Mércores. 06.07.2022
El tiempo

O #FutFem chegou para quedar

Bergan e As Miudas Copa da Costa feminina
Foto de familia de Bergan e As Miudas na primeira final da Copa da Costa feminina. Foto: David Castro
O #FutFem chegou para quedar

Cando buscaba o outro día datos para falar da nosas Seleccións sub 12 e sub 15 atopei no media de todos os papeis as alineacións da que foi a primeira Final da Copa da Costa Feminina.

Un partido histórico, que se celebrou en Dumbría un 23-06 2019 no que xogaban o Bergan frente As Miudas de Muros. Unha festa do Fútbol, un día especial, único, onde as protagonistas e todos en xeral disfrutamos moitisimo desa final.

Alinacions Primeira Copa da Costa feminina
Aliñacións daquela primeira final da Cospa da Costa Feminina, que tivo como asistente ao finado Lucas Vicente Vidal

Foi un partido especial, pero…. cun sabor agridoce. Todos falabamos do paso adiante que dera o fútbol feminino na Costa, un paso xigante e con moita forza, como o estaba a facer por toda Galicia. O #FutFem chegaba á Costa para quedar pero só 2 equipos disputaron aquela final. Era os que había, (sen esquecer o traballo que levaban tempo facendo os Fran Pioto, Luigi, Ana Mouzo… na familia Fisober, ou o de Juan Jesús, Mon… na familia do desaparecido FSF Villa de Cee). Ese foi o único lunar daquela primeira cita copeira.

Xa pasaron casi 3 anos, coa pandemia polo medio que paralizou o mundo e, por suposto o fútbol, e o escenario que atopamos do Futbol feminino én totalmente diferente. O que non consegue o Fútbol da Costa non o consegue ninguén.

De 2, pasamos a 7 equipos, pandemia mediante. Cando todos pensabamos que o covid restaría presencia de equipos nas competicions, foi ao revés, medramos.

Actualmente, dos equipos que xogaron esa final, hoxe o Bergan é líder en 1ª División. As Miúdas, despois dun verán cun mar de dúdas, saíron a competir na 2ª División. Nesta categoría tamén se atopa o Cee, que o ano pasado gañaba a liga e quedaba ás portas do ascenso, e esta tempada as de Rafa seguen na mesma liña ocupando actualmente o 2º posto.

Tamén compiten outros dous equipos costeiros, máis nóveles, pero igual de competitivos. O Xallas de Rupper, que debuta na categoría; e o Cerqueda de Guillamet, que xa é o segundo ano que compite. Coa creación do equipo feminino tanto o equipo xalleiro como o malpicán refrendan así o bo traballo que fan no fútbol base e aportan máis oportunidades para disfrutar do deporte rei.

Despois temos o Mazaricos, onde cómpre salientar o fantástico traballo fai Borja Sueiro, que gracias ao proxecto álbum de cromos feminino tiven a oportunidade de coñecelo en profundidades. Só dicir que o Futbol necesita moita xente coma Borja.

Non podemos esquecer o Dumbría, que vén de arrincar a súa singradura neste mundo do Futfem da man de Fran Figueroa. Que mellor capitán se pode ter! Foi el un dos grandes promotores desta revolución dende Muros aló por 2017), e o que nos dixo que o fútbol feminino viña para quedarse. Aínda recordo o que dixo na gala do Fútbol da Costa 2018 ao recoller un premio, que a filla que levaba en brazos o quitara de traballar porque sería xogadora de futbol profesional. Oxalaaaaa!!!!!

Como vemos, o cambio é brutal. O Fútbol Feminino chegou, quedou como o refrenda o Álbum do Futfem Galego, ten forza e por suposto, a nosa queridísima Copa da Costa xa ten máis de dous equipos que a disputen.

Novas relacionadas

comentarios