Resultados e análise dunha xornada co primeiro ascenso da temporada

22:03 16/03/14

Bainas celebrando o ascenso-Foto-Jorge Parri

Rectificación: Tras falar de novo ca Federación, finalmente a retirada do IDC implica que o resto de partidos que quedan se dean por vencidos ao equipo rival pola media de goles recibidos do IDC ao longo da temporada. O IDC mantería en todo caso a súa praza de descenso e os xogadores, sempre que o equipo confirme a retirada, poderán xogar na mesma categoría.

Xornada completa esta última de inverno, aínda que non o pareza. E con moitas cousas interesantes, que deixan xa cousas listas, como o ascenso do Baíñas á 2ª Autonómica.

Pero imos paso a paso e comezamos o repaso pola Preferente onde se vivía un dos partidos da xornada, o derbi entre XSC e Dumbría, que quedou algo deslucido pola superioridade dos dumbrieses. Unha vitoria que deixa aos de Canosa máis metidos na Promoción aproveitando o empate do Silva ante o Residencia. Por abaixo, o Soneira non puido sacar nada da súa visita a Mugardos e segue de pechacancelas.

Fantástica xornada para os equipos costeiros da zona baixa da 1ª Autonómica. Camariñas e Ponteceso sumaron 3 puntos ante Cordeiro, nun choque vital, e Agolada e malia seguir nas dúas últimas prazas, o Camariñas suma 23quedando o Ponteceso con 21. A salvación, sen contar os arrastres, a marca precisamente o Lamela, que sorprendía cunha vitoria ante o Villestro, e o Cordeiro, con 26, pero ata os 29 puntos hai 3 equipos máis implicados. A Esteirana ten 32, e parece que non vai pasar apuros malia caer rotundamente ante o Piloño. E por arriba, o Malpica segue ao seu metendo presión ao Arzúa loitando pola segunda praza. Os queixeiros caían ante o líder, o Noia, polo que o Malpica queda a 2 puntos desa praza de promoción. Pola súa parte o Baio tamén vencía e queda nada menos que na 6ª praza.

Viña marcada a xornada da 2ª Autonómica pola retirada do IDC. O conxunto carballés leva xa moitos meses con problemas de efectivos e decidía retirarse da competición. Queda pois a táboa algo coxa.
Pero é que hoxe había un partidazo no Carral, entre Sofán e Zas, e o 3º podía co líder, deixando o alto da táboa nun pano. Espectacular a loita polo título, e pola promoción.

Ascenso do Baíñas

E a nova máis salientable da xornada foi o ascenso do Baíñas á Liga da Costa. Un equipo feito para ascender que só cedeu 8 puntos en 19 xornadas, e que consegue o ansiado ascenso con 3 xornadas de marxe.
Estivo vibrante a xornada na 3ª Autonómica, pois había ademais choques directos na loita pola Promoción. O Montelouro non fallaba ante o Nantón e ten o camiño doado cara o ascenso directo, quedando provisionalmente o Nantón, xunto co Muxía, fóra dos postos de promoción. I é que cadro muxián de Suso Rey non podía co Coristanco, que tamén dá un salto cara a Promoción, obtendo un colchón de 6 puntos con muxiáns e cabaneses. Co empate entre Lira e Seaia, quedan 5 equipos en 2 puntos, dos que só 3 se clasificarán para a Promoción.

Repaso ás categorías inferiores

Paso de xigante da Esteirana para acompañar ao Dumbría na Fase de Ascenso á Liga Galega Xuvenil. Os esteiráns podían co XSC e quedan con 15 puntos, 1 menos que o líder, sacando xa 7 ao 3º, agora o Cabana tras vencer ao Malpica. Uns resultados que deixan a Liga dos vencedores case sentenciada a falta de 4 xornadas.
Mentres, na Copa, o Camariñas e o Muros son os líderes dos dous grupos.

Se o Dumbría nada podía facer ante o poderoso Celta na División de Honra Cadete, o XSC sacaba un empatiño ante o Calasanz no Grupo de Descenso da Liga Galega Infantil que o deixa aínda a 8 puntos da salvación, pero con tempo para reaccionar.

Na 1ª Cadete o XSC arrasa mentres que o Cee xa é campión da 1ª Infantil. A falta de unha xornada o equipo de Carlos Pazos ten 3 puntos de vantaxe e o golaverage co Fisterra, que vencía ao Corme e impedía que os cormeláns tiveran opcións na última xornada. Parabéns para os ceenses, e enviamos un saúdo a Carlos Pazos, convalecente dun accidente de moto no hospital.

