Arrincaba hoxe a segunda e defintiva fase das obras da dragaxe do porto de Laxe, unha demanda histórica de toda a vila mariñeira. Trala positiva primeira fase realizada durante 2020, as embarcacións volvían ao peirao, para realizar unha primeira retirada de áridos nos fondeos na zona.

A partir de aí intentarase recuperar o calado no interior da dársena, coa eliminación da zona rochosa do fondo mariño e intentar así mellorar os problemas de operatividade producidos pola onda longa.

As previsións de Portos de Galicia establecen que a continuación e ata final de mes se procederá á montaxe das pontonas desde as que se procederá á perforación da zona rochosa. Finalmente, a partir da primeira semana de maio poderán iniciarse as perforacións desde esas tres pontonas que traballarán na zona.
A dragaxe realizarase principalmente á cota -5, excepto nunha franxa próxima ao peirao da lonxa que se realizará á cota -3.

A Xunta non pon prazo de execución e só fala de "varios meses" de traballos.

Historia sobre a dragaxe de Laxe

• Xaneiro 2021: O BNG leva ao Congreso dos Deputados a acumulacion de áridos de Laxe.
• Novembro 2021: Avanzan a bo ritmo as obras da dragaxe de Laxe.
• Xuño 2020: Hoxe comezaron as obras da dragaxe de Laxe.
• Maio 20: Avanzan as obras do dragaxe do porto de Laxe.
• Outubro 2019: O dragado de Laxe e a Variante de Carballo, demandas de décadas, as únicas apostas dos Orzamentos da Xunta 2020.
• Setembro 2019: En breve comezarán as obras do dragado de Laxe:
• Xaneiro 19: A dragaxe do Porto de Laxe xa ten Declaración de Impacto Ambiental.
• Setembro 17: Eólicos vs Dragaxe de Laxe. Mariñeiros vs Unión Fenosa.
• Febreiro 2017: Confraría e grupos municipais volven unirse para solicitar a dragaxe do porto de Laxe.
• 01-02-2017: Temporal de mar en Laxe: barcos a terra (ou a Camariñas).
• Decembro 2017: A eterna parálise das obras de mellora do porto de Laxe volven atascarse no Parlamento.
• Xullo 2016: Laxe volve unirse por unha solución para o porto e a praia.
• Xuño 2016: O porto de Laxe, o punto incómodo entre os grupos municipais.
• Febreiro 2016: Portos abre a licitación das obras da dragaxe no porto de Laxe.
• Setembro 2015: O dragado do Porto de Laxe, incluído un ano máis no Orzamento da Xunta para o ano que vén.
• Agosto 2014: Confraría e grupos municipais únense por unha solución aos problemas do porto de Laxe..
• Xuño 12: Portos comprométese a solucionar o problema cos áridos en Laxe.
• 2011: A area da praia de Laxe xa chega a Bruxelas.
• 2010: Problemas na praia de Laxe trala ampliación do dique..