A Crónica: UD Cerqueda, á fase de ascenso
19:54 10/04/22
A mellor nova da xornada do #FutboldaCosta foi, sen dúbida, o pase do UD Cerqueda Feminino á Fase de Ascenso á 1ª División. As dos Guillamet vencían na casa a un Cee que xa tiña praza asegurada na Fase, e conseguen superar ao Cacheiras e meterse entre as 4 mellores.
Polo demais, empezando por arriba, empatiño do Fisterra e gran vitoria do Xallas para acadar a permanencia.
Na 1ª, a piques estivo o Baio de remontarlle ao Flavia un 0-2, conseguindo un empate que lle pon as cousas complicadas para o ascenso, xa que o Cidade de Ribeira venceu no Pino do Val, e escapa.
Volvía a Liga da Costa, con bos partidazos e moita igualdade, na Fase de Ascenso.
Ademais, na 3ª, dos 4 de arriba só fallou o Porteño na súa visita a un Ameixenda que sorprende a calquera.
Todos os resultados en www.futboldacosta.com, e tamén os da #CopadaCosta e das Fases polo título Xuv. e Inf. en www.copadacosta.com.
