Tremenda a xornada do #futboldacosta. Por arriba, por abaixo... a fin de semana deixounos de todo.

Como o descenso matemático do Fisterra, que se sentía salvado no min.90 pero que no desconto vía como o Villestro daba a volta ante un paralizado Ara Solis. As vitorias do Camariñas e do Flavia devolven aos verdes á Liga da Costa, quedando, iso si, salvados o Ponteceso e o propio Camariñas.

A Esteirana é o campión da 2ª Autonómica e novo equipo da 1ª. Os esteiráns non fallaban ante o Carnota e aproveitaban o empate do Baio co Sofán (nun día de festa para os baieses como último choque da liga regular) para cantar o alirón e celebralo por toda a vila, con camión e todo...

A festa do partido tamén comezaba coa entrega do Trofeo aos Cadetes da Esteirana, con pasillo e todo, campión da LIga costeira.

Por abaixo, as cousas da Liga da Costa tamén están tremendamente tensas, e máis co posto de arrastre do Fisterra. O Cabana vencía en Corcubión e o Mazaricos non pasaba do empate co Zas quedando agora igualados, co Cabana tendo o golaverage individual a favor. O Outes non queda safo tampouco con só un punto máis que ambos e na última xornada teremos tres partidos de infarto.

Tremenda a xornada tamén na 3ª Autonómica. O Porteño non fallaba e xa é equipo de 2ª Autonómica. Pero ademais, a atención estivo no IDC - Laxe, que remataba con empate a 5 nun partido de tolos, pero que parece que o IDC vai recurrir unha aliñación indebida de Gora, medio laxense que xogou pois a directiva falou ca Federación pola semana e lle dixeran que podía xogar pois o partido do Fisterra B contaba para as sancións. Seica o Independiente sen informou de que non era certo e vai recorrer para asegurar xa o campionato nos despachos, polo que o xoves saberemos a decisión do Comité.

En Xuvenís as semifinais da Copa da Costa deixan todo aberto para a volta, cos dous empates, mentres que os Veteranos xa teñen os Oitavos perfilados.

Dous campións nas Fases intercomarcais

Ademais, a xornada deixounos boas sensacións nas Fases Intercomarcais de Fútbol 8. Unha Fases que se xogaron antes de que rematase a liga regular, coa conseguinte paradoxa de que se cadra non xogan as fases os campións finais.

En todo caso, o Fisterra Benxamín e o EFM Vimianzo Alevín quedaron campións intercomarcais. Os vimianceses vencía 13-1 nas semis ao Valga e 1-6 na final ao Negreira. Tamén contra o cadro nicrariense xogou a final o Fisterra de benxamíns, gañando o título por 3-8.

Preferente, xornada 36

1ª Autonómica, xornada 33

2ª Autonómica, xornada 33

3ª Autonómica, xornada 33

• Descansa Ameixenda.
• Fisterra B - Alcaián (0-2) - pola retirada do filial fisterrán.
• Porteño e Castrelo xogaron na Ponte do Porto.

Copa da Costa Xuvenil, Ida das Semifinais

Liga Galega Cadete, xornada 30

1ª Cadete, xornada 25

• * Muros - Carnota suspendido por incomparecencia do Carnota.

1ª Infantil, xornada 29

• Descansa Fisterra.

Copa da Costa de Veteranos, Volta da Previa

Máis información

• www.futboldacosta.com.
• Cadros da Copa da Costa 2013.

Novas relacionadas

• Os Clubes da Costa piden a unificación das Ligas Xuvenís nunha reunión con pouco aforo.
• 50 anos da Copa da Costa cos Oliver e Benji do Ghañan Style.

Crónicas da semana

• Parte de sancións cargado para o Cee.
• Copa da Costa: Crónicas completas dos Dezaseisavos.
• Xa temos Oitavos da Copa da Costa.
• Xuvenís: Servidas as semis da Copa tras uns tensos Cuartos.
• 3ª Autonómica: O IDC celebra o ascenso e o Porteño gaña o derbi.
• 2ª Autonómica: O Cee despídese do ascenso e os de abaixo rezan contra os arrastres.
• 1ª Autonómica: Ao borde do abismo.
• Preferente: Pasando xornadas.
• Resultados e análise da xornada da última fin de semana de abril.

Artigos relacionados

• Alberto Pose: Do auténtico fútbol da Costa. Con Manolín.

Fonte

• Redacción de Deportes de QPC ([email protected]).