2ª Autonómica: A Esteirana aproveita o empate entre Baio e Cee

14:02 04/03/13

ES Bazarra patrocina da crónica da Liga da Costa - Coñece as nosas ofertas en www.bazarra.com

Máis líder queda a Esteirana trala 25ª xornada da Liga da Costa. 7 puntos saca ao Baio e 8 ao Cee, tras vencer, non sen sufrimento, ao San Lorenzo, e aproveitar o empate entre baieses e ceenses no partidazo da xornada. Pero a xornada tivo tamén moito interese na parte baixa. O Montelouro rompía unha xeira malísima de resultados ante o pechacanelas, pero a súa vitoria non lle serve para recurtar ante o resto de resultados. O Cabana empataba en Zas e queda 5 puntos por riba, mentres que o Mazaricos e o Outes sumaban os 3 puntos e escapan a 6 e 8 puntos respectivamente. Ollo ás malas xeiras de Volantes, Buño e Carnota que os deixa a 9 e 10 puntos do descenso.

Baio - Cee (0-0)

BAIO: Anxo, Jose Antonio (Fachal, min.85), Mario, Ramón, Pablo (Fredi, min.50), Norber, Martín, Eloy Vilas, Rubio (Jorge, min.80), Alberto (Cristian, min.60), MC.
CEE: Parroto, Nico, Jorgito, Fiuza (Fermín, min.72), Rafa, Piquero (Berto, min.78), Carlos Leis, Isma (Llanero, min.63), Penedo, Diego Cespón, Víctor.
Expulsión: Diego Cespón xa co partido acabado.

O partidazo da xornada disputábase no Platas Reinoso ante unhas 200 persoas. E se ben non foi o mellor partido da tempada si que demostraron ambos equipos por que están onde están. Nos prolegómenos do partido, a familia do C.D. Baio quixo rendir homenaxe ás familias dos socios nº 1 e 3 do club, Manuel Veloso Blanco e Jose Luis López González, respectivamente. A viúva, as súas fillas, e algúns dos seus netos, entre eles Dario Rodriguez Veloso (ex-xogador do C.D. Baio), do primeiro; e a viúva do segundo, recolleron unha placa de agradecemento pola súas labores no club e un ramo de flores das mans dos capitáns Martín e Mario Romero Rodriguez. Gardouse un minuto de silencio e... comezou a rodar a pelota no céspede. A primeira metade foi de control visitante chegando con claridade e ata botando 4 balóns á madeira. Sen embargo foi Eloy o que desaprovietou un mal despexe de Jorgito ao comezo, pero de contado o Cee avisou por medio de Víctor, Penedo, Isma e ata Carlos Leis. O Baio intentábao balón parado e Rafa tivo que scar un balón baixo paos. O Baio entonouse tralo descanso. Alberto, Rubio e MC avisaron pero Parroto, ao igual que Anxo, estivo mellor que os dianteiros rivais. Quedan apenas 5 minutos e unha ocasións clara para cada bando. Martín lanzaba esta falta que vemos aquí debaixo neste vídeo de Santi Díaz, que pega no pao trala parada de Parroto. E xa co tempo cumplido, Llanero centra e Víctor remata pero un defensa baiés mantén o empate, que lle permite ao Baio sumar 17 partidos sen perder.

Muros - Corcubión (4-5)

MUROS: Fabio, Teo (Javi, min.75), Paqui, David, Mayuyo, Lisardo (Saúl, min.60), Adrián (Ramón, min.70), Dani, Manu (Pulpo, min.80), Gelo, Sexo.
CORCUBIÓN: Abelleira, Alán, Julio, Lema, Johny, Sebas, Edu, Antón Lestón (Javi, min.60), David, Cristian, Lourido (Antón Trillo, min.80).
Goles: 1-0, min.16: Mayu; 1-1, min.17: Antón Lestón; 2-1, min.25: Mayu; 2-2, min.26: Lourido; 3-2, min.40; Mayu; 3-3, min.41: Lourido, de penalti; 3-4, min.55: Lourido, de penalti; 3-5, min.75: Cristian; 4-5, min.85: Mayu de penalti.

