Venres. 22.01.2021
El tiempo

Fisterra suspende o seu mítico Entroido

Imaxe do último entroido de Fisterra en clave de normalidade
Imaxe do último entroido de Fisterra en clave de normalidade
Fisterra suspende o seu mítico Entroido

Como aconteceu a mediados do marzo do ano pasado, pouco a pouco iremos coñecendo a cancelación dos eventos máis singulares da nosa comarca. Xa vimos que a Mostra de Encaixe adía a súa 30 edición para outubro. Por Fisterra a Concellería de Cultura do Concello de Fisterra vén de anunciar “a suspensión de todas as actividades do Entroido debido á situación sanitaria na que nos atopamos. A evolución da Covid-19 obríganos a anunciar o inevitable, a cancelación da programación oficial do Entroido 2021”.

”Trátase dunha decisión tomada con responsabilidade institucional e informamos que xa se traballa nun programa de actos alternativos co que lembrar a memoria histórica do Entroido fisterrán”, explican. “Porén, non haberá, en ningún caso, actos multitudinarios coa fin de evitar as aglomeracións en instalacións e nas rúas”.

Un bo momento para repasar as crónicas que QPC leva facendo nos últimos 10 anos.

Novas do Entroido Fisterrán

comentarios