3ª Autonómica: Escapan os 3 de arriba

20:01 31/01/11

Continúa a loita polo ascenso na 3ª da Costa trala 21ª xornada. E continua co grupo de 3 lixeiramente escapados, trala vitoria do colíder Mazaricos en Cerqueda, no que era o encontro da fin de semana. Nantón e Corcubión non fallaban en Carballo e Laxe. Deste xeito os de Manín seguen a 2 puntos de Mazaricos e Nantón, mentres que o Cerqueda queda agora a 4 do Corcubión.

Independiente de Carballo - Nantón (0-4)

NANTÓN: Martín, David, Cristian (Carlos Santos, min.46), Diego, Sito, Martín, Fabio, Amado (Pedro, min.80), Luís, Manolo (Rubén, min.68) e Manu.
INDEPENDIENTE: Noé, Panuchi, Dani, Efrem, Toni, Moreno (Manuel, min.60), Rubén, Míchel, Cholo (Upi, min.60) Bryan e Iván Lorenzo (Ivi, min.40).
Goles: 0-1, min.23: Fabio; 0-2, min.43: Luís; 0-3, min.65: Luís; 0-4, min.83: Luís.

Desconfiaba moito o míster de Nantón do equipo carballeses e reflexo diso foi que se xogou co plantel unha comida. O encontro foi intenso, con dous equipos que impuxeron dous estilos de xogo diferentes e que gañou o que máis profundidade propuxo. No primeiro período, saíron os dous equipos poñendo moita mordente no terreo de xogo pero foron os visitantes os que se adiantarían no marcador cun golazo de Fabio pola escadra, tras un par de paredes cos seus compañeiros. A partir do gol, o Nantón perdeu algo o centro do campo e o Independiente fíxose co control do partido, con moita posesión do balón pero non era capaz de superar a defensa visitante ni unha soa vez. Chegando ao descanso, Luís cabeceou unha saque de esquina a gol, un gol que lle daría moitas alas ao Nantón e que caeu coma unha xerra de auga fría no Independiente. Na segunda metade, os visitantes fixéronse con control do encontro, aínda que o Independiente tiña máis posesión do balón, os de Nantón chegaban con máis perigo e iso viuse reflectido no marcador cun segundo gol de Luís que faría baixar os brazos ao equipo local. Os de Carballo arriscaron na busca de reducir distancias no marcador, sacaron defensas e puxeron máis homes de ataque, pero estes cambios o que fixeron foi aclarar aínda máis o dominio do Nantón e a contra crearon moito perigo. Luís pese a xogar tocado marcaría dous goles máis.

Laxe - Corcubión (0-1)

LAXE: Diego, López, Oscar, Jaja, Dani, Adán, Rubén (Jacinto, min.75), Samuel (Lolo, min.62), Mandi (Zurich, min.53), Antonio (Beizana, min.80) e Felipe.
CORCUBIÓN: Cristian, Jose, Chisco, Manuel Cartamil, Balucho, Borja Munitis (Gabri, min.46), Sergio Manín, Alán (Javi Tarrela, min.85), Estrella (Diego Lojo, min.60), Mario (Johni, min.80), Lourido (Pablo, min.65).
Gol: 0-1, min.78: Mario.

Partidazo de guerra, cunhas 250 persoas que o deron todo nas bancadas, pero o Corcubión deuno todo, e conseguiu remar para sumar tres puntos importantísimos. O partido non tivo moitas ocasions de gol e xogouse moito no medio campo. A rentes do final un erro do meta local facilitoulle as cousas a Mario para marcar o único gol que lle dá tres puntos vitai trala derrota do Cerqueda ao equipo de Manín na súa loita polo ascenso.

Cabana - Muxía (5-1)

CABANA: Toni, Josiño (Rubén, min.75), Marcos, Alfredo, David, Xandro, Rubén Rama, Jacobo (Darío, min.60), Suso Docampo, Eloi (Diego, min.65) e Adán.
MUXÍA: Angel Luís, Martín, Dani, Alvaro (Julián, min.46), Santi Papi (Pereira, min.60), Fran Pioto, José Antonio, Chans, Conguito, Oscar (Chori, min.46) e Dimas.
Goles: 1-0, min.15: Eloi; 1-1, min.18: Fran Pioto; 2-1, min.21: Eloi; 3-1, min.33: Suso Docampo; 4-1, min.38: Adán; 5-1, min.70: Adán.

Partido máis igualado do que mostra o resultado final. Na primeira metade o acerto rematador dos locais foi case do 100 % e sentenciou a un Muxía que de novo contaba con baixas. A segunda metade case que sobrou, os locais dedicáronse a defender a renta de goles e os visitantes non tiveron moita profundidade.

Lira - Alcaián (2-3)

LIRA: Romani, Pedro, Suso Perico, Paco, Boni, Javi, German (Pepiño, min.70), Marco Antonio, Dani (Víctor, min.70), Rico e Ancho.
ALCAIÁN: Herrera, Luisito (Javito, min.82), Diego (Pablo framil, min.46), Dani, Víctor, Iván Castro, Bruno, Pío, Daviciño (Fabio, min.76), Rubén e Pistolas.
Goles: 1-0, min.20: Rico; 1-1, min.25: Rubén, de falta directa; 2-1, min.30: Ancho; 2-2, min.40: Daviciño; 2-3, min.91: Fabio.
Expulsión: O visitante Rubén (min.85) con cartón vermello directo.