Partido de vertixe en Miraflores cunha actuación arbitral que non gustou no equipo local. O Corcubión amosouse moi forte e cunha pegada pouco habitual, cun Lourido que co seu hast trick demostrou que está collendo a forma e pode ser moi importante neste último treito de liga para is de Manolín. No lado muradán o nome propio foi o de Mayuyo, que volveu ser o pichichi do cadro de Manolo Camello con 4 tantos que de pouco serviron. Unha actuación maxistral que serviu para despedirse da súa parroquia, pois Mayu vén de fichar polo Soneira do seu veciño Felipe Candamo.

David Lourido esta collendo a forma no Corcubion-Foto- Jorge Parri

Montelouro - Dumbría B (3-1)

MONTELOURO: Isma, Cosme, García, Canelo, Álvaro, Fernando, Denís, Pesco, Queico, Edu, David.
DUMBRÍA B Fer, Santi, Kevin (Charli, min.70), Pereira, Toja, Pedrosa, Álex Siaba, Riki, Roy, Josiño, Bruno.
Goles: 1-0, min.20: Canelo de cabeza nun córner; 1-1, min.35: Bruno a centro de Riki; 2-1, min.55: Pesco; 3-1, min.80: Álvaro.

Importante vitoria do Montelouro ante un pechacancelas desmotivado. Os locais romperon unha nova mala xeira de 4 derrotas consecutivas e nada menos que 3 puntos en 16 partidos, que lle fai manter a ilusión e as posibilidades de permanencia. Abriu o marcador do xogador-adestrador Canelo, pero Bruno, recentemente chegado e un dos protagonistas na riña entre Dumbría e Fisterra, empataba tras un centro de Riki. Na segunda o Montelouro foise arriba, e consciente da necesidade deuno todo para acadar a vitoria. Pesco adiantou aos seus ao principio pero a sentencia non chegou ata os últimos minutos co tanto de Álvaro.

Esteirana - San Lorenzo (3-2)

ESTEIRANA: Ramón, Simón (Chipi, min.55), Dani Rama, Suizo (Maxi, min.60), José Varela, Adelino (Andel, min.50), Pepiño (Pichu, min.70), Uru, Álex, Kike, Rober Pladur (Cajulo, min.70).
SAN LORENZO: Abraham, Anxo, David, Dubra, Casillero (Javi, min.40), Robin (Adonis, min.65), Chucho, Cachizo, Palermo (Eloy, min.55), Fuentefría, Carlos.
Goles: 1-0, min.20: Roberto; 1-1, min.35: Palermo; 2-1, min.70: Álex; 2-2, min.73: Chucho; 3-2, min.80: Kike.

Apurou o San Lorenzo ao líder, que aproveitou o empate entre os seus perseguidores para seguir escapando. Pero sufriu para conseguir os tres puntos ante un moi serio San Lorenzo que ben mereciu cando menos levar un puntiño de volta a Verdillo. A Esteirana sempre foi por diante, levando o peso do partido, pero o San Lorenzo tiña unha resposta a cada golpe local. Non puido co último tanto de Kike, tras dúas igualadas, e volveu sen premio a pesar de que protestaron un gol que o colexiado lle anulou.

Corme - Volantes (2-1)

CORME: Suso (Javi, min.71), Adolfo, Miguel, Jesús, Pandi, Diego (Alejo, min.15), Joshua (Martín, min.62), Brais (Chino, min.89), Juan, Lucas, Adri (Dani, min.68).
VOLANTES : Rubén, Formoso, Javi, José, Miguel (Javi, min.79), Manuel, Iván (Benjamín, min.51), Adrián, Chenel, Brais, Jesús (Ignacio, min.62).
Goles: 1-0, min.220: Alejo de penalti; 1-1, min.30: Iván; 2-1, min.70: Alejo de vaselina.
Expulsió: os visitantes Manuel (min.58) e Ignacio (min.80).

Está notando o Corme a volta de pesos pesados como Alejo. O punta cormelán antonou o gol da vitoria ante un Volantes que apretou en todo momento, mesmo despois de quedar con 9 homes por doble expulsion. Na primeira Iván conseguira anular o gol dende os 11 metros do punta, pero os laranxas non puideron recuperarse do segundo golpe.

