mellorado.

Por abaixo, primeira vitoria do Muxía, quedando só o Xallas sen estrear o taboleiro de puntos.

Ollo á táboa de goleadores cando levamos 9 xornadas…

O xogador do Sofán David López Ruibal está pichichi da Liga Xuvenil

• David López (Sofán): 20 goles
• Castro (Coristanco): 14 goles.
• Santi Casas (Laxe): 13 goles.
• Fran Moreira (Soneira): 12 goles.
• Samuel Costa (Corme): 10 goles.
• Simó Collazo (Cabana): 10 goles.
• Carajillo (Esteirana): 10 goles.
• Saulo Pose (Corcubión): 9 goles.
• Anxo Viguerete (Baio): 8 goles.
• Jaime García (Esteirana): 8 goles.
• Aarón Lobelos (Fisterra): 8 goles.

 

Muxía - Outes (3-1)

• Muxía: Liñeiro, Roi, Marce, Cheo, Vilela, Louzán, Xan, Evaristo, Raúl, Pablo (Mario) e Rodri.
• Outes: Antón, Fabián, Christian, Joel, Cartucho, Ryan (Siro, m.72), Marta, Alberto, Rubén, Ángel e Canoa.
• Goles: 1-0, m.55: en propia; 1-1, m.65: Canoa; 2-1, m.72: Evaristo; 3-1, m.81: Mario.

Continúa a mala serie de partidos do equipo da Serra (aínda en proceso de recuperación de efectivos), que permitiu que o Muxía sumase a súa primeira vitoria da temporada. Os de Romaní foron superiores, a pesar de comezar con moitos nervios.

Comezou adiantándose o Muxía con fortuna cun gol en propia meta á saída dun córner. Pero o Outes reaccionaba e empataba pronto. Foi nos últimos 15 minutos nos que o Muxía atopou o premio cun par de boas xogadas á contra que deixaron os puntos no novo Arliña.

 

Fisterra - Camariñas (6-3)

• Fisterra: J. Carlos, Sergio, Rui, Ángel (Puyol, m.70), Diego (Benlloch, m.46), Pichino, Manu, Miguel (Juanfran, m.65), Iván (Ezequiel, m.80), Dani e Aarón.
• Camariñas: Sergio; Facundo, Brais, Eric, Anxo; Joseba, Juanito (Manuel, m.55), Fran, Cristian, Mario e Adrián Bardanca.
• Goles: Iván Escarís (3), Aarón (2) e Marcote para o Fisterra. Adrián Bardanca (3) para o Camariñas.

Con apenas 12 xogadores se presentaba o Camariñas de Saviola ante un dos líderes. E comezaron gañando cun gol de Adrián Bardanca de penalti, e durante os primeiros 20 minutos aproveitaron que os fisterráns saíron moi confiados e crearon perigo en varias contras.

Tardou en entrar, pero entrou no partido o cadro de Pablo Lestón, que ao descanso xa mandaba por 4-1 gracias á aparición de Iván Escarís, cadete de primeiro ano, que fixo 3 goles no primeiro tempo e foi o mellor do partido.

Na segunda controlou máis o partido o Fisterra ata que marcaron o 6º e así volveron pecar de exceso de relaxación que lle permitiu a Adrián Bardanca sumar un triplete.

 

Soneira - Laxe (4-2)

• Soneira: Christian, Esteban, Ángel, Raúl, Pablo Castro, Alex, Fran Moreira, Sebas, Nico, Brais e Cristian Canosa. Tamén: Damián, Sergio, Lucas, Edgar e Santi.
• Laxe: Pablo,, Borja, Julián, Juanili, Edu, Álvaro, Iago, Miguel, Íñigo, Valentín, Santi Casas. Tamén: Iván e Jesús.
• Goles: 0-1, m.23: Santi Casas; 1-1, m.35: Brais de penalti; 1-2, m.61: Santi Casas; 2-2, m.63: Sergio; 3-2, m.73: Sergio; 4-2, m.89: Edgar de penalti.

Bo partido, con alternativas o vivido en Vimianzo, cun Laxe que se sobrepuña ás baixas e comezaba pegando primeiro, como non da man de Santi Casas. O Soneira, fiel á súaidea de fútbol combinativo, controlaba o esférico pero sen demasiada produnfidade. Pouco a pouco íase metendo no partido e a primeira pena máxima da tarde permitíanlle empatar aos soneiráns.

