Segue a familia do Volei Dumbría traendo verdadeiras boas novas a toda a Costa da Morte. Desta volta o equipo sub-17 vense de proclamar Campión Galego de Volei Praia tras vencer na praia do Ézaro esta fin de semana. Os David Redonda, Marco Lado e Manuel Marcote impúñanse unha apretadísima final aos da Barraña, Boiro.

E por se fóra pouco, esta fin de semana coñecemos que Gabi Trillo foi convocado para formar parte da Concentración Permanente que a Federación Española de Voleibol ten en Palencia. Todo un éxito para este dumbriés que segue os pasos de outros dous grandes deportistas formados en Dumbría e que continúan o seu progreso en centros de tecnificación estatais, como son os piragüistas Iago Canosa e Kiara Martínez.

Gabi Trillo, internacional

• Nome: Gabriel Trillo Branco.
• Data nacemento: 26/08/1998.
• Dirección: Anseán- Buxantes, Dumbría.
• Altura: 1,96 Peso: 78kg Embergadura: 1,92m.

Gabriel Trillo Branco, do club Voleibol Dumbría, foi convocado para formar parte da Concentración Permanente que a Federación Española de Voleibol ten en Palencia.
Gaby, como se lle coñece no mundo do voleibol, formará parte das categorías inferiores da Selección Española, que están concentradas durante todo o ano no centro de Tecnificación Deportiva que se atopa en Palencia. Durante esta tempada e renobable ano a ano ata que finalice a súa etapa como xuvenil, Gaby convivirá, adestrará e xogará co resto de mozos que forman a Selección Xuvenil Española e terá ademais a oportunidade de disputar a Superliga 2 co conxunto de Palencia. Ademais seguirá vinculado ao club dumbriés para disputar as fases finais dos Campionatos Autonómicos e Nacionais si désese o caso.

Gaby empezou a xogar ao voleibol fai tan só 2 anos, pero as súas características fisiológicas fixeron que tivese unha gran adaptación a este deporte e dispute neste tempo 4 Campionatos de España, 2 de Seleccións Autonómicas e outros 2 de clubs.

O xogador, nacido na parroquia dumbriesa de Anseán- Buxantes, xoga como central. O seu 1,96 de altura e 2,48 de alcance a unha man sen salto, fixeron que o seu adestrador inclinásese por realizar un adestramento específico para esta demarcación.No seu primeiro ano como xogador, xa formou parte da Selección Galega de Voleibol, participando no Campionato de España celebrado en Valladolid, en xullo de 2013. Ademais, 1 mes antes participou co seu club no Campionato de España de clubs en Badajoz. Precisamente, no seu primeiro campionato nacional xa chamou a atención dos técnicos da Real Federación Española de Voleibol, comentando incluso a posibilidade de formar parte da Concentración Permanente esta tempada pasada, aínda que finalmente e consensuado cos técnicos da Federación Galega, optouse pola opción de que seguise formándose no Voleibol Dumbría para dar o salto á Selección Nacional nas mellores condicións. No 2014 volvería formar parte da Selección Galega que disputou o Campionato de España de Seleccións Autonómicas, de novo en Valladolid, e en xuño volvería participar co Voleibol Dumbría no Campionato de España de clubs en Castellón. Precisamente neste Campionato foi onde os ojeadores da Selección Nacional convencéronse de que xa era o momento adecuado para que Gaby pasase a formar parte da Concentración Permanente do combinado nacional.

Gaby destaca pola súa gran capacidade de traballo e polo afán continuo de mellorar. Pese a ser o último en chegar ao equipo, deseguido se adaptou ao grupo e non deixou de sorprender a todo o mundo coa súa rápida progresión e adaptación a este deporte. Precisamente, polo pouco tempo que leva competindo, ten unha gran marxe de mellora, que unido ao gran interese que mostra e á súa capacidade de sacrificio, desde o club dan prácticamente por feito que enseguida convencerá aos técnicos da Federación Española para gañarse a continuidade no Centro de Tecnificación ano a ano.

No seu palmarés xa conta con 2 Campionatos da Fase Regular da Liga Galega Cadete e 2 Subcampeonatos na Fase Final do Campionato Galego Cadete, ademais da participación en 4 Campionatos de España e formar parte da Selección Galega Cadete.

Novo Torneo

A comisión de festas de Laxe organiza un torneo de vólei praia para os días martes 12 e mércores 13 de agosto.

Novas relacionadas

• A praia do Ézaro servíu de colofón para os campións galegos de Volei Praia.
• O Ézaro foi o centro do Volei Praia de toda España.
• O equipo sub-17 do Volei Dumbría vence a 2ª proba do Campionato Galego.
• O Volei Dumbría quedou aos pés das Semis do Campionato de España.

Fonte

• Volei Dumbría.
• Redacción de QPC ([email protected]).