Xoves. 28.03.2024
El tiempo

Dumbría volve pelexar por un final da Volta no Alto do Ézaro

Dumbría volve pelexar por un final da Volta no Alto do Ézaro
Imaxe da subida ao Ezaro na Vuelta 2012

Todo depende de se La Vuelta 2016 pasa ou non por Galicia. Pero se pasa, xa está o Concello de Dumbría traballando para conseguir outro final de etapa no alto do MIrador do Ézaro, xa convertido nun porto mítico en Galicia referencia da peregrinaxe do ciclismo. Así o afirmaba o Diario de Pontevedra e Dorsal51 estes días, pero aínda sen confirmación.

Xa comprobamos a incidencia que tivo a presencia da terceira carreira ciclista máis importante do planeta no sector turístico. Ata un aumento do 155% notou Dumbría neste 2014, en parte, gracias á Vuelta. Unha nova demostración de que cando se fan ben as cousas, traen bos resultados, non como na veciña fin do mundo, onde o desinterese, mesmo por estas grandes iniciativas, parece laxo.

A chegada do pelotón á zona dependerá daquela de se La Vuelta 2016, que xa ten confirmada a saída en Oporto, pasa por terras galegas. “Non hai nada cerrado”, pero a sona que están collendo as rampas do Alto do Mirador gustan, e moito, dentro da organización. Polo que a segunda fin de semana de proba poderá tocar cita en Dumbría.

Novas relacionadas

Fonte

    Comentarios