Aínda se oen as historias do que viviron o pasado venres 4 de abril, os alumnos e alumnas do Club de Ciencias do IES Fin do Camiño de Fisterra en Ferrol. 7 equipos fisterráns paticiparon na IV Olimpíada Robótica da Universidade da Coruña, organizada pola Escola Politécnica de Enxeñaría de Ferrol en colaboración co Campus Industrial da dita Universidade. 

 O compromiso e o interese deste grupo de alumn@s é máximo como se ven reflectidos nos 6 (dos 14) premios que trouxeron, convertindo o fisterrán no centro máis galardoado da cita científica.

Nesta competición, participaron 51 equipos, repartidos en dúas categorías: Promesas -formados por alumnado de 1.º e 2.º da ESO- e Elite -formados por alumnado de 3.º e 4.º da ESO-.
En Promesas, o IES Fin do Camiño estaba representado por 3 equipos - “O Faro”, “Curva du Carmelo” e “Canetabot 3000”- e
en Elite, por 4 conxuntos -”Sento Sete”, “A Charca”, “O Centolo” e “Mar de Fóra”.

As probas que tiveron que superar durante a competición foron: o “Segueliñas con obstáculos”, o “Barrendeiro” e “Sumo”, onde conseguimos respectivamente o “Correcamiños de prata” na categoría promesas; as “Escobas de ouro” e as “Escobas de prata” en ambas as dúas categorías; e o “Titán de prata” na categoría elite.