Foi practicamente o capitán dende a súa fundación, aló pola temporada 96/97. Vestiu a camisola branca e o brazalete vermello 15 anos, ata a 2011/2012. Suso, o eterno capitán do CF Dumbría, será homenaxeado na VI Gala do Fútbol da Costa - QPC que se celebra este venres 28 de xuño ás 21:00h na Casa da Cultura de Olveira. Unha cita que será aderezada polo humorista esteirán Víctor Fábregas, e que dilucirá os seus 30 premios entre os máis de 60 nominados.

Jesús García Caamaño (Dumbría, 19/07/1979) ten no seu palmarés co dumbriés un asceso a 2ª, outro a 1ª e outro a Preferente, onde deixou ao seu equipo da alma. Ademais, alzou o título da Copa da Costa en 3 ocasións: na 2001 vencendo nada menos que ao Bergantiños; na 2005, fronte ao Baio, e na temporada 2011 ante o Cee.

Aínda dá patadas no Sporting Uxes de División de Veteranos da zona da Coruña-Ferrol, pero antes de pasarse aos veteranos pasou polo SD Orzán de 2ª Autonómica da Coruña, onde reside por motivos laborais.

Suso recibirá este recoñecemento, que xa fixemos estes pasados anos con Torreira, Tito Luaces, Manolín, Isidro e os 6 equipos fundadores da Liga da Costa.

Os Premios Históricos das Galas

• 2018: O eterno sorriso de Torreira, Premio Histórico da Gala do Fútbol da Costa - QPC 2018.
• 2017: Tito Luaces, Premio Histórico da Gala do Fútbol da Costa - QPC.
• 2016: Homenaxe a Manolín, Historia viva do Fútbol da Costa.

• Novas da gala

  • Os Nominados da VI Gala do Fútbol da Costa - QPC 2018/2019.
  • O esteirán Víctor Fábregas amenizará a VI Gala do Fútbol da Costa - QPC.
  • A Gala QPC, punto de encontro para rematar o Álbum de Cromos.
  • Dumbría acolle a VI Gala do Fútbol da Costa - QPC, o broche de ouro á temporada.
  • Iván Bouzón e MC, Premio Pombo e Pichichi da 1ª e Preferente.
  • 2019: Miguel e Diego Mallo, os Premio Pombo do Fútbol da Costa.