Impresionante, coma sempre, a organización e a participación nas probas a dúas rodas do Concello de Dumbría. O pasado sábado celebrábase polos montes dumbrieses o 1º trofeo Concello de Dumbría de Mini BTT e Ralli. As instalacións deportivas do Conco, vestíronse de gala para que a competición desenrolárase con total normalidade.

Primeiro os peques

O circuito mini btt para nenos/as entre os 6 e os 13 anos, (antigo campo de adestramento), tiña unhas características idóneas para este tipo de categorias, cunha serie de obstáculos e dificultades engadidas, en función das idades o número de voltas incrementaba. O clube ciclista local con representación nas distintas categorias facía un papel máis que salientable, destacando por riba de todos, o 6º posto en categoria Alevín de Marco López. O número de participantes nesta competición foi de 132.

Os maiores toman o protagonismo

Unha vez rematado o mini btt, as miradas dos moitos fans do btt, centrábanse no ralli xc, espectacular a saida e a entrada no circuito logo de subir unha rampa cun alto desnivel. As distintas categorias, facian a saida cun minuto de diferencia, o circuito tiña unha lonxitude de 5,500m, e dependendo das idades facian 4 ou 6 voltas. O trazado era rápido, sen descanso, con moita lama e algunha que outra dificultade que facia cos ciclistas baixasen por momentos das bicicletas.

Na categora máis destacable resaltar a vitoria do campión de España de Élite, Pablo Rodríguez. No tocante o papel dos ciclistas locais por encima de todos o segundo posto do Junior Alberto Túñez, en categoria cadete Bertín Ramos e Jesús Suárez cun 6 e 8 posto respectivamente.

Pensnado xa nas vindeiras probas

Cun ollo no Desafío do Atlántico e cun calendario de actividades deportivas para o verán de vertixe, Dumbría ten a vindeira proba o sabado día 1 de xuño, cunha competición de escolas e cadetes de carretera.

Máis información

Segue a actualidade do Concello de Dumbría dende o seu Facebook:

• Facebook do Concello de Dumbría.

Novas relacionadas

• Dumbría aposta polo ciclismo de montaña e de estrada cunha BTT e o Desafío do Atlántico.
• Dumbría prepara un verán deportivo de vertixe.
• Dumbría é Deporte.
• “O campo de slalom sería tan positivo como o Camiño de Santiago”.
• O Club Ciclista Dumbría xa é un dos máis numerosos de Galicia.
• Dumbría tamén supera a meteroloxía adversa e afianza a BTT no panorama galego.
• A Etapa da Fin do Mundo da Vuelta 2013 subirá o Ézaro e rematará en Fisterra.

Fonte

• Concello de Dumbría.