Balance máis que positivo, un ano máis, no seo da Xunta de Confrarías da Semana Santa de Fisterra. O epicentro relixioso da Costa da Morte volveu sacar ás rúas arredor dun ducia de procesións, congregando milleiros de persoas de todo o país.

As 5 confrarías organizaron todos os eventos relixiosos e litúrxicos, dende as pombas ata a última actividade para as familias, pasando polas verbenas das Festas do Cristo, ás que non faltou, por suposto, a Panorama na noite dominical. Todo con moito traballo dunha ducia de persoas ao pé do cañón , un amplo grupo de colaboradoras das parroquias e unhas 2.000 persoas implicadas, a metade da vila. Unha cifra que demostra o arraigo que ten esta festa na vila do Cristo.

A nivel de asistencia hai plena satisfacción. “Xente comaarea pero como se xuntamos a de todas as praias de Fisterra”, explica Javi Trillo, que explica que valoran a cantidade da xente que hai polo que tardan as procesións. “A do venres tardou 3 horas en atravesar Fisterra, e iso quere dicir que había moita xente”, sinala apuntando que xa se viron sorprendidos coa de xente que houbo no primeiro Venres das Dolores, ou no famoso Santo Encontro.

Houbo moita xente da comarca, (Cee, Muxía, Dumbría, ou ata Muros…) pero tamén houbo moitos andaluces, murcianos, madrileños… (incluído algún dos que esquece que en Galicia hai mareas nos portos e deixan o coche mal aparcado no porto…).

Un dos momentos máis importantes e emotivos, que máis fisterráns implica e que máis xente atrae, é a representación do Domingo de Resurrección. Coas mellores galas, o campo da Igrexa de Santa María das Areas ateigouse dende a estrada con milleiros de ollos, que non fixeron tremer a debutantes como Carlota ou Joel, que se estrearon con naturalidade a pesar da responsabilidade de saír a representar ante tanta xente un evento tan importante para a vila.

Así, a vila despide estas festas agradecendo a participación do departamento de Cultura do Concello, dos coros, das confrarías, das colaboradoras das parroquias e de todas aquelas persoas que se implican nesta celebración.

NOVAS RELACIONADAS

• 2022: Fisterra volveu colgar o cartel de "Cheo" por Semana Santa.
• Marzo 2020: A Semana Santa de Fisterra máis anómala dos seus 700 anos de historia enganchou á xente pola rede.
• Semana Santa 2019: As 10 cousas que te perdiches se non viñeches á Costa da Morte por Semana Santa.
• 2017: Fisterra quédase pequena por Semana Santa.