Varias novidades sobre o fútbol da Costa durante estes días. Se mañá coñeceremos a postura do Corme CF tralo seu intento de modificar a norma dos ascensos para abrir a man aos equipos de Bergantiños á zona de sempre, á da Coruña, hoxe traemos varios apuntamentos.

Calendarios en marcha

O primeiro, os novos calendarios que van saíndo do forno da Federación e que en breves iremos incluíndo en www.futboldacosta.com. Así, xa temos o Calendario da Preferente 2012-2013. Unha Preferente que comeza o 26 de agosto, na que competirán o novo Xallas de Santa Comba (empeza a liga ante o Páramo en casa), o Soneira (que empeza en Chantada) e o Dumbría (que fará o propio en Ribadeo).

Tamén está listo o calendario da Liga Galega Cadete, na que competirá o Bergantiños e mais o Dumbría. Na primeira xornada (15 de setembro), o Dumbría recibe ao Xuventude Oroso e o Bergantiños visita o campo do Conxo B.

Tamén está listo (tampouco o subiu aínda a Fed.) calendario da Liga Galega Infantil, onde tamén competirán Dumbría e Bergantiños. Os dumbrieses, debutantes tamén en infantís, empezan tamén ante o Xuventude de Oroso, e intentarán ter calendarios parellos cos cadetes para aforrar custes.

Reunión ca Federacion

E aínda faltan calendarios por decidir. Para iso, o vindeiro mércores 1 de agosto, no auditorio do Pavillón de Baio, as 20:00 horas, reunión da Federación cos Clubes da Costa para configurar os calendarios da temporada 2012-13.

Os clubes que asistan poderán formular peticións parta os calendarios de 2ª e 3ª Autonómica, Xuvenil, Caderte e Infantil. De non acodir, poden facer aportacións ata ás 14:00h do propio mércores.

Novo choque da Selección da Costa

E aquí vos deixamos coa Convocatoria de xogadores para o partido "Selección da Costa-RCD Deportivo “B”, no marco do XXIX Trofeo Manolo Martín. Un choque que se celebrará o día 5 de agosto de 2012 no campo de San Paio de Refoxos, en Cee, as 18:00 horas:

Porteiros:

• Ángel Luís (Muxía).
• Miguel Anxo (Lira).

Defensas:

• Brais (Porteño).
• Pandi (Corme).
• Alex (Club do Mar).
• Iván Rey (Sofán).
• Maikel Vilela (Soneira).
• Chema (Montelouro).
• Chúa (Outes).
• Aarón (Dumbría).
• Simón (Esteirana).

Medios:

• Barreiro (Camelle).
• Moriño (Camariñas).
• Pío (Alcaián).
• Carlos (San Lorenzo).
• Brais (Mazaricos).
• Nico (Fisterra).
• Mayor (Soneira).

Dianteiros:

• Alberto Recarey (Ponteceso).
• Alexandre (Xallas).
• Kike (Soneira).
• Javi Suárez (Baio).
• Toni (Dumbría B).

Novas relacionadas

• Movementos de pretemporada no fútbol da Costa.
• O Corme segue buscando apoios para a súa proposta de ascenso.
• Un día para celebrar o poder do fútbol da Costa.
• Lariño disfrutou do fútbol praia e en Esteiro loitan por evitar a Cuchara.
• Vídeoentrevista de Ángel Garrido con Charro.

Fonte

• Redacción de Deportes de QPC ([email protected]).