Comezo de marzo, tras unha semana de polémica entre as directivas do Fisterra e do Dumbría, que nos trae unha xornada completa de #futboldacosta. E por certo, como está o twitter futbolbeiro de activo ultimamente, e aproveitamos para agradecer a todos os que nos mandades os resultados en tempo real!!).

E comezamos a análise da xornada, unha xornada que deixaba 3 auténticos partidazos, un en cada liga Autonómica. E o facemos pola Preferente, onde os nosos non perderon nas respecticas e complicadas saídas. O Dumbría volvía coa maior recompensa cunha vitoria ante o Val que o achega de novo ao Xallas de Santa Comba. Un cadro xalleiro que empataba en Ribadeo, mantendo a distancia co equipo mariñao, pero deixando pasar a un Laracha que non fallaba ante o Viveiro. Quedan agora xalleiros 5º, con 42, e dumbrieses 6º con 39, a 7 e 10 puntos da 3ª praza, a que ocupa o Boiro.
Un pouco máis abaixo, con 33, está o Soneira, que volvúa cun puntiño que sabe ben da Coruña, e que serve para manter a boa liña dos de Candamo.

O partidazo da 1ª Autonómica xogábase no Hermanas Patiño. O derbi entre camariñáns e fisterráns tivo moitas alternativas e rematou cun empate que lle sabe mellor aos verdes, que mantén así os 4 puntos de vantaxe sobre os de Berto. 2 puntos por abaixo do Camariñas segue o Ponteceso tras empatar na casa ante o Piloño, no que era unha gran oportunidade de saír dos postos de descenso e meter en problemas ao rival. Polo menos, o Malpica, na súa liga, fixo un favor aos 3 veciños, vencendo na casa do Laro que queda con 25 puntos, entre Camariñas e Ponteceso.

A xornada na 2ª Autonómica tiña os ollos postos no Platas Reinoso. Dous dos máis históricos clubes da bisbarra, e dous dos mellores equipos da categoría enfrontábanse situados na 2ª e 3ª praza con só un punto de diferencia entre ambos. E tras un partido de tanta intensidade coma respeto, o marcador non se movía e o Baio segue mantendo o seu punto de distancia sobre o Cee. Un empate que aproveitou a Esteirana para escapar un pouco máis no liderato. Os de Marcelo acabaron pedindo a hora ante o San Lorenzo pero xa sacan 7 puntos aos baieses e 8 aos ceenses a falta de 9 xornadas.
Por abaixo, moitas vitorias dos máis necesitados. Cómpre destacar a vitoria do Montelouro, tras 4 derrotas consecutivas e acadar só 3 puntos nos últimos 16 partidos. Conseguiuno ante o pechacancelas, un Dumbría B se fe. Pero non lle serve de moito a vitoria aos loureáns, pois tanto o Mazaricos coma o Outes sumaban os 3 puntos, mentres que o Cabana sacaba un empate de San Andrés. As derrotas de Carnota, Buño e Volantes obríganos a ter moito ollo ca zona baixa.

En 3ª, o partidazo da xornada era o IDC-Camelle, cos dous equipos no máis alto. E a cousa quedou cunha gran vitoria xestada nuns tremendos primeiros minutos de partido cando á media hora o marcador xa sinalaba un claro 3-0 para os locais. Con esta vitoria quedan empatados carballeses e camelláns na primeira praza, se ben o golaverage é para os carballeses que ademais teñen un partido menos. O Porteño queda a 3 dos líderes tras vencer con comodidade ao Xaviña no derbi camariñán, único partido adiantado ao sábado.
Pero houbo salientables sorpresas na loita pola promoción. O Cerqueda non pasaba do empate ante o Nantón, e cun gol nos últimos intres. O Soneira B tamén caía ante o Alcaián, igual que o Ameixenda ante o Corcoesto. Ademais o Laxe non pasaba do empate ante o Coristanco, mentres que no choque máis igualado, remataba en táboas entre Muxía e Baíñas co que todo queda igual, con 6 equipos en 8 puntos.

Nos Xuvenís, nunha xornada matutina, parece que a cousa vai collendo unha dirección. O Cabana ten pé e medio na Fase de Ascenso, tras reafirmarse no Conco como o equipo que está en mellor forma superando ao Dumbría por 1-2. O líder saca 4 puntos ao XSC, que vencía a un Ponteceso cheo de cadetes con tanteo de tenis, e o máis importante, 8 puntos ao Dumbría cando faltan 3 xornadas. O Malpica podía meterse 3º pero non conseguía pasar do empate ante un Fisterra que a pesar de perder todas as opcións segue competindo. Así, o XSC tamén ten boa parte do camiño feito.
Nas Copas, a cousa segue igualada. No Gr.1, o Laxe sorprendía ao Baio mentres o Outes segue ao seu afundindo máis a un Muros que quere acabar a agonía canto antes. No Gr.2, o Cee ponse líder trala derrota do Coristanco ante un Corme que vai collendo enteiros. Mazaricos e Soneira loitarán por evitar esa última praza trala vitoria da Esteirana no Pino do Val.

Mala xornada para os nosos nas Ligas Galegas. En Cadetes, Bergan e Dumbría caían ante Deportivo B e Negreira, deixando o Dumbría a 3ª praza, que dá acceso á División de Honra, ao Ural. En Infantís, o Dumbría descansaba e o Bergantiños tamén caía ante o cadro branquiazul.

Preferente, xornada 27

1ª Autonómica, xornada 25

2ª Autonómica, xornada 25

3ª Autonómica, xornada 25

• Descansa Lira.
• Fisterra B - Castrelo (0-2) por retirada do filial fisterrán.

Liguilla Previa á Fase de Ascenso á Liga Falega Xuvenil, xornada 7

Liguilla da Copa da Costa, Gr.1, xornada 7

Liguilla da Copa da Costa, Gr.2, xornada 7

Liga Galega Cadete, xornada 24

Liga Galega Infantil, Playoff polo título, xornada 4

1ª Cadete, xornada 17

1ª Infantil, xornada 21

• Descansa EFM Vimianzo.

Ligas de Veteranos, xornada 24

1ª División

2ª División

Máis información

• www.futboldacosta.com.

Novas relacionadas

• 01-03-2013: O Dumbría respóndelle á SD Fisterra e lle pide que lle deixen traballar.
• 27-02-13: Dura carta aberta da SD Fisterra ao CF Dumbría.

Crónicas da semana

• David Castro: Previa do partidazo entre Camelle e IDC.
• Novo parte de sancións cun pouco de todo.
• Xuvenís: O Cabana destácase mentres Fisterra e Ponteceso caen.
• 3ª Autonómica: Intensa loita pola promoción.
• 2ª Autonómica: O Montelouro quédase só no pozo.
• 1ª Autonómica: Dous empates son pouca renda.
• Preferente: Cun gol basta.
• Resultados dos 64 partidos e análise da ultima xornada de febreiro.

Artigos relacionados

• Vídeoentrevista de Anxo Garrido co pichichi baiés MC.
• Un album de fotos antigas do Fútbol da Costa.

Fonte

• Redacción de Deportes de QPC ([email protected]).