Os Veteranos con dificultades

E pelexada está a Liga de Veteranos. Hoxe non gañaban nin o 1º nin o 2º. O líder, o Coristanco non pasaba do empate a 0 en Verdillo, pero é que o Soneira caía ante o Xuv. Bergantiños e queda xa a 4 puntos, só 2 por riba do Bértoa, que se suma á loita.

Preferente, xornada 29

Gal. Mugardos	5-3	Soneira
Xallas StComba	0-4	Dumbría

1ª Autonómica, xornada 27

Piloño	5-1	Esteirana
Baio	3-1	Puebla
Camariñas	3-1	Cordeiro
Agolada	0-2	Ponteceso
Flavia	0-1	Malpica

2ª Autonómica, xornada 27

Fisterra	-	Indep. Carballo
Cabana	3-1	Cee
Corcubión	1-0	San Lorenzo
Sofán	0-2	Zas
Corme	2-1	Muros
Buño	0-1	Porteño
Volantes	4-0	Camelle
Outes	1-1	Castriz
Carnota	2-2	Mazaricos

Fisterra-IDC suspendido pola retirada do IDC da competición.

3ª Autonómica, xornada 19

Laxe	5-1	Castrelo
Corcoesto	2-5	Ameixenda
Seaia	0-0	Lira
Montelouro	2-1	Nantón
Muxía	0-1	Coristanco
Baíñas	6-0	Cerqueda

Liguila Previa á Fase de Ascenso á Liga Galega Xuvenil, xornada 6

Esteirana	4-3	Xallas StComba
Dumbría	4-0	Corme
Cabana	5-3	Malpica

Liga da Copa de Ascenso. Grupo 1, xornada 3

Ponteceso	2-1	Coristanco
Baio	1-2	Porteño
Castriz	1-2	Camariñas

Liga da Copa de Ascenso. Grupo 2, xornada 3

Muros	1-1	Outes
Muxía	4-1	Lira
Mazaricos	1-4	Cee

Descansa Fisterra.

División de Honra Cadete, xornada 24

Dumbría

0-4

Celta

Play Off Descenso da Liga Galega Infantil, Grupo 2 Norte, xornada 5

XSC

0-0

Calasanz

1ª Cadete, xornada 18

Muxía	3-0	Zas
Outes	4-8	Fisterra
Cee	1-3	Cabana
Muros	3-1	As Baleas
Corcubión	0-6	Xallas StComba
Coristanco	8-0	Baio

Descansa Esteirana.

1ª Infantil, xornada 25

Sofán	1-6	Esteirana
Vimianzo	4-5	Cabana
Fisterra	6-2	Corme
Outes	2-4	Ponteceso
Os Miudos	9-0	Baio
Cee	6-0	Coristanco

Alevín, F-8 Costa Norte, xornada 5

Coristanco	5-3	Sofán
Muxía	6-1	Corcubión
Vimianzo	12-0	Baio
Cabana	5-2	As Baleas

Descansa Corme.

Alevín, F-8 Costa Sur, xornada 16

Os Miúdos A	8-1	Os Miúdos B
Dumbría	5-0	Esteirana
XSC B	2-0	Lira
XSC A	4-3	Cee
Fisterra	2-1	Outes

Benxamín F-8 Costa Norte, xornada 5

As Baleas B	1-1	Corme
Coristanco	1-2	Sofán
E.M.F. Vimianzo	2-0	Baio
Cabana	7-0	As Baleas A
Muxía	10-0	Ponteceso

Benxamín F-8 Costa Sur, xornada 16

Os Miúdos A	4-3	Os Miúdos B
XSC B	4-0	Lira
XSC A	1-0	Cee
Dumbría	3-1	Esteirana A
Zas	15/03 - 12:00	Esteirana B
Fisterra	3-6	Outes

Prebenxamín F-8 Costa Este, xornada 4

Outes	6-3	Baio
Xallas StComba	-	Esteirana

Descansa Cee B.

Prebenxamín F-8 Costa Oeste, xornada 4

Cee A	6-2	Dumbría
As Baleas	0-2	Corcubión

Descansa Fisterra.

Ligas de Veteranos, xornada 25

1ª División

Muros	1-1	San Román
Nantón	0-3	Cabana
Bértoa	1-1	Laxe
Xv. Bergantiños	3-1	Soneira
Ponteceso	1-1	Zas
San Lorenzo	0-0	Coristanco
Baio	2-1	Dumbría
Camariñas Vet	1-2	Castriz