Sofán - Castriz (4-3)

SOFÁN: Bugy, Cantudo (Santi, min.65), Juanjo, Pensado (Marcos, min.60), Lista, Pikas (Suso, min.46), Míchel, Eloy Boedo, Rojo, Jacobo (Eloy Cabeza, min.46), Abel.
CASTRIZ: Toño, Martín (Pablo, min.65), David Agra, Alejandro (Iván, min.85), Prego, David Pose, Javi (Pepe, min.50), Cili (Rubén, min.50), Luis, Sebas, Roberto.
Goles: 1-0, min.10: Abel; 1-1, min.20: Roberto; 2-1, min.40: Abel; 2-2, min.49: Roberto; 2-3, min.60: Roberto; 3-3, min.85: Santi; 4-3, min.93: Abel.

Partidazo no Carral dos que fan afección. A parroquia sofanista disfrutou dun partido de poder a poder, entre dous equipos entregados, disputado con gran brega polos dous. Foi un toma e daca entre Abel e Roberto. O primeiro adiantaba aos locais e Roberto igualaba. Era tamén Roberto oque metía mediada a segunda metade ao Castriz por diante, pero o Sofán recuperouse, empatou faltando 5 minutos, e cando todo parecía rematar nun xusto empate, Abel completaba o seu hat trick cun tanto de cabeza nunha falta lateral.

Mazaricos - Buño (2-0)

MAZARICOS: Daniel , Casais (José Ángel, min.46), Rodri, Óscar Matías, Marcos (Ricardo, min.46), Martín (Chico, min.80), Esteban (Molinos, min.80), Estéfano, Aldo, Cristian.
BUÑO: Brais, Ángel (Casais, min.65), Diego, Alfredo, Secundino, Jorge, Emilio, Miguel (David, min.46), Elías (Víctor, min.65), Mauri (Juan, min.65), Gurita.
Gol: 1-0, min.20: Estéfano dende fóra.

Vitoria fundamental para o Mazaricos no Pino do Val tras un choque tremendamente igualado e disputado ante un serio Buño. Comezou o cadro amarelo mandando e pronto Estéfano abriu o marcador, pero o Buño reaccionou e buscou o empate. Mauri e Víctor tiveron ocasións para empatar pero a dianteira oleira non estivo acertada cara gol. Os mazaricáns quixeron volve poñerse a camiseta en apoio a Kevin, compañeiro lesionado hai un par de semanas.

Os xogadores do Mazaricos de novo enviando o seu apoio a Kevin-Foto- Sara Ramos

Carnota - Outes (1-5)

CARNOTA: Luis, Tono da Caixa (Pablo Pichín, min.75), Manolo, Pedro Pichín, David, Boni (Bernardo, min.60), Nakata, Rodrigo, Pumuki (Martín Piñeiro, min.85), Jacobo, Pablo Beiro.
OUTES: Gato, Damián, Borja (Martín Lago, min.65), Arturo, Chúa, Martín, Saúl (Michi, min.70), Poke (Ángel, min.46), Migui, Deivid (Elías, min.46), Quin.
Goles: 0-1, min.10: Arturo; 0-2, min.15: Deivid; 0-3, min.30: Migui; 0-4, min.35: Deivid; 0-5, min.40: Chúa; 1-2, min.50: Nakata, de penalti.
Expulsións: os locais Pedro Pichín (min.15), Nakata (min.60), a David de Brea (m.95).

Sufriu demasiado o Carnota trala expulsión ao comezo do seu capitán e central Pedro Pichín. Os de Cambeiro, que se viron con 0-2 e un home menos aos 15 minutos, non puideron repoñerse, e acabaron sucumbindo ante un bo Outes, que sumou a súa 4ª vitoria consecutiva que o saca do pozo. Mal momento do Carnota, que suma xa 8 partidos sen gañar.

Zas - Cabana (1-1)

ZAS: Rizos, Martín, Oliver, Lagoa, Pereiro, Rubio, Jaime, Peque, Diego (Pastor, min.70), Ismael, Mario (César, min.80).
CABANA: Añón, Eloy, Ismael, Marcos (Edgar, min.70), Pepe, Sandro (Moreno, min.80), Iván, Rubén, Manolo (José, min.75), Dani (Adrián, min.60), Berti.
Goles: 1-0, min.55: Rubio tras un centro de Peque; 1-1, min.75: Rubio, en propia meta tras un córner.

Partido moi igualado en San Andrés que lle serve ao Cabana para seguir sumando. Foi Rubio o protagonista, anotando os dous goles, un en cada porta. Foi todo na segunda, tras unha primeira parte con poucas ocasións. Unha xogada de Peque pola banda era aproveitada por Rubio, que a falta de 15 minutos despexaba un córner para dentro.