Xa pasabamos o luns polo CEIP Santa Eulalia, da man de Rivadulla Corcón, que por certo vén de gañar o seu cuarto Premio Frei Martín Sarmiento de literatura infantil. Pero hoxe temos que voltar para repasar todo o acontecido durante a fantástica Semana do Libro no centro dumbriés.

Foi Dani Mato, mestre de Educación Física, o armandanzas desta iniciativa, que xa leva 4 anos funcionando. A proposta pretende achegar aos nenos á lectura, facerlla atractiva, e que mellor que a través de escritores e poetas da zona. Este ano foron 6 os autores que pasaron a compartir un par de horas cos pequenos dende infantil ata 6º. E a verdade é que o pasaron en grande!

As visitas serviron ademais para que os autores foran os que entregasen os premios aos escollidos no certame de contos de cada curso.

Tras Corcón, foi Paula Carballeira o que fixo tremer aos máis pequenos, aos de Educación Infantil. Vaia luxo contar con esta gran contadora, unha das grandes personalidades do país. Ademais de levalos de viaxe a través dun conto, Paula entregou os premios aos galardoados de infantil, Nicolás Lema Pereira (Educación Infantil, 3 anos), Carla Arias Quintáns (Educación Infantil, 5 anos), Íker Priegue Quintela (Educación Infantil, 4 anos) e Xurxo Caamaño Vázquez (2º curso)

María Lado convertiuse na Carapuchiña Vermella para repasar o conto e despois inventar cos pequenos de 4º curso de primeira unhas novas e rompedoras versións. O gañador, neste caso, foi Marcos Vieites Alvite, de 4º curso, e aquí os vemos aos dous con cadanseus regalos, pois os pequenos non deixaron a un mestre se o seu.

Espectacular foi a visita de Xurxo Souto, segundo a define o propio Dani Mato. O coñecido escritor e músico coruñés fixo unha sesións tremendamente dinámica, con tempo para os contos, pero tamén para as regueifas e todo tipo de cansións. Como podemos ver, mesmo deleitou aos pequenos co seu instrumento fetiche, o acordeón. E os nenos, e o propio Mato… quedaron encantados co luxo musical.
O bravú de Xurxo entregoulle o premio ao gañador do certame de contos de 6º, que non foi outro que Braian Lado García.

E o venres tiveron cita doble, os de de 2º ciclo con Suso Bahamonde, e os de 1º curso con Rocío Leira, que ademais vén de presentar o seu primeiro libro infantil.
Suso partíu un poema en varios versos, para despois facer un novo, combinando, entre todos, un novo poema; é dicir, dun poema, sacaron outro novo. O premiado neste caso foi Eloy Fernández Santabaya, de 3º curso.

E tocoulle a Rocío Leira poñer o broche cos pequechos de 1º. Unha sesión que comezaba con cada un dos nenos escolleu unha palabra, como mar, vento... A partir de aí, fixeron uns versos falando da palabra que lles tocara. Para realizar esta tarefa axudoulles tamén a titora, e logo fixeron un acróstico, é un poema no que as letras iniciais, medias ou finais de cada verso, lidas en sentido vertical, forman un vocábulo ou expresión. A ceense entregoulle o premio ao mellor conto da súa clase á pequena Claudia Díaz Eirín.

Novas relacionadas

• Aprendendo a disfrutar a arte de escribir de primeira man.
• Rivadulla Corcón gaña o seu cuarto Premio Frei Martín Sarmiento de literatura infantil.
• Unha Semana para amar o Libro.

Máis novas

• Cee iguala a lingua cun certame de relatos curtos.
• A mulleres do noso tempo repiten poeta ceense.
• A antoloxía poética do Monte Pindo trae xa os seus versos do Olimpo.
• A ATG publica unha Antoloxía de Poesía Anglosaxoa sobre Fisterra.
• O Batallón Literario da Costa da Morte revive na rede.
• 7 autores demostran que a Costa da Morte é unha potencia en literatura infantil.
• Rivadulla Corcón visita aos "piratas" dos Muíños.

Fonte

• Redacción de QPC ([email protected]).

Fonte

• Redacción de QPC ([email protected]).