Encontro moi igualado que se decidiu no maior acerto goleador dos homes de Víctor Pazos que este semana se reforzaron co ex-xogador do Castriz e Xallas César. Os Lirachos adiantaronse ata en dúas ocasións, pero os visitantes souberon remontar, primiero cun gol de Rubén de falta e logo cun golazo de Daviciño cun tiro dende a frontal que bateu nun pau e logo no outro e colouse na rede de Romaní. Tralo descanso, Ancho tivo nas súas botas volver adiantar aos locais, pero no lanzamento dunha pena máxima atopouse co meta Herrera. No desconto Fabio marcaba o gol da vitoria.

Outes - Coristanco (1-0)

OUTES: Moncho, Saúl, Primo, Chúa, Debé (Lass, min.59), Arturo, Martín, Poke (Lago, min.90), Deivi (Damian, min.85), Fabio (Pesco, min.57), Marico (Quin, min.71).
CORISTANCO: Gonzalo, Suso (Sergio, min.55), Luís, Oscar (Pistolas, min.80), Marcos, Pazos (Arantón, min.65), Carlos, Dani (Cota, min.75), Benitez, Gustavo e Toniño.
Gol: 1-0, min.76: Deivi.
Expulsión: O xogador visitante Luís (min.80) por dobre cartón amarelo.

Partido moi disputado no medio campo, moi igualado. Non houbo moitas occasions de gol. Na primiera metade o visitante Gustavo lanzou un balón a Madeira. Tralo gol e a expulsion, os locais fixéronse co control e puideron marcar algún gol máis.

Cerqueda - Mazaricos (1-3)

CERQUEDA: Fredi, Rober (Athu, min.55), Javi, Dani, Nion, Alberto, Josiño, Dieguito (You, min.65), Lorenzo, Carlos e Alex.
MAZARICOS: Gómez, Casais, Chico, Marcos (Ernesto, min.50), Ramón, Martín, Matías, Esteban Pereiro (Coxo, min.75), José Angel (Rodrigo, min.86), Estefano (Aldo, min.70) e Kevin.
Goles: 1-0, min.14: Alex; 1-1, min.55: José Angel; 1-2, min.65: José Ángel; 1-3, min.67: Kevin.

Tivo a posibilidade de sentenciar o partido o Cerqueda na primeira metade, non o fixo e tralo descanso a mellor condición física do equipo de Raúl Periscal puxo a directa e en 10 minutos matou o partido.

Atl. Pereiriña - Corcoesto (6-2)

ATL. PEREIRIÑA: Andrés, Simón (Sergio, min.80), Riki, Javi, Mario, Adán, Alex, Mario (Villar, min.73), Alvaro (Grille, min.80), Javi Marroco (Víctor, min.75) e Morcillo.
CORCOESTO: Siro (Lista, min.30), Manuel (Pepe, min.46), Germán, Rivera, Miguel, Edelmiro, Luís, Rodri, Martín (Toñito, min.65), Pichón (Martín, min.46) e Pablo (Couto, min.65).
Goles: 1-0, min.10: Morcillo; 2-0, min.15: Morcillo; 3-0, min.25: Alex; 4-0, min.35: Javi Marroco; 4-1, min.45: Pablo, de penalti; 4-2, min.70: Martín; 5-2, min.83: Víctor; 6-2, min.87: Adán.

Os locais que estiveron moi acertados de cara gol sentenciaron o choque na primeira metade de partido. Os locais encontráronse co contratempo da lesión de Siro, Luís tivo que colocarse na porta. Tralo descanso, os visitantes acurtaron distancias, pero non foi suficiente para achegarse no marcador. Na reta final de partido os locais aumentaron a goleada.

Muros B - Xaviña (2-4)

MUROS B: Samu (Trozo, min.60), José María, Brea (Xandre, min.60), Maikel, Paqui, Pedro de Nieto, Ramón (Geray, min.46), Piru, Pesco, Pardelo e Ivi (Fastu, min.46).
XAVIÑA: Juan, carlos, Sergio, Juan Antonio, Chiri, Chapu, Carlitos, Búa (Cristian), Dani (Jonathan), David e Elvis.
Goles: 1-0, min.13: Ivi; 1-1, min.25: Carlos, de falta; 1-2, min.30: Elvis; 2-2, min.41: Ivi; 2-3, min.48: Dani; 2-4, min.63: Chiri.

Gran partido do Xaviña que cos tres puntos escala dúas posicións na parte baixa da táboa clasificatoria. Pese as baixas os xogadores camariñás emplearonse a fondo para remontar o primeiro gol de Ivi. O medio centro Carlos, que na tarde de onte xogou de lateral foi un pesadelo pola banda para o equipo local, marcou un gol de falta e creou varias ocasións de gol.