O SD Ponteceso xuvenil celebrando a vitoria ante o potente Xallas A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook Se esta semana xa comezan as Liguillas copeiras (xa temos os calendarios en www.futboldacosta.com) este pasado sábado xa arrincou a Liguilla Previa á Fase de Ascenso á Liga Galega Xuvenil, a Liguilla dos mellores. E o fixo con moitísima igualdalde, pois os tres partidos se decidiron por un gol de diferencia. Así, Ponteceso, Cee (o único que mantén a condición de invicto esta tempada) e As Pedreiras pegaron primiero a Outes, Xallas e Coristanco. Arrincan por certo, tanto a fase ligueira como a copeira, coas tarxetas a cero, é dicir que só se contabilizan os partidos de sancións actuais, pero que non hai tarxetas acumuladas da primeira fase.  

Liguilla Previa á Fase de Ascenso á Liga Galega Xuvenil, xornada 1

Pedreiras - Coristanco (1-0)

• Campo: As Pedreiras.
• As Pedreiras: Benjamín, Kuki, Andrade, Fidalgo, Aarón, Eloy (Iván), Jose, Yago, Rubén (Alberto), David (Diego) e Brais (Cotelo).
• Coristanco: Alberto, Cristián, Espasandín, Álvaro, Sergio, Dani, Adrián RR, Álex, Iván e Anido. Tamén xogaron; Esteban, Varela, Braian, Jose e Alexánder.
• Gol: 1-0, m.3: David Lorenzo, o máis baixo da SD, de cabeza nun córner.

Partido de rivalidade, moi intenso e moi disputado, cun gran despligue físico durante os 90 minutos, que arrincaba cun tempraneiro gol a balón parado dos locais que ao final sería suficiente para sumar os 3 primeiros puntos desta segunda fase. [fbvideo link="https://www.facebook.com/FutboldaCosta/videos/1187082901410365/" width="600" height="600" onlyvideo="1"] Tralo gol mantíñanse os guións, e se ben os locais tiveron algunha ocasión máis, non houbo un equipo superior sobre o campo. Aí estivo moi ben o meta Alberto, con 3 intervencións que salvou o segundo dos de Rudi. Tamén os verdes avisaroon pero o meta local Benjamín tivo a súa cota de protagonismo. As Pedreiras trataba de combinar algo máis, pero sacaba rápidas saídas que eran aguantadas por Álvaro e Sergio, soberbios en defensa sacando todo o que chegaba. Xa na segunda parte o Coristanco deu un paso adiante, entrando por banda e buscando centros cara un Iván que non tivo que súa tarde cara gol (botou de menos o cadro de Eloy ao pichichi Castro). A defensa local estaba moi firme, impendido que chegase o que puido ter sido un xusto empate.   Ponteceso - Xallas (3-2)

• Campo: O Pinguel.
• Ponteceso: Damián, Luca, Iván Cousillas, Samuel, Jorge, Iván Rodríguez, Ismail, Aarón, Eloy, Aday e Loureiro. Tamén: Álex, Víctor, David, Brais e Pop.
• Xallas: Coke, Raúl, Pablo, Martin, Peke (Cambón), Alberto (Grille), Juanjo, Carlos (Mosti), Fran (Manu), Rachón e Thiago.
• Goles: 1-0, m.15: Eloy; 1-1, m.26: Juanjo; 2-1, m.33: Eloy; 2-2, m.37: Rachón; 3-2, m.47: Aarón.

O Ponteceso colócase como un dos lideres da 2ª fase xuvenil Un partido igualado desde o primeiro minuto cos dous equipos intentando sacar o baón xogado pero ao mesmo tempo non correr excesivos riscos. O choque comezaba cun Ponteceso algo máis mandón. Un roubo na saída do balón permitía que Eloy, un dos destacados da temporada, finalizase con calidade cun tiro pola escuadra para abrir o marcador para os de Gurita. Recompúxose o cadro de Dani Calvete e un pase da morte de Carlos era rematado por Juanjo para facer o empate. Volvía golpear o cadro local tras unha boa xogada en equipo e outra boa finalizacion de Eloy no man a man ante Coke, pero o toma e daca desta primeira metade remataba co empate, desta volta anotado por Rachón despois dun cambio de orientación milimétrico de Thiago. Comezaba a segunda co empate, pero nada máis sacar de centro, nun córner, metíase por terceira vez por diante o cadro pontecesán. Quedaban 40 minutos longos minutos, nos que o cadro visitante subíu liñas e meteu aos locals no seu campo. Foi un querer e non poder por ambos lados, coa defensa local como protagonista. Dani Calvete ten que lamentar, ademais da derrota, as lesións de Carlos e Peke, que terán que estar un par de semanas de baixa.   Outes - Cee (2-3)

• Campo: O Cunchido.
• Outes: Adrián (Siro); Álvaro, Simón, Joel, Alberto; Sergio Nieto (Mateo), Adán, Saúl, Fabio (Ryan); Sergio e Fran (Brais).
• Cee: Carlos, Brais Lagoa, Rubén Senlle, Borja, Rubén Castillo, Chema, Pablo, Jon, Isma, Álex Agulleiro e Xabi. Tamén; Marcos, Iván, Tomás, David e José Carlos.
• Goles: 0-1, m.7: Joel en propia meta; 1-1, m.38: Adán de penalti; 1-2, m.67: Xabi; 1-3, m.85: Pablo; 2-3, 88: Adán de falta ao borde da área.

Partido moi igualado e de ti a ti, dos que dá gusto ver como espectador porque houbo moitas ocasións nas dúas áreas. En todo caso, a tensión nas bancadas trasladouse aos rapaces con algunha que outra acción forte. Foi un choque de ida e volta, no que pegaba primeiro o Cee, moi pronto, pero tras un primeiro tempo tenso e igualado, o Outes conseguía igualar. Nunha segunda metade máis limpa e con máis fútbol, o Cee soubo aproveitar ben as súas chegadas para matar o partido. No desconto chegou o gol do Outes pero xa sen tempo para a igualada.  

Novas relacionadas

• O coristanqués Castro, pichichis das Liga Xuvenís.
• O Fútbol da Costa encheu o Eleuterio Balayo para disfrutar da Selección Xuvenil.

Crónicas das Ligas Xuvenís

• X.18: O Outes meteuse na Liguilla dos campións.
• X.17: Cee e Ponteceso celebran os primeiros títulos do curso.
• X.15: Só dúas loitas pendentes.
• X.14: Esteirana, Outes e Corme perderon o barco dos 5 de arriba.
• X.13: O repóker de ases.
• X.12: Contra vento e marea.
• X.11: Non fallou ningún.
• X.10: Ferve o Norte.
• X.9: O Coristanco tamén quere gloria.
• X.8: Cee e San Lorenzo quedan sós.
• X.7: O Coristanco mantén o pulso de San Lorenzo, Xallas e Cee.
• X.6: 5 equipos invictos.
• X.5: O San Lorenzo vai en serio.
• X.4: Collendo posicións.
• X.3: O heroe inesperado.
• X.2: O primeiro derbi da historia carballesa.
• X.1: O San Lorenzo estrea As Pedreiras con goleada.

 

Máis información

• www.copadacosta.com.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.