Mércores. 16.10.2019
El tiempo

Concello e Asociacións piden manter Laxe como o único Concello da Costa da Morte libre de eólicos

Concello e Asociacións piden manter Laxe como o único Concello da Costa da Morte libre de eólicos
Val de Soesto e Traba-Laxe Piden manter libre de eólicos o Val de Soesto e Traba, en Laxe

Segue a ser a creación de novos parques eólicos un dos temas máis polémicos na nosa Costa da Morte. As discrepancias entre os partidaros do aproveitamento económico do espazo natural e dos conservacionistas seguen manifestándose en proxectos como o da Batata ou nos numerosos parques eólicos que enchen os nosos montes.

Nesa disxuntiva atópanse varios grupos activos da sociedade bergantiña ante a creación dun parque eólico en Laxe, o que sería o primeiro. Falamos do proxecto de parque eólico de Pena Forcada Catasol II, iniciativa de Unión Fenosa para instalar tres aeroxeradores no monte Chan, entre Soesto e Traba, moi cerca da área protexida dos Penedos de Traba e Pasarela.

Contra este, as Asociacións Contramínate, Petón do Lobo, Cova Crea, o Grupo político BNG de Laxe veñen de enviar alegacións á Xunta, dado o impacto paixasistico irreversible que carrexaria sobre a zona. Lembran que o Concello de Laxe é até agora, o único Concello libre de eólicos da Costa da Morte. E piden, co apoio do Concello, por tanto que o proxecto se evite e se potencien os que xa existen.

Novas relacionadas

Fonte

Comentarios