Corría o ano 2017 cando chegaba unha proposta ilusionante aos clubs do Fútbol da Costa. A Federación Galega de Futbol, a través da sua Subdelegación na Costa, con Manolo Corredoira ao mando, anunciaba que o Fútbol Base Costeiro estaría representado nos Campeonatos Autonómicos. Nacían as Seleccións Sub-12 e Sub-15 da Costa da Morte.

Todo isto venme a cabeza, porque o outro día falaba con Óscar Leis e Manuel Varela do impacto deportivo que tivo sobre os xogadores e técnicos que, ata o ano 2020 en Ponteceso, fixeron posible que os nosos futbolistas disfrutaran de una experiencia enriquecedora para todos, familias, nenos, adestradores, clubs…

Foi, e espero que siga sendo despois do Covid, un paso adiante a nivel formativo para tamén poder competir a niveis máis altos.

Outro aspecto a destacar é, para min o máis importante, a relación entre eles. Nenos de Outes, Sofán, Muros, Cabana… todos xuntos disfrutando do que mais lles gusta. Viaxes, adestramentos, partidos, comidas… Con estas experiencias só gaña o Fútbol da Costa. Para min, só podo sacarlle aspectos positivos. Xa sei que se lle poden sacar cousas negativas, pero…

Falaba antes de competir a niveis máis altos, e temos casos de futbolistas que foron convocados nestas seleccións que a día de hoxe están en Liga Galega ou en División de Honra, pero tamén os adestradores mudaron de equipos e de categoría.

Adestradores

Por exemplo, Jose Barca, que debutada coa Sub 12 en Dumbría xunto a Nando Waldomar, é hoxe o coordinador do Futbol Base de Sofán. Nando, por cuestions de traballo non pode adestrar.

Tamén exerce de Coordinador, Josiño Abelenda, no seu caso no Bergantiños. Cando chegou á Selección era o adestrador do cadete carballés e hoxe é o máximo responsable do fútbol Base ca prolífica canteira vermella.
Joaquín, tamén estivo no debut da sub-12 en Dumbría, axudando a Barca e a Nando, e agora mesmo é o entrenador do Infantil dumbriés de Liga Galega.
Adrián Varela, “Fofi”, chegaba ás seleccións como adestrador do fútbol base en Coristanco. Agora, despois de pasar por Zas e Cerqueda lidera o equipo revelación da 3ª Galicia, o novel Oza.

Máis recentemente chegaron Óscar Leis, Rubén e Carlos Romero. Que dicir destes ‘homes de fútbol’, que seguen sendo a alma e corazón do Dumbria, Cee e Outes. Skío de Fisterra, tamén se incorporou nesta última etapa, e agora está tomándose un ano sabático, pero estou seguro que o día que teña que incorporarse a filas será o primeiro en facelo.

Non podo olvidarme de Martín Vecino, que igual que Nando, por cuestión de traballo non pode adestrar esta tempada. Teño que destacar de Martin unha cousa: as gañas e a paixón que transmitía en cada adestramento, partido, viaxe… GRACIAS!

Con todo isto non quero dicir, que todos estes cambios foran por culpa da Selección, pero estou seguro que valoran positivamente o tempo que estiveron á fronte destes grupos.

Xogadores

Pero tamén nos xogadores houbo cambios de equipo e de categoria. Daquela convocatoria Sub 12 que debutaba no Conco, hoxe cadetes, dous xogan en División de Honra cadete, o cabanes Blas faino no Bergantiños de División de Honra Cadete, e o porteiro muradán Aitor defende a portería do Compos.
O primeiro gol das seleccions costeiros en partido oficial foi obra de Hugo Pastoriza, capitán do Dumbría Cadete na actualidade xunto a Fabio Blanco, outro dumbriés que o acompañou no debut. Tamén xoga neste equipo outro integrante daquela sub-12, o ceense Antón Pose, que anteriormente xogaba no Cee.
Lucas Souto, de Sofán, xoga agora no Bergan de Galega e o xalleiro Óscar Martínez no Xallas tamén de categoría Autonómica.

E xa para rematar, por exemplo, dos 18 convocados da Sub 15 do ano 2018, 12 xogan en categoría superior. Casos como os dos convocados de Zas, Joel xoga no Xallas e Bryan Garcia no Bergan. De Outes, os representantes, Sergio Martinez e Pablo Tuñas están no Conxo, e o porteiro Iván Fraga cambiou Sofán por Dumbría. E tamén temos casos como de Nicolás Abelenda que xoga no Coristanco Sénior que tan boa tempada está facendo na Liga da Costa; ou Iván Blanco, que fai o mesmo no Cerqueda Sénior, incluso marcando goles.

Con este artigo só intento darlle valor o traballo que se fixo nas Seleccións, e oxalá pronto volvamos a ver a Amarela sobre o céspede.

• Alberto Pose.

Novas das Seleccións

• Febreiro 2020: As Seleccións da Costa en Ponteceso e Corme: Unha vitoria e moita ilusión.
• Febreiro 2020: As Seleccións da Costa collen ritmo de competición en Cee.
• Xaneiro 20: “Estas Seleccións da Costa teñen moitas posibilidades de facer algo bonito”.
• Decembro 19: Posta de longo das novas Seleccións da Costa sub11 e sub13
• Xaneiro 19: A Sub12 disfrutou en Sarria dun novo Campionato Galego.
• Xaneiro 19: A sub15 vive Abegondo.
• Decembro 18: A Amarela sub12 disputou no Cunchido un novo Campionato.
• Decembro 2018: As Seleccións da Costa sub12 e sub15 tamén teñen o seu cromo no Álbum da Costa.
• Novembro 2018: A Selección da Costa Sub15 consegue un histórico triunfo ante Lugo..
• Xuño 18: As Seleccións Sub12 e Sub15 da Costa levarán o premio á Abdoulaye ao Fútbol Base da Gala QPC.
• Xaneiro 18: A convivencia, a gran nota positiva na experiencia da Selección da Costa sub-12 en Moraña.
• Decembro 17: O Conco acolleu un intenso Campionato Galego de Seleccións Comarcais con protagonismo costeiro.
• Decembro 17: Jose Barca e Nando Waldomar: A selección sub-12, unha oportunidade de aprender.
• Novembro 2017: Gran ambiente na estrea oficial da “Amarela”, a Selección da Costa Sub-15.
• Novembro 2017: Martín Vecino: a sub-15 é unha realidade.
• Outubro 2017: Fontela acolleu a presentación oficial das Seleccións da Costa sub-12 e sub-15:
• Xuño 17: Malpica acolleu a segunda participación da Selección da Costa sub-15.
• Maio 17: A Selección Sub-15 da Costa debutou no Cairo.