Un dos protagonistas nos últimos anos do entroido costeiro vive en Laxe. O Caietano deixará o bar para convertirse en alcalde, e acabar no cadaleito. Todo ocorrirá este domingo 19 de febreiro. Un Entroido popular que inclúe a participación das asociacións de veciños, como son AAVV San Antonio de Aprazadoiro, Amas de Casa de Laxe, Asociación de Naies e Pais, Asociación de Teatro Folerpas e Banda de Gaitas Maruxía, o que lle dá un tono máis achegado á xente.

Seguindo o costume a xornada comezará ás 16.00 horas coa reunión de disfrazados diante da Casa do Concello. Nese momento, desde o balcón da Alcaldía, o Caietano lerá o pregón inaugural. A continuación, sobre carruaje tirado por póneis, o Cayetano, anfitrión das nosas festas, convertido en Alcalde por un día, iniciará un pasacalles de Entroido pola vila.

Durante o percorrido o novo Alcalde irá acompañado por varias comparsas locais e tamén por Troula Animación que presentará o espectáculo "O Mundo do Circo" composto por charanga, zancudos, monociclo, malabaristas, pallasos, etc. Contaremos tamén coa presenza de moitos veciños e veciñas de Laxe, que, cos seus disfraces e ganas de festa achegarán grandes doses de ritmo e cor.

Chegados á Praza Ramón Juega actuarán as comparsas previamente inscritas. A continuación terán pasarela de disfraces para todas as idades. Farán un breve xuízo ao pendencioso Caietano e rematarán a festa cun gran baile de disfraces pensados para todos os gustos musicais.

Inscrición e reunión

Co fin de preparar o tradicional pasarrúas de disfrazados, todos os interesados poden inscribirse no Concello, así como poderán participar nunha xuntanza organizactiva o venres 17 de febreiro ás 21.00 horas no Salón de Plenos.

Novas relacionadas

• A historia do Don Caietano.
• Entroido 2009: O pobo de Laxe enterra ao Cayetano.
• A historia completa de Don Cayetano.

Outros entroidos da Costa

• Corcubión non quere perder o seu ácedo entroido.
• Malpica: A Mikaela e o Farruco serán protagonistas do Antroido de Malpica.
• Ponteceso: Ponteceso celebrará un Entroido de Disfraces.
• Muxía: Os pinchos serán, unha vez máis, os protagonistas do entroido muxián.
• Zas: Pequenos e maiores protagonizan o entroido de Zas.
• Carnota: Concello e Asociacións presentan un Entroido de orellas, Urdangarines e Duquesas en Carnota.
• O Pindo: O Pindo prepárase para a invasión vikinga do Entroido.
• Cee: Cee presenta o seu Entroido.
• Dumbría: Dumbría presenta o entroido máis desexado.
• Fisterra: Santi Caneta será o pregoeiro dun Entroido de Fisterra que xa ten cartel.
• Vimianzo: Vimianzo tamén quere un entroido de primeira.

Fonte

• Concello de Laxe.