Preferente: Máis pendentes do Dubra que dos nosos

08:15 06/05/13

Quedan 2 xornadas para que remate á Preferente e cos nosos perfectamente colocados o fútbol costeiro case está máis pendente do Dubra que dos XSC, Dumbría e Soneira. I é que os arrastres dende o Ourense da 2ªB, pero sobre todo co case certificado descenso do Bergantiños á propia Preferente. O Dubra, 6º por abaixo, ten complicado o descenso, pero de caer habería unha praza máis de descendo na 1ª Autonómica, a sumarlle ao xa confirmado do Fisterra. Camariñas e Ponteceso quedarína pendentes dun fío, e Mazaricos, Outes e Cabana tamén que loitar por evitar outra praza.

Así, na xornada, o Xallas de Santa Comba aseguraba matematicamente a 5ª praza, mentres que o Dumbría e o Soneira caen coas súas derrotas á 9ª e 11ª posición.

Xallas StComba - Dubra (1-0)

XSC: Diego, Alberto, Guille, Pablo, Chinda (Pablo Baña, min.46), Jota, David, Marquiños (Mon, min.60), Diego Maneiro (Jesús, min.65), Noli (Javi Suárez, min.46), Doro.
Gol: 1-0, min.77: Doro tras unha parece con Jota.
Expulsión: Jesús no min.89.

Xa está Corredoira dando minutos a esas novas promesas do cadro xuvenil como Diego Maneiro e Marquiños. E foi un bo partido dos xalleiros, que venceron ao que menos conviña ao fútbol da Costa.

O control foi dos verdes e laranxas que tiveron un par de ocasións no primeiro tempo por medio de Noli e Doro. Diego apenas tivo que intervir nun córner.

No segundo tempo, máis do mesmo, cun Dubra algo necesitado, e colgando balóns ben solventados pola defensa local. E practicamente na única boa combinación dos xalleiros na segunda, Doro asinaba o gol da vitoria que asegura unha meritoria 5ª na que rematará o cadro de Corredoira esta boa, pero mellorable campaña.

Boiro -Soneira (4-0)

SONEIRA: Víctor, Pichi, Fran de Urroa (Cristian, min.65), Maikel, Mayuyo, Bibi (Basti, min.55), Michel (Fito, min.55), Toni Fisterra (Óscar de Maema, min.65), Baba, Richi.
Goles: 1-0, min.20; 2-0, min.35; 3-0, min.45: de penalti; 4-0, min.70.

Pouco puideron facer os soneiráns ante un Boiro que se xoga o título. Un título que está espectacular, con 3 equipos en 2 puntos, e cun Boiro que con esta vitoria se pon de líder tralo 3-0 do Bertamiráns ao que chegaba líder, o Grixoa.

Os de Boiro non deron opcións e ao descanso o marcador xa era de 3-0.

Chantada - Dumbría (1-0)

DUMBRÍA: Juan Porrúa, Tantán, Rudi Cotelo, Pablo Vidal, David Carreira, Aarón López, Dani Casal, Jesús (Riki), Luisito (Leo), Bruno, Piri.
Gol: 1-0, min.30.

Partido sen demasiada intensidade no que o Dumbría mereceu mellor sorte.