Santi Casas, moi vixiado polos locais (e ás veces parado en falta segundo os visitantes), repetía o guión na segunda metendo por diante aos de Dani Argüelles e Martín Carrabete, pero un doblete de Sergio permitía a remontada dos de Roland e Pichón. Fran Moreira desperdiciaba dúas ocasións de gol moi boas pero o Laxe estivo metido no partido ata o pitido final, cando sentenciaba Edgar de novo dende os 11 metros.

 

Corme - Corcubión (5-1)

• Corme: Lucas, Pandi; Brais, Aitor, Eloy Villar, Javi Bermúdez, Mauro, Manu Garrido, Alex Mato, Manu Bermúdez e Manu Tasende. Tamén: Noel, Ángel, Roque, Miguel e Martín.
• Corcubión: Marcos, Alex Agulleiro, Antonio, Xulián, Hugo, Jon, Luís Lojo, Sauelo, Sergio, Carlos e Brais. Tamén: Nico e Abel.
• Goles: 1-0, m.5: Manu Tasende; 2-0, m.16: Alex Mato; 3-0, m.22: Manu Bermúdez; 3-1, m.38: Brais Lagoa; 4-1, m.50: Manu Bermúdez; 5-1, m.75: Manu Bermúdez.

Deu para pouco a visita do Corcubión a Corme, pois os locais xa mandaban 3-0 en apenas 20 minutos. Parecía que se emtían no partido os de Carlos Lema antes do descanso co gol de Lagoa, pero Manu Bermúez ocupouse de sentenciar nada máis comezar a segunda metade para os de Lelo.

 

Cabana - Sofán (4-2)

• Cabana: Roberto (Marcos), López (David), Pipa, Dani, Rubén, Alberto, Castro, Breo, Simón (Pablo Villar), Manuel (Samuel) e Yago (Pablo Aldao).
• Sofán: Artom, Alberto, Alejandro, Juan Bello, Nacho Eirís, Aarón, Eloy Cabeza, Diego, Sergio García, Nacho Moreno e David López. Tamén: Sergio, Christian, Simón, Padín e Docampo.
• Goles: 1-0, m.9: Manuel aproveita un erro da defensa; 2-0,m .18: Simón marca un golazo tras unha boa xogada colectiva; 3-0, m.40: Rubén de centro chut; 4-0, m.42: Manuel aproveita outro erro; 4-1, m.71: Sergio; 4-2, m.73: David López.

Media hora de completo dominio cabanés foi suficiente para finiquitar o choque. Os de Fernando saíron moi enchufados, e aproveitaron os erros dos visitantes durante a primeira metade para marchar cun clarísimo 4-0.

Os de Javier Cabeza cambiaron a actitude na segunda metade, metendo ao Cabana no seu campo, reducindo distancias e mesmo metendo medo no cadro cabanés.

O Cabana celebrou a vitoria  

San Lorenzo - Coristanco (4-2)

• San Lorenzo: Darío, Fidi, Eloy, Álex Fernández, Fidalgo (Esteban, m.70), Pablo, Martín (Ivito, m.55), Jose, Álex Rodríguez (Brais, m.60), Aarón (Alberto, m.65) e Iván Cancela (Cotelo, m.80).
• Coristanco: Cancela, Esteban, Cambón, Sebas, Varela, Dani, Rr, Braian, Castro, Black e Fran. Tamén: Arturo, Álvaro, Cristian, Iago e Ezequiel.
• Goles: 1-0, m.20: Iván Cancela nun tiro case sen ángulo que se colou pola escadra; 1-1, m.41: Braian de cabeza nun córner; 1-2, m.43: Braian de cabeza nun córner; 2-2, m.48: Martín; 3-2, m.54: Álex Fernández; 4-2, m.83: Cotelo cun lanzamento dende 45 metros.

Partidazo entre dous equipos que buscaron a vitoria en todo momento. Tanto os de Juni como os de Eloy non deixaban saír combinando e subían a primeira liña de presión, obrigando a sacar bastante balón longo. Sen un dominador claro, era o cadro local o que se adiantaba no ecuador do primeiro tempo tras varias internadas por banda.
Colleu o mando o cadro verde e foi o capitán Braian o que aproveitou un par de xogadas a balón parado para darlle a volta ao marcador antes do descanso.

Á volta de vestiarios o San Lorenzo deu un paso a diante e se volcaron cara a portería contraria, atopando os goles de Martín e Álex Fernández ós poucos minutos, ante un Coristanco ao que, de repente, non lle saía nada. Eran minutos nos que os locais dominaban os segundos balóns, os saltos de cabeza, e mesmo chegaban con facilidade á área coristanquesa. Os goles foron un mazazo para o Coristanco e o San Lorenzo pasou a dominar o resto do partido, ante un Coristanco que o intentou pero que non tivo forzas.

 

Ponteceso - Esteirana (2-0)

• Ponteceso: Damián, Brais, Raúl, Aarón, Jorge, Luca, Pop, Josiño, Loureiro, Moussi e Iván Rodríguez. Tamén: David Velo, Isaac, Anido, Adrián e Íker.
• Esteirana: Dani, Kevin, Sergio (Joaquín, m.56), Chaki, Alex de Dina, David Pais, Farinós, Juan (Rodrigo, m.60), Carajillo, Xian e Jaime (David, m.50).
• Goles: 1-0, m.88: Luca nunha falta lateral colgada por Iván; 2-0, m.89: Loureiro en xogada individual.

O Ponteceso debe estar máis arriba

Auténtico partido de poder a poder entre un Ponteceso chamado a estar moito máis arriba do que está, e unha Esteirana que chegaba invicta ao Pinguel. Foi un choque moi bonito, que comezaba moi igualado con ocasións para ambos equipos, cun Ponteceso algo máis mandón, e tiveron varias ocasións a balón parado e en xogada. Tardou en entrar pero aos 20 minutos a Esteirana xa é o equipo que acostuma, chegando máis pero sen demasiada profundidade.

Comezou a Esteirana dominando a segunda, pero o Ponteceso subía unha marcha sobre todo despois da lesión de Jaime, clave para o devir do partido, ante o que os esteiráns consideran que foi pola permisividade arbitral. Xa non se meteu no partido o equipo de Josiño pero os de Gurita non estaban acertados ante as ocasións que xeraban. Despois dun man a man do punta esteirán, e xa case co tempo cumplido, conseguían romper a igualada, endosando así a primeira derrota ao cadro blaugrana.

 

Xallas - Baio (1-9)

• Xallas: Fabián, Nando, Pablo, Dani (Héitor, m.46), Kevin Peke, Guillin, Calo (Brais, m.46), Fabián, Mourelle e Manu (García, m.60).
• Baio: Julián (Cedrón, m.46), Iago, Jose (Raúl, m.60), Pablo Queiro, Martín Romero (Damián, m.50); Sergio, Dylan (Tinciño, m.60), Santi (Ariel, m.60); Mohe, Anxo e Regueira.
• Goles: Guillín de penalti polo Xallas; Mohe (2), Anxo (2), Dylan, Santi, Sergio, Raúl e Martín polo Baio.

Vai recuperando efectivos o Xallas de Juan Prado pero saíron desta volta demasiado descentrados, e xa recibían o primeiro gol no primeiro minuto e marchaban 1-4 ao descanso. Destacar o partido de Anxo, xa entre os pichichis da liga, e o primeiro gol de Tinciño polo cadro de MC e Bieito.

 

Novas relacionadas

• Esteirana, unha prolífica canteira.
• Liga xuvenil: Soneira, un equipo a ter en conta.
• Marta Calvo: Igualdade no Fútbol da Costa.
• Os adestradores da nova Ligua Unificada Xuvenil.
• Xuvenís: o adestrador do actual campión, Juni, analiza o inicio ligueiro.

Crónicas da tempada

• X.8: Esteirana e Fisterra pegan un estiró.
• X.7: A xornada do xoves deixa á Esteirana líder da Liga Unificada Xuvenil.
• X.6: Só queda un invicto.
• X.5: Fisterra, Outes e Esteirana amosan as súas credenciais:
• X.4: Manda o Fisterra.
• X.3: Pasado polo filtro do surrealismo:
• X.2: Sobrevivindo á Barca.
• X.1: Arrincou por fin a L.U.X..

Máis información

• www.futboldacosta.com: Todas as táboas dos horarios, resultados, clasificacións e marcadores en tempo real.

Fonte

• Redacción de QPC ([email